Дар саросари Тоҷикистон тренингҳои интерактивӣ баргузор шуданд

Барномаи мазкур, ки аз ҷониби Иттиҳоди Аврупо маблағгузорӣ мешавад, ба татбиқи Стратегияи миллии рушди маориф барои давраи то соли 2030 ва уҳдадориҳои Ҳукумати Тоҷикистон нисбати ноил гардидан ба Ҳадафҳои рушди устувор мусоидат менамояд. Дар заминаи тақдим кардани таҷҳизоти техникӣ ва нашрияҳои нав ба муассисаҳои интихобшуда, ҳадафи тренингҳо ва ҷаласаҳои омӯзишӣ аз амалӣ кардани табаддулоти рақамӣ дар тамоми синфхонаҳои кишвар ва муҷаҳҳаз гардонидани омӯзгорон бо малакаҳои зарурӣ барои равишҳои эҷодкорона нисбати усулҳои омӯзиши кӯдакон иборат буд.Дар доираи “Барномаи дастгирии таҳсилоти босифат II”, ки маблағгузори он Иттиҳоди Аврупо мебошад, ЮНИСЕФ дар Тоҷикистон бо Вазорати маориф ва илми Ҷумҳурии Тоҷикистон ҷиҳати баланд бардоштани зарфияти муассисавӣ ва кадрии филиалҳои Донишкадаи ҷумҳуриявии такмили ихтисос ва бозомӯзии кормандони соҳаи маориф ҳамкории зичро ба роҳ мондааст.