Рет қаралды 27,363
Адамдар бір мақсатта бірігіп, іс атқарса берер жемісі көп болатыны анық, кәсіп алаңы осы тәсілді жақсы қолдануда. Алланың физикалық немесе экономикалық заңдылықтары ортақтасуда береке болатынын көрсетуде. Мысалы, бір ине жасайтын ұста күніне екі ине жасаса, екі ұста біріксе алты ине жасайды екен. Ағаш мысалын айтатын болсақ, бір жеке өскен ағаш атмосфераға әсері көп болмайтыны айқын, тіпті құрғап кету ықтималы басым. Ал көптеген ағаш бір мекенде орман форматын қалыптастырған болса экожүйеге жақсы әсер етеді, жаңбыр, жануар, құстарды тартып және де көптеген берекелі істерге себеп болады.
Алланың адамзатқа ортақ (ауа, су, денсаулық) нығметтеріне адамзат жеке-жеке шүкіршілік жасаса пропорция жақтан сәйкес болмайды. Соған ұқсас қажылық секілді ортақ атқарылатын ғибадаттар бар, үш миллион қажы бір уақытта: "Алла құзырына құлдық ұрып келдік" деу арқылы ортақтасуда. Қажылардың арасында жасы, кәрісі, тіпті намазды енді бастап жүргендер болса да ортақтасу арқылы үлкен әскер қалпына келіп, толық қажылықты атқарды деген сауапқа ие бола алады.
Ораза да сол секілді бір уақытта бірігу арқылы атқарылатын ғибадат, ауызы берік мұсылмандар ниет дұғалары бір болған уақытта бірінікі қабыл болмай да бірінікі қабыл болса жалпы есепте барлығынікі қабыл болды деп есептеледі.
Биржада он пайыздық үлесің болса жылдық табыстан да сол он пайыздан түскен үлесін алатан болады, ал рухани әлемде олай емес. Мысалы, ұшақтың ұшып, жолаушыларды аман жеткізу үшін пилот, зауыттағы қызметкерлер секілді мыңдаған адамның үлесі қажет, әйтпесе ұшақ ұшпайды. Жолаушыларды аман-есен жеткізді деген сауап тек пилотқа болмайды, сол ұшақтың ұшуына үлес қосқан, бәлки, он мың адамға сауаптары бірдей болады. Тағы бір мысалмен айтатын болсақ майшамның пілтесін біреу, пөзірін біреу, кирасинін біреу әкеп ортақтасса жарығы барлығына ортақ болады. Сол секілді Алланың жолында, адамзатқа пайдалы істе бірігу майшамның жарығынан бірдей алғандай сауабы да ортақ болады.
Ораза Алланың қалауымен бірігуді көрсететін ғибадат, бұны сезіне білуіміз маңызды.
Әр намазымызда оқитын Фатиха сүресіндегі "Біз тек Саған ғана ғибадат жасаймыз және тек Сенен ғана пана тілейміз" деген аяттарда осы көріністі көре аламыз. "Жалғыз оқыған кезде мен деп жекеше түрде айтсақ болмай ма" десек болмайды. Алла мұсылмандарға аятты біз деп оқу арқылы ортақтықты бұйыруда. Жамағат намазы жеке оқығанға қарағанда жиырма жеті есе сауапты көп алатыны секілді.
Күннің сәулесін тамшыдан немесе теңізден көрінген секілді айырмашылық бар, егер тамшы теңізге қосылса сол деңгейде сәулені шашатын болады.
Ортақтасудың шарттары: Алланың есімінің үстем болу жолында немесе адамзатқа пайдалы болуда бірігу. Ниетте ортақ болу. Біріккен істе ықыласты және шыншыл болу.
Рухани ортақтасуда он пайыздық үлес қоссаң да жүз пайызды сауапқа ие болады. Алланың шексіз бітпейтін қазынасына түк әсер етпестен.
Рамазан айында бір миллиард адам оразаны шариғаттың қойған стандарттарына сай тұтатын болса, әлемді жақсылыққа өзгерте алады. Оараза айында исламды жаңадан жүз мың адам қабылдаған болса сол үлкен сауапты Алла шарттарына сай ораза ұстаған баршасына бірдей жазады. Алла барша мұсылмандарды жақсылықта, адамзатқа пайдалы істерде біріктірсін.
#ilimdariyasy #ілімдариясы #РауанЧингужанов