Darıxan adamın şeiri...

Darıxan adamın şeiri
bilirsən də,
mən darıxan adamam
bilirsən də,
çox içirəm gecələr
bir də hava tutuldumu...
zülümdü!
sonra hamı yaddan çıxır
yada düşür bir nəfər...
allah haqqı darıxıram
qurban olum qayıt gəl...
bir az saat əqrəbləri,
bir az gecə vicdansız
qıvrılıram,
sıxılıram
ürəyim səksəkədə
niyə belə daşürəksən,
niyə belə amansız?
qayıtsaydın,
sabahacan sevişərdik
bəlkədə...
allah haqqı darıxıram
qurban olum qayıt gəl...
indi elə tənhayam ki
indi elə təkəm ki,
biri çağırsa adımı,
diksinərəm səsindən
lənət olsun bu gecəyə
mən elə sərxoşam ki
gəlsən bir də viski al gəl,
beləəə...
lap yekəsindən
allah haqqı darıxıram
qurban olum qayıt gəl...
gecə hələ yarı deyil
siqaretim qurtarıb...
kimə deyim “siqaret ver”
axı mənim kimim var?
bilirəm ki, gələcəksən
siqareti unutma
bircə qutu bəs eliyər
təki çıxım sabaha
sabah özüm də alaram...
vicdan haqqı pulum var
allah haqqı gicləyirəm
qurban olum qayıt gəl...
İfa: Elman Bakuvi
Şeir: Cəlil Cavanşir

[@jalebedelova1534]

Möhtəşəm!!!!

[@garashsadigov]

şeirin səmimiyyəti qədər səsləndirmə da möhtəşəm alınıb 👍🏻👏🏻

[@salih2215]

🧡

[@senior7934]

Tam versiya ne zaman olacaq?Celil abi deyerdir!

[@bakuvimedia4314]

21 yanvar saat 22:00-da