Депутатский запрос Премьер-Министру РК по развитию области Улытау

Ұлытау облысындағы іссапар нәтижесінде назарға іліккен мәселелер бойынша Үкімет басшысы Әлихан Смайловқа депутаттық сауал жолдадым. Әр істің бастауы, зерттелуі және нәтижелі қорытындысы болуы заңды. Сондықтан құрылған жаңа үш облыстың бірі Ұлытау өңірінің әлеуметтік-экономикалық дамуында тежеліп қалған сұрақтар шешімін табуы тиіс.
Парламент мәжілісі депутаттар тобы құрамымен Ұлытау облысы тұрғындарымен кездескенімізде - "сүйінші" жаңалықты естіген шақтағы ұлытаулықтардың қуанышы бұл күнде наразылыққа ұласқанын, ал берілген уәденің орындалмай жатқанына - халықтың билікке деген сенімсіздік тудырғанын көз көрді. Өйткені жыл жарым ішінде өңірдің ахуалын жақсартуда ілгері жылжу байқалмайды. Біріншіден, Жезқазған-Қызылорда тасжолын төсеу «сақалды құрылысқа» айналған. Еуразияның орталығы саналатын бұл өңірмен байланысу қиямет-қайым. Жол салу әлі "жобалық-сметалық құжаттамасын жасақтау" кезеңінде қала береді. Сондай-ақ жергілікті мәселелерді шешу үшін бюджеттен қарастырылатын қаржының жеткіліксіздігі, соның салдарынан инфрақұрылым, әлеу­мет­тік нысандар, қызмет түрлері түзелмей келеді. Ветеринарлық зертхананың болмауы да шаруашылықтың қарқынын тежеп тұр. Медицинада да түйткілді мәселелер бар. Тұрғындармен кездесу барысында тізілген осы сауалдарды Үкімет басшысы мен құзырлы органдарға жолдап, оны шешудің нақты іс-шараларын пысықтаудың уақыты жетті.