Рет қаралды 1,181
ԴԵՏՔ խմբի «ԼՈՒՅՍԸ ԲԱՑՎԵԼԻՍ» երաժշտական ալբոմը ձայնագրվել է ՀՀ ԿԳՄՍ Նախարարության և «ՍԻԼ» ինշուրանս ապահովագրական ընկերության աջակցությամբ:
______________________
Թե հնար լիներ աշխարհ գալ նորից,
Կուզեի ծնվել նույն հոր ու մորից...
Կուզեի, որ նույն գարնանամուտի
Աույսի թրթիռը աչքերս բանար։
Ականջներիս մեջ նույն թռչունների
Կապույտ ծիվ-ծիվը կաթեր երդիկից,
Եվ նույն երկինքը երդիկից կաթեր
Բարուրիս վրա, բարուրիս վրա
Կուզեի քնել նույն օրորոցում,
Եվ գլխիս վերև նույն օրորոցի,
Նույն խայտաճամուկ աչքաուլունքի
Լծակից կախված ողկույզը շողար...
Թե հնար լիներ աշխարհ գալ նորից,
Կուզեի խաղալ նույն տատիկների հետ
Նույն պապիկների բեղերը քաշել,
Եվ նույն կտավե վարտիքը մաշել,
Կուզեի նստել նույն նստարանին,
Նույն ուսուցիչը ականջս քաշեր
Եվ փորագրեր այբուբենը նույն
Իմ հիշողության մաքուր մարմարին
Կուզեի քնել նույն օրորոցում,
Եվ գլխիս վերև նույն օրորոցի,
Նույն խայտաճամուկ աչքաուլունքի
Լծակից կախված ողկույզը շողար...
Թե հնար լիներ աշխարհ գալ նորից,
Կուզեի, որ նույն առաջին սիրո
Ամպրոպը պայթեր գլխիս վրա,
Եվ նույն կայծակը խփեր ճակատիս.