Рет қаралды 6,950
Бүгін Әдебиет абызы Әбдіжәміл Нүрпейісовті қазақ жұрты соңғы сапарға шығарып салды. Әйгілі «Қан мен тер», "Соңғы парыз" романдарының авторы, Қазақстанның халық жазушысы 98 жасқа қараған шағында дүниеден өтті.
Аштық пен соғыстың кермек дәмін татқан Әбдіжәміл Нүрпейісовті бүгінгі биігіне шығарған оның шынайы шығармалары. Әкесі Кәрім мен әкесінің екі інісі Нәжім мен Қали көкелерімен бірге майданға кетіп, сұм соғыстан жалғыз өзі оралған Әбдіжәміл, Балтық маңында Курлянд плацдармындағы көрген шайқастарды ақ қағазға түсіріп, 24 жасында роман жазып әдебиетке келген қаламгер. "Осы "Курляндияны" Алматының вокзалында түнеп жүріп жазып, жазушылар одағына Сәбит Мұқановқа әкеп оқытады. Сәбең "сонша жыл іздеген адамым әдебиетке енді келді" деген екен. Жазушыға Әуезов, Мүсірепов, Мұстафин да жақсы баға берген.
Ал жазушының екі жүзге тарта кейіпкері бар «Қан мен тер» романы әлемнің 35 тіліне аударылған. Онда жазушы қоғамның дерті мен дауасын, ескі мен жаңаның күресін, Арал балықшыларының бай өктемдігіне қарсылығын тамыршыдай дөп басқан. Сосын прозашы жиырма жыл уақытын «Соңғы Парыз» дилогиясына арнайды. Біраз ел ақтық демі үзілгенше туған жеріне алаңдап өткен абыз Беларанға қойылады деп еді. Бірақ, жазушыға Алатаудың баурайындағы "Кеңсайдан" топырақ бұйырды.
НҰРЛАН ОРАЗАЛИН, ақын, мемлекет және қоғам қайраткері:
Бірақ соңғы жылдары өзі бір кішкене менікі көңіл екен, Беларанның басындағы топырақ кетіп бара жатыр екен, сусып бара жатыр, Арал қашқаннан кейін Аралмен бірге құм, құммен бірге топырақ қашып бара жатыр екен, қалай болады екен деп бір сөз айтып қалды. Бәрімізге топырақ осы жерден бұйырып жатыр ғой, сендердікі дұрыс шығар. Мен осы Сәбит аға, Мұхтар аға, Ғабит аға жатқан топыраққа жатсам жатайын деп келісімін берді деп жүретін. "Қанша қашыққа шырқап кетсең де, бойыңдағы бір тамырың туған жеріңнің топырағында бүлк-бүлк етіп соғып жатқандай" деп "Қан мен Терде" жазған қаламгерді жер қойнына тапсырған жақындары Беларанның топырағын әкеп салды. Ал қара жерді Алматының ақ ұлпасы жапты....
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31