Дастан Есентеміров&Дария Бақытова - Айнакөл жағасында

Әні: Қалибек Деріпсалдиндікі
Сөзі: Серік Жетпісқалиевтікі
Тамыздың тәтті күні,
Айнакөл жағасы еді.
Көңілім шаттық үнім,
Таулармен талас еді.
Оқжетпес қиялында,
Қыран жүр қалықтаған.
Өзіңе құлаш ұрған,
Қарауға жалықпаған.
Қайырмасы:
Төсінде Айнакөлдің,
Жолықтым өзіңменен.
Көктемді қайта көрдім,
Ғажап-ау сезім деген.
Сөзім жоқ сенбегенге,
Жан бөлек сен дегенде.
Жұптастық қос аққудай,
Толқындар тербелгенде.
Тамыздың тәтті кеші,
Аққайың тербеледі.
Жағада шаттық есіп,
Сенімен мен келемін.
Жұмбақтас жұмбақ күліп,
Біздерге қарағандай,
Ақ жүрек үзген бе үміт?
Сені шын қалағандай.
Қайырмасы:
Тамыздың тәтті күні,
Айнакөл жағасында.
Тағдырдың сәтті күні,
Мәңгі есте қаласыңда.
Бурабай сәні бөлек,
Сағынтқан шат кезімді.
Ояттың от сезімді,
Шырқалды әнім бөлек.
Қайырмасы: