دفزع للنخه محمد يحلابي - وزير الباز فزعتكم يشيابي

بسم الله الرحمن الرحيم
- - - - - - - - - - - - - - - - - -
دفزع للنخه محمد يحلابي
وزير الباز فزعتكم يشيابي
= = = = = = = = = = = = = = = =
وزير الباز دفزع وين ابوحسيني
اريد امدادكم بالعجل يلفيني
يبن رمضان ماظن يآبه تجفيني
لكم دزيت خطي امعنون اكتابي
لكم دزيت خطي والزعل باني
وعليكم شوشحت بطراف الرداني
يسكان الفلوجه كوم وحماني
يقطب الخامس افزع وأجمد صوابي
يقطب الخامس محمد يبو صالح
يحلاب برجاكم اسمع الصايح
لاتجفي ياجدي الحادي المادح
إذا صار المحان وظرب الحرابي
اذا صار المحان وحمت صيجاني
لصيح ابصوت جدي الباز كيلاني
ابو محي وحسن يلفيك زعلاني
حلاب الفحله الوكت الصعابي
حلاب الحوالي وفرحت المظيوم
عمر جدنه الزعيم وبيه كل الزوم
اياعبد العزيز انخاك يالمعلوم
دمدولي النظر الجرح ماطابي
دمدولي النظر وين ابو عبدالله
وزير الشيخ محي الدين بازالله
ابو جبار جدي نحتمي ابظله
وكلمن يندبه بالظيج ماخابي
وكلمن صاح بالحلاب النعيمي
ابو سعدي وسعد زوال الهمومي
جواد اليمدحلكم ياهلي دومي
وراد احظوركم بالعجل يطيابي
وراد احظوركم تلفونه دوريه
يولد انعيم ساده وياحسينيه
إذا مابانة الشارات كشفيه
بعد ممدح عليكم يهل الكبابي
بعد ممدح عليكم واتعب الساني
وادك دفي واحشمك يبن رمضاني
يخبري بيك تبري الوكع وجعاني
ابيوم الضيج لو يصرخ يشيابي
ابيوم الظيج لو يصرخ يحربيه
بعد ماظل عذر كومو افزعو ليه
هلي ماني ارجاكم عسرة بيه
لاتجفون ابنكم يوم الطلابي
لاتجفون ابنكم يوم الطرادي
اداحشم عليكم راد المدادي
هلي ينعيم كلكم فخر واسنادي
النعيمي كتبها طارق اذيابي
= = = = = = = = = = = = = = = = = = =
هذه القصيده بقلمي المتواضع الفتها بحق الساده النعيم كوم محمد الحلاب ابو محي الله ينعمنه من كراماته وفيض اسراره الشريفه في
يوم الثلاثاء الموافق ١٩/ ١/ ٢٠٢١ في تمام الساعة ٥٠/ ٥ عصرا
طارق السيد ذياب السيد رجب النعيمي