decor (interior design) ألوان دهانات للحوائط و الجدران 2023 للشقة بالكامل بديكورات رائعة

حلقة النهاردة مهمة جدا لان هجاوب فيها علي اسئلة كتير محيرة للناس جدا
و هي بخصوص دهانات الحوائط و طلاء الجدران
كتير مش عارفين يختاروها ازاي طيب ننسق ايه مع ايه ياباشمهندس احمد
طب السيراميك و لا الدهانات الاول طب العفش و لا الدهانات الاول و غيره و غيره
و كمان حلقة انهارده مميزة للناس الي بتحب الهدوء و الراحة في الألوانو مش بتحب تعمل كل غرفة بلون مختلف و حابة تعمل الشقة كلها لون واحد بس مش عارفة ايه هو
هجاوبكم انهارده علي معظم الاسئلة الي بتتكرر مع الدهانات
Intro
هنتكلم انهارده عن 3 الوان مهمة اوي لو انت من الناس الي بتحب توحد لون الشقة و مش كل غرفة بلون مختلف
و من ألاوان المفضلة لنقاشة الشقة بالكامل و يحسسك بوسع الشقة او الالفيلا او الوحدة السكنية بتاعتك وما بيكونش مؤذي للعين هو
1:الفانيلا لاتيه
و ده طبعا من ألالوان المحببة لينا كلنا و هو حاجة كده بين الكافيه و البيج
2:التوايلايت
و ده بقي نقدر نقول عليه رمادي فاتح اوي بس مش واصل للأبيض للناس الي بتحب فخامة الرمادي و هو من أفتح درجات الرمادي و الي بيحسس بوسع واضح للمكان
3:السمر سنو
وده قريب لليمستون ممكن يكون افتح منه شوية و لكن هو من الدرجات الغامقة شوية لكنه تريند الفترة دي مع الفانيلا لاتيه و التوايلايت و تحسه ما بينهم كده بيج واخد حته رمادي
هنتكلم بالتفصيل عن كل ألوان الدهانات دي و يمشوا مع ايه من الفرش و الديكورات و غيره و لكن هجاوبكم الاول علي شوية اسئلة محيراكم
و من أشهر و أهم ألاسئلة الي بتسألهااختار الدهانات الأول و لا العفش الأول؟
من رأي انك لازمتوفق الدهانات و الديكورات الي عندك في التصميم او في شقتك عموما مع بعض من الاول
مش العكس لانك ممكن تتجه مثلا ناحية الدهانات البيج و تعمل الديكور علي الاساس ده لأنك حابب البيجات و بعد كده يعجبك عفش مش هيبقي احلي حاجة مع البيجات و كان هيبقي محتاج الوان دهانات رمادي زي الاصفر الكناري بيكون رائع مع الرمادي عكس البيج
ليه لما بختار لون من الكارتلة و انفذه في الموقع ممكن ميطلعش نفس الدرجة بالظبط او بحسه مختلف
لان الأضاءة بتغير اللون بشكل كبير انت ممكن تدهن شقتك كلها لون واحد و لكن الاضاءة مختلفة في كل غرفة عن التانية فتحس ان الدهان مختلف
فزي مابقولكوا علي طول لازم تأخد عينة ألاول من اللون الي عجبك و تجربه في الانحاءالمختلفة في الشقة
السؤال الشهير جدا بقا
اعمل الشقة كلها لون واحد و لا اعمل حائط مختلف ولا كل غرفة لون
ايه اشيك
تعالي اقولك علي حاجة لو انت من الناس الي بتحب التغيير بشكل دائم بين ديكورات الغرف ادهن كل غرفة بلون خاص بيها
اما لو كنت من الناس الي بتحب البساطة و ما عندكش مشكل في انك هتمل بعد كده و هتبقي عايز التغيير فادهن الشقة كلها لون واحد
بس في الحلقة دي هنتكلم عن توحيد لون الدهانات في الشقة كلها او الوحدة السكنية بتاعتك و ازاي تنسقها مع الديكورات و الفرش
اول لون هنبدا بيه هو الفانيلا لاتيه
طبعا اللون ده غني عن التعريف و اتكلمنا عنه قبل كده في حلقة لوحده و ده من اكتر الالوان الي انا شخصيا بفضلها بشكل كبير لو حابب تعمل الوحدة السكنية كلها بلون واحد
و سبب تميزه انه بيتماشي مع معظم الازواق و الديكورات
و نقدر نستخدم معاه اكتر من لون في العفش زي النبيتي و الكاشمير و الازرق و الاخضر و الجراي و غيره من ألالوان
و ياسلام بقا لو عملته ربع لمعة بيكون هادئ و فخم جدا و تقدرتستخدم معاه الاستانلس الجولد في الديكورات و المرايات و توزيعاتها المختلفة
اللون ده تمييزه هيحسسك بشياكة المكان مهما استخدمت معاه من ديكورات
و ألارضيات ممكن تبقي علي بيجات لو المكان عندك ضيق شوية لان ده هيساعدك تحس بوسع المكان او كافيهات و بني لو عندك متسع من المساحة
و لو حابب كمان ممكن تعمل حيطة او اتنين في الشقة بالشكل القطيفة من نفس لون الفانيلا لاتيه بس هتغمق درجتين عشان تبقي الحيطة مميزة وواضحة و هتكون بنفس الدرجة فمش هتخرج اوي عن توحيد اللون للشقة كلها
تاني لون عندنا هو التوايلايت
وده بيتميز انه لون محايد و بيليق عليه ألوان كتير فتقدر تدهن بيه الوحدة السكنية كاملة و تغير في الوان العفش في كل غرفة و هيليق معاهم كلهم زي الروز و البيبي بلو و الاصفر الكناري و الاخضر الملكي و كمان الابيض بس او الاسود بس وبيكون شيك جدا لو حابب تعمل جزء من العفش اسود لان في ناس كتير بتفضله او ان يكون ابيض سادة
و تقدر تلعب بشوية ديكورات زي الاباليك باللون الاسود او الفضي او حتي الجولد و هتتماشي جدا مع الديكور العام
اما الارضيات فتقدر تخليها اما رمادي غامق مشبح بابيض مثلا او انها ممكن تكون رمادي فاتح لو المكان ضيق فهتحس بأتساع المكان جدا و ممكن أبيض مشبع بأسود
و كمان تقدر تعمل سيراميك بشكل الباركيه سواء بلون فاتح او غامق بيكون شيك جدا
وايا كان شكل الديكور تقدر تكمل جمال المكان بشوية براويز باللون ألابيض و كمان البانوهات الي انا شخصيا بفضلها جدا
و مع الأضاءات المختلفة و الليدات هتحس بتغيير كبير في كل غرفة
اما بالنسبة لتالت و اخر لون معانا فهو السمر سنو
و ده بفضله في المساحات الواسعة شوية لانه من الدهانات الي تعتبر غامقة فممكن لو المكان ضيق او صغير و دهنته يضيق المكان أكثر
و من أكثر ألوان العفش الي بتليق معاه بشكل كبيرهو الأزرق بدرجاته وأي شكل أرضية بيتماشي معاه سواء بورسليين أو سيراميك أو باريكه و لكن انا بافضل الأرضيات البيج الفاتح معاه بتظهروا جدا و بتبين جماله
و عشان تبين جماله كمان هتزود بعض الديكورات من الزرع الكبير الاخضر بيفرق جدا في الشكل و بيظهر جمال اللون
و كمان من الألوان المميزة معاه في العفش الكافيه الغامق بيكون في منتهي الشياكة و تحس بدفئ في المكان و هدوء و خصوصا لو ضفت بعض التفاصيل باللون الابيض زي البراويز و الفازات و التحف
و بكده نكون وصلنا لنهاية حلقتنا انهارده و يارب تكونوا استفادتوا كان معاكم احمد هلال مهندس ديكور و معماري و كنتوا بتتفرجوا علي قناة A.H designs
________________________________________________________________________

[@a.hdesigns5406]

١ رقم الهاتف و الواتساب 01557464111 ٢ لينك الفيس بوك و الماسنجر facebook.com/profile.php?id=100063887442096&mibextid=ZbWKwL ٣ لينك الانستجرام instagram.com/ahmed_helal_designs?igshid=NjIwNzIyMDk2Mg== ٤ لينك التيك توك www.tiktok.com/@ahmed.helal.desig?_t=8dsNjOucts5&_r=1

[@amrahmed3023]

حضرتك منين

[@user-yl7fl9ut3k]

السلام افضل الزيت او البلاستيك او القطيفه

[@eebaidmohamedzainab]

اللهم صلى على سيدنا محمد صلى الله عليه وسلم تسليما كثيرا الى يوم الدين

[@user-dc2qq7mu6n]

عليه افضل الصلاة والسلام

[@amalebrahim5330]

بجد شرح حضرتك روعة

[@user-jx3dt5kj3q]

شكرا جدا علي الاستفادة ياريت نشوف فيديوهات اكتر

[@imogen115]

شكرا على المعلومات القيمة ربي يجعلها في ميزان حسناتك

[@rababaabid2065]

حلقة جميلة استفدت منها جدا

[@fido21211]

شرح ممتاز جدا

[@user-im5eg1hv8s]

طريقة شرح حضرتك يا باشمهندس ممتاز جدااا 👌 ربنا يوفقك يارب ومن نجاح لنجاح اكبر بإذن الله 🤲

[@user-kw8tv6yo4d]

ماشاء الله عليك شرحك جميل ومفيد فعلا 👍

[@user-dc2qq7mu6n]

بسم الله ماشاء الله

[@hallafahmi4210]

جميلة جدا و مفيدة جدا... شكرا على نشر الوعي عند الناس

[@monamohy9255]

انت رائع ودا رأيي من اول يوم اشتركت فيه ف القناه الصدق وإلسخاء فى إعطاء المعلومه هم عنوان لكل حلقاتك تحياتي لك من اسوان

[@yousefelbasha4972]

شرحك جميل وسهل ربنا يزيدك

[@shaimaaelmagdy3884]

فيديو جميل جزاك الله خيرا

[@amanymorsay3922]

جزاك الله خيرا

[@hanantaha9764]

ربنا يكرمك علي كل المجهود دة شكرا لحضرتك

[@Mohamed_Hasan]

جزاك الله كل خير

[@rababfawzy4091]

شرحك رائع يا باشمهندس

[@saragamalabdelmonhem1455]

أعجبني من قبل ما أشوفه

[@ahmedmehany2862]

والله تسلم علي شرحك الجميل ياهندسه

[@ahmedeldjaziri9178]

المعلم والله شكرا لك جزيلا .......

[@user-uv4gr3ie6r]

فيديو ممتاز

[@Monershalby]

بالتوفيق والنجاح الدائم أن شاء الله حلقه ممتازه ومفيده جدا جدا

[@user-uv4gr3ie6r]

اللهم بارك

[@الجبس.العربي]

ماشاء الله عليك شغل ممتاز ❤

[@user-rn8nd9ff5w]

اشكرك جدا لأنك اجبت على كل اسإلتي لاني مقبله على تشطيب شقتي

[@azzaabdalla4918]

تسلم يا هندسه

[@user-dc2qq7mu6n]

تسلم ي بشمهندس

[@monael-gowely9044]

ربنا يبارك لك

[@jojosaid3351]

ربنا يباركلك

[@wafaagalaa9223]

ربنا يوفقك ويجازيك كل خير على المعلومات المفيده شكرا جزيلا لك

[@a.hdesigns5406]

امين يارب مرسي جدا لزوق حضرتك تحياتي 🌷🌷

[@user-pr6bi8tu5t]

❤❤❤❤❤ الله ينور ياهندسه

[@user-ez5mw9uc8c]

العالمي اللي وحشني مشاء الله عليك ربنا يوسع عليك ويرزقك ♥️🤲

[@hamidaamroune7493]

شكرا

[@sobhiaellithy4778]

احسن نوع من الدهانات والقطيفه وشكرا

[@gwrgameweekreview5085]

بسم الله ما شاء الله عليك في الألوان نظرك ممتاز

[@user-oq9mc6xd9w]

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤٠😅٠

[@user-oq9mc6xd9w]

0😅❤❤٠0٠0٠

[@user-oq9mc6xd9w]

٥

[@gadogado9542]

كل التحية لأستاذنا فيديو غني بالمعلومات وغايه في الاهميه لكل حد بيدهن او بيفرش بيته

[@a.hdesigns5406]

الحمد لله ان الحلقة عجبت حضرتك و مرسي جدا لزوقك حضرتك تحياتي 🌷🌷

[@gadogado9542]

دي حلقه تدرس بالتوفيق دايما يارب

[@a.hdesigns5406]

@@gadogado9542 ربنا يكرمك و يكرم الجميع يارب تحياتي 🌷🌷

[@sahar2752]

ماشاء الله عليك شرحك جميل ومبسط دا غير انك فاهم ومتمكن ربنا يبارك لك . ياريتك قريب منى عايزة اجهز شقتى من بدايتها ونفسي الاقى حد فاهم كده يساعدنى ومايورطنيش

[@user-dc2qq7mu6n]

حضرتك ساعدتنى كتير ع الاختيار الافضل الايمشى مع ديكور الفرش والسراميك قبل مااتابع حضرتك كنت اشتريت السراميك

[@aillmahmod2260]

انت انسان محترم شكرا 🌹

[@a.hdesigns5406]

الف الف شكر لزوق حضرتك الراقي 🌷🌷

[@massagames4094]

الله يجزاك خيررررر على هذا الشرح الرائع والواضح رب ابن له بيتا في الجنة ووالديه

[@MimiMohammed]

ماشاء الله انت استاذ 👍🏻😍

[@a.hdesigns5406]

الحمد لله و مرسي جدا لعليقك الرائع المشجع تحياتي 🌷🌷

[@eshalabii5562]

شغل يرتقي بالزوق العام للمشاهد ربنا يستخدمك ديما يارب

[@a.hdesigns5406]

الحمد لله ربنا يكرمك ياغالية تحياتي 🌷🌷

[@khaledelarbawy862]

ماشاء الله روعة يا فنان 💚💚🇪🇬🇪🇬🇪🇬

[@mmmon55515]

شكرا لجهدك المميز ..استفد من كلامك .الله يوفقك ويرزقك من واسع فضله. اليوم استلمت الشقة وكنت مخربط كتير ومدووش لما سمعتك رتبت لي أمور كتيرة .عندى ٣ حمامات كلها بغيرها من الالف للياء ..ياريت تنصحنى أعمل ايه .اخوك في ورطة ههه

[@enashamed1907]

حلقة جميلة جدا ومفيدة الله يبارك فيك ويحفظك ويوفقك

[@a.hdesigns5406]

ربنا يكرمك و يباركلك مرسي جدا علي تعليقك الرائع المشجع تحياتي 🌷🌷

[@fathiamin7711]

​@@a.hdesigns5406 ممكن اعرف اللون المناسب للابواب وتجاليد الخشب مع الفانيلا لاتية

[@iahmed7296]

الله عليك فعلا مافيش تفصيله في الديكور الا وبنعرفها ونتعلمها من حضرتك ربنا ينفع بيك ديما يارب

[@a.hdesigns5406]

ربنا يكرمك و يباركلك الحمد لله ربنا يجعلنا نفع للناس و يرزقنا نحن و إياكم تحياتي 🌷🌷

[@asaadmohsen3816]

ما شاء الله شغل عالي محترم بس اكيد الوان جوتن عامل اساسي في نجاح الشغل

[@a.hdesigns5406]

اه الوان جوتن تحفة بصراحة تحياتي 🌷🌷

[@abdomohamed926]

جربت حوائط الغرفة ابيض وآية لون بتحبة ٢ حاطةابيض و٢ حوائط الون بتحبة والأطفال بتحب بنك ❤❤

[@hazemhamdi1025]

يخلق من الشبه اربعين..شكل ممثل امريكى بالضبط

[@samirahassanebraheem5754]

ماشاء الله سبحان من علم الانسان ما لم يعلم

[@a.hdesigns5406]

سبحان الله و بحمده سبحان الله العظيم الحمد لله تحياتي لحضرتك 🌷🌷

[@user-zb9yf7xi1h]

جزاك الله كل خير لو سمحت انترية طوبي واثاث بني وسيراميك اسودواضاءةواضحة ومساحة واسعة اختار لون حوائط ايه ومطبخ واسعة جدااختار لونه ايه والف شكر

[@user-dc2qq7mu6n]

تسلم حضرتك ❤❤❤❤

[@monaelfouly7445]

1- لون فانيلااا لاتيه 2- لون سمر سلو 3- لون توايلاييت من درجات الرمادي

[@retajalamir5898]

لون رمادي يمشي على البني حته لو شقفه نبتي

[@balighhamde7271]

عاشت ايدك

[@mohamedataalla4623]

Congratulazioni

[@user-hi7ju6wz2o]

الالوان كلها جميله ربنايوفقك🌷

[@a.hdesigns5406]

ربنا يكرمك و يباركلك تحياتى 🌷🌷

[@issamali5258]

ياريت لو تغيري صورة الخلفيه حتي لا تأخذ وزر من يرآها من الرجال لأن صورة الخلفيه إن كانت لأمرأة متبرجه أو بزينه أو بدون حجاب فهي من السيئات الجارية لك في الحياة وبعد الممات

[@ahmedaladl177]

حلقه قويه جدا

[@a.hdesigns5406]

الحمد لله ربنا يكرمك تحياتي 🌷

[@Adham677]

ممكن تعمل حلقه عن الوزر الارضيات الابيض شكله جامد بس عاوزين نعرف افضل واوفر خامات فيوتك ولا ايه

[@cuteberry2260]

معلومات مفيدة جزاك الله خيرا.. ممكن اعرف اللون الأزرق اللي وراء حضرتك نوعه ايه ودرجته كام.. شكرا

[@jamalalhaj1]

شكرا على الشرح بيتي لا تدخل شمس يعني اضاءه خفيفه ما افضل لون يزيد في الاضاءه

[@user-vf7hr2pu5u]

رائع.... لو سمحت لو لون الحوائط رمادى فاتح اقرب للابيض وعمودين جنزاري ازرق الاثاث كركنة اعملها لون ايه

[@eshalabii5562]

الله يباركلك شرح تفصيلي للالوان وكيفية تنفيذها وايه يليق معاها من عفش واضاءه وارضيات وديكور كل ده بمنتهى البساطة والوضوح

[@yarab8840]

الازرق إللي وراك جامد

[@aboamo6257]

لوسمحت انا من اشد المعجبين بحضرتك لو سمحت لو انا مركب رخام نبيتي ا في المدخليه هي الالوان اللي تتناسب معاه

[@Anoskhaled3-7]

ماشاء الله ممتاز.....ممكن سؤال من فضلك الرسبشن عندي طويل وفيه اربع عواميد وعوزة اعمل قطيفه فانيلا لاتيه ممكن اعرف العواميد لعملها لون ايه يمشي معاه

[@fatemamaro1840]

من فضلك جرانيت فنتاستيك وايت المصرى هل يعتبر خيار جيد للمطبخ؟

[@user-rm6pg3zt7e]

اية رايك ب لون قطيفة مع فنليا لاتية واية رايك فى اوضة نوم بنى فى فضى تتعمل لون اية حطان علسان تذود الاضاة

[@ahmedshetiwy8346]

هل الون الجري. او الرمادي في العفش يبقي كويس او يكةن متناسق مع الون فانيلا لاتيه

[@mohammedsayed7357]

لو سمحت يا باشمهندس احمد اعمل مراجعه عن لون الوايت بيبر 8282

[@awftawft8202]

لو اخترت فانيليا لاتيه والارضيه ابيض مرخم رصاصي غامق والأبواب خشبي هل يليق واش من درجات الخشبي .ممكن توضح لي درجة الون الخشبي للابواب لاني حابه الارضيه ابيض مرخم رصاصي بالنسبه للون سنو وايت والتوايلايت..الله يوفقك

[@hendelbendary1550]

حلقه جميله يا باشمهندس بس عاوزة اسال حضرتك اللون اللي وراك ده ازرق ملكي بلاستيك صح كده وكمان عاوزاك تفيدني عندي طرقه طويله ومش عارفه اعملها لون ايه وكمان عندي كورنر كبير وعالي حرف L عاوزة اميزه بلون حلو ومبهج كده

[@Om_Momen]

لوسمحت اعمل حلقه عن حواءط السلم الي خارج الشقه في المنازلي يعني فهمني

[@enasabdullah6292]

حلقه مفيده جدااا ، ممكن حضرتك تتكلم عن دهان السقف الجيبسون بورد الوان وانواع ولو فى اشكال فى السقف بتتدهن لون مختلف ولا السقف كلو لون واحد ودهان المكتبه الجبسون بورد

[@a.hdesigns5406]

حاضر وعد هعمل لحضرتك حلقة مخصوص عنها تحياتي 🌷🌷

[@ahmedtarek8611]

👍🏻👍🏻👏👏

[@iahmed7296]

الألوان التلاته قمه في الروعة والشياكة وبتدي احساس بالهدوء والراحه استاااااااااااااذ

[@a.hdesigns5406]

مرسي جدا لزوقك ربنا يكرمك تحياتي 🌷🌷

[@flower525]

ممكن رقم تليفون حضرنك

[@WaleedWaleed-hm8bt]

ممكن رقم تليفون حضرتك

[@user-qh4ek7bz6u]

ممكن لو سمحتو ماهى الالوان الثلاثه

[@iahmed7296]

@@user-qh4ek7bz6u اللون الاول الفانيلا لاتيه اللون التاني التوايلايت اللون التالت السمرسنو وطبعا الالوان التلاتة الباشمهندس شرحهم بالتفصيل في الحلقة

[@amalebrahim5330]

بعد.اذنك انا عاملة حجرة النوم رمادي غامق اللي هو فضي ينفع اعمل باقي الشقة فانيليا لاتية او رمادي فاتح

[@user-xk3oo5rr7u]

لو سمحت ادهن الشقه زيت أحسن ولا البلاستك وانهو نوع لو بلاستك يكون كويس شكرا لحضرتك

[@amanymaghawry8565]

أشكرك على ذوقك العالي فى اختيار الالوان حقيقي تحفة انا شقتي ارضيتها لونها رمادي فاتح والسكولو اسود سيراميك هل ينفع ادهن فانيلا لاتيه ولا مش هيليق

[@issamali5258]

ياريت لو تغيري صورة الخلفيه حتي لا تأخذ وزر من يرآها من الرجال لأن صورة الخلفيه إن كانت لأمرأة متبرجه أو بزينه أو بدون حجاب فهي من السيئات الجارية لك في الحياة وبعد الممات وثانيا إن كانت صورتك فالحجاب والزي الشرعي فرض من الله عزوجل علي نساء المسلمين كالصلاة والصوم والزكاه وسائر الفرائض وصفاته أن لا يصف أن لا يشف أن لا يكون زينه في نفسه وإن لا يكون لباس شهرة وأن لا يكون معطر وكذلك أن يكون ساترا لجميع البدن وكذلك لا يجوز ظهورك بالمكياج أو خروجك به لقول الله تعالي..ولا يبدين زينتهن إلا لبعولتهن.

[@samahezzat3185]

من فضلك عايز لون الفانيلا لاتيه بالضبط الدرجه بتكون ازاي واعمل الجبس بورد لون اي ارجو الرد ولو هعمل حواءط او عمود قطيفه افضل درجه معاه اي

[@engyahmed6834]

رائع بس ممكن اعرف ايه افضل للرسيبش ويعطى وسع دهان نص لمعة ولا ربع لمعة ؟

[@halaelsaa2983]

بجد حضرتك رائع ❤️

[@a.hdesigns5406]

الحمد لله ربنا يكرمك تحياتي 🌷🌷

[@fryalfwzy2797]

@@a.hdesigns5406 ممكن ارقم الالون واسما الدهانات

[@fryalfwzy2797]

مسل، الخير شكرا لحضرتك ممكن ارقم الدهانات واي انواع الدهانات اسمها اي

[@-shirenalbanhawi2677]

ممكن رايك في شقه من الدوله كلها قمرات نازله من السقف نداري شكلها ازاي

[@amanymostafa8047]

لو سمحت لون الفانيلا لاتيه يناسب استايل عفش معين نيو كلاسيك بس ولا ممكن يناسبه المودرن

[@mohamedmedjahdi3083]

سلام وارئيك في اللون الأبيض

[@midooo6153]

لو السيراميك ابيض مشبح رمادي مثل اللي بالفيديو تنصحني باي لون من الوان الدهانات

[@karmsegalymohad7691]

عندى سؤال عاوزة ادهن فانيلا بس السيراميك ابيض فيه تعريقة رمادي خفيف وعندى الصالون عاوزة اغير لونه ايه افضل لون يناسب دا

[@user-wg5qm6gv5s]

❤❤❤❤❤❤

[@agdgrhfhrhhe8002]

لو سنحت يابشمهندس لون الفانيله لاتيه بيليك لو الصالون كشمير والركنه رمادي في اسود

[@mhamthaso7901]

عفش بيتي لون حليبي يعني بيج فاتح جدا وانا حابة ادهن بيت ابيض ومحتارة بلون السقف ارجو رايك واي لون مناسب

[@user-vp8dc4zg6u]

انا عملت السيراميك علي رمادي خفيف ام اللون المناسب له لبياض الحواءط

[@user-zg7fn6sb5d]

اذا سمحت أرضية بورسلين رصاصى فى بيج يليق عليها اكتر دهان حوائط فانيلا لاتيه أو رصاصي فاتح افضل ؟

[@fahadhajri5105]

نفس السؤال

[@user-dc2qq7mu6n]

ارجو من حضرتك تفيدنىاحسن شركه الداهانات جوتن ولا اسكيب

[@emysalem5808]

اسفه للتعليق متاخر بس لو مع التوايلايت عاوزين البلاط dhf ايه العينه او اللون المناسب

[@user-lk1fq7qc6h]

هعمل ركنه جملي ايه لون الدهان الافضل لها هل ينفع اللون الجراي الفاتح وهل سيعطي مساحه وتفتيح وارتياح خاصه وان غرفه النوم ابيض ف جراي كخشب والسفرو بني عامق

[@saharmohamed1644]

لو سمحت انتريه الصاله عندى كراسى منت وكنب كشمير لون الحائط يكون ايه؟ الرجاء الاهتمام والرد ف اسرع وقت وشكرا

[@user-ky1wh3iw3j]

شغلك ماشالله كله رهيب يعطيك العافية

[@mariamfam1648]

طب اذا حبيت اعمل كل غرفة بلون او مود مختلف.. بيكون في تنسيق معين؟؟؟

[@hossamaldwaxy2752]

ربع لامعه ولا نص افضل

[@fatenfarouk4846]

نوع البويات ايه للفانيلايه لاتيه الجزيره ولا سايبس اي نوع افضل من البويات لو في جديد