النجع 2024 الحلقة 27 ضرس العقل - انس دخيل

النجع 2024 الحلقة 27 ضرس العقل - انس دخيل
🟩ضرس العقل🌴 نجع 2024
#أجاويد
#النجع
لمشاهدة المزيد من الفيديوهات : shorturl.at/ftzW4
للاشتراك في القناة الرسمية: bit.ly/Agaweed_...
قلعته وما نيش نادم قلعته
رميته حذفته
لا العقل لا الجرس ماهوش وقـته
[[واريح بلا عقل ماهــــــوش وقتـه]]
قلعته وهي الصادقة ماوجعني
واللي دفعني
سماه عقل عـ الزاطلة مــا منعني
علّي لام ويلوم هـ اللي إسمعني
بيها سبقتـه
قتـله أفتكٰيت منـــه [خلعتـــه ]
قلعته وما نيش نادم عليهــــــا
القلعة يبيها
قلعة تبي الحق خطــوة وجيهه
وكل فم فـيه سوس لازم يجيها
وهاني نصحته
رميتـه ولي علمكم [ ما زرعتــه]
مــــاو شي لا بشي جرسي نفعني
حرام ما وجعني
قلعته وجت خير مـ اللي قلعني
رفعتـه بـ كـلاّب لمـا صـدعني
حقــه دفعتــه
لاطمـعت في ثمن لابيع بعتـــه
اللي يجض من داه يدفع فلوسـه
يقلع جروسـه
يفتك من جرس موكــــر السوسه
يخمم علي فم فيــه مغروســــــه
سبقتــه صفعتــه
بينوش لخـــرات لكن منعتــــه
قلعتـــه تهنيت كـــــــاثر سطيره
ذاهب الشيـــره
سامط بلا طعمة هٰـ اللي أنديره
لا الجرس لا الحشو لا أريد غيره
هم ورفعته
ذنبه في عنــــــق غيري دلعته
قلعته تريحت كـــــانت ضرورة
قلعت إجــدوزه
تفاجيتبه وين طلعت الصــورة
طٰـــايب على قلعتــه جاه دوره
نشكي وجعتــه
جاه طول ما تاه من غير نعتـــه
قلعتـه وما يبان عـاقب إلـ تالي
مسوس وبالي
دار ريح وإنهـان ماعاش غالي
كثرت من قوت طـرالي وجرالي
فرصة منحتـه
لكن بعد دار سوسـه مسحتـه
نصحني الدكتـــور قتله أتشيله
باليد الثقيلة
لابنج لا تحــــــن لا أدير حيـــلــه
من الغل للغـــــــــل طلع غليلـه
تهنيت زحتـــه
زيادة من الهــم دمـــه بلعتــــه
سوس وعـ القلع ناوي و جــازم
مصمم وعازم
من سوس لا يعض لا ليٰـه لازم
وقتلـه بلا بنج خليك حـــــــازم
همـــه جمعته
لاو جــرس لاعقل عفن كرهتـــه
قلعتـــه وبلا عقـــل أريح أنظني
جاء فيـه جني
بدي وكر للسوس ماو عـاد مني
زايد تقــول واخــــذه بـ التبني
ولاعاد طعتـه
خدعني بدا سوس ونا خدعتـه
قلعتـه المعلـــــــول منه العلـه
الكلاّب قلـه
بدأ فيــه ما قـــــال حتى أسمله
لاحن لا راف بي غـــــــــــل غله
قالي ردعتــه
تريحت مـ الهــــم عنك نزعتــــه

[@أميرةالبحار-ص8س]

قلعته تهنيت كاثر سيطره ذاهب الشيرة سامط بلاطعمة هااللي انديره لاالجرس لاالحشولاانريد غيره هم ورفعته ذنبه في عنق غيري دلعته إي والله صح لسانك ياحر ابدعت والله ربي يحفظك ياحر

[@0110-j6l]

موفقين

[@سعيادبلقسم]

الله يحفظك صح السانك

[@taherbulhasia3962]

ديما طيب والله يحفظك

[@nohaabdalla7366]

اسلمت و صحه فطورك عمي علي

[@mohamedalwrfaly6593]

💚💚

[@محمدالعباني-ط6ث]

أسلمت واعليت عمي علي طول عمرك صحه فطورك .

[@nassersalah10]

اي والله

[@الہٰمتہٰميٰزالہٰمتہٰميٰز]

قلعته المعلول منا العله ✍️

[@Libyan_poetry]

💚💚🫡🫡

[@hadiAlenzy]

💚💚💚💚🙌🫡