電單車強制試攻略(自動波版)，學院唔教你，試前自己可預備D咩？重考費用超搵笨！| 自動波電單車記事 | rios arc 弧圓亂語

[@phoebuscheung]

版主你好, 我當日考強制試情況同你一模一樣, 出第一個黃格就右腳落地GG. 有關駕駛學院要求我參加強制重考課程方能報重考, 我當場即時報左警備案. 最後學院以4節自行練習取代重考課程, 而我將會於本周進行我既強制試補考; 不過事情並未完結既, 補考後我將向運輸署等相關部門就駕駛學院要求強制重考課程方能報重考一事作出投訴, 理據係相關法列只要求考生必須完成強制課程, 對於補考係無任何附加要求既, 駕駛學院要求強制重考課程係非法霸王條款, 自行將政府服務綑綁於私人商業行為上. 而我至今仍未做投訴既原因係因為我要等全個流程行完, 唔可以俾駕駛學院有任何藉口. 如我既觀點有誤的話, 好希望亦真心歡迎版主及各位版友賜教, 希望可以幫助弱小考生向不公發聲

[@riosarc]

嘩，好欣賞你嘅做法，亦好後悔當時我無呢個覺悟，原來真係可以唔駛比佢屈錢！！ 希望你投訴會有d成果，令之後D師弟師妹唔駛再比人屈錢！ 祝你考試順利！

[@phoebuscheung]

@@riosarc thanks！遲d再update你🙇‍♂️

[@sukioscarpoon28]

好彩有您提出，我都怕肥，到時要堅食駕院要求，我都試下用呢個方法，因為我只想好似您咁自行補鐘練習。

[@phoebuscheung]

@@sukioscarpoon28 痴線! 你唔好唸咁多無謂野! 要1 take pass!!!

[@HiToMiKiGeNnYa]

有料！

[@agnistsao6224]

記得就算考完強制後落車推車出試場前期間唔好撞到野或跌車，如果臨尾香就好唔抵😅

[@riosarc]

啱呀！

[@toro0927]

考完強制先係開始之後就到打8字

[@chansmall7801]

講曬我啲心聲出嚟😊

[@riosarc]

哈哈，大家必經嘅階段

[@SammyChau-u7l]

我學自動波上哂3堂強制課，老實阿sir係第一堂教點着車外，其餘時間就係離遠叫你唔好點點點，完全無教技巧同點控制油門，真係完全睇自己天份，到而家我都仲係成日跌車，跌到成身損哂，真係懷疑自己係咪唔適合。黎緊12月中考強制試，都唔知點練習

[@riosarc]

成日跌車咁大件事？！如果係咁，真係要認真考慮吓，因為根據我觀察，無乜人會成日跌車的，仲要成身損哂真係少見。 我明白跌過一次就會有陰影，因為怕就再跌.......成件事係惡性循環。 但如果你本身係有愛，又或者好想考到牌嘅話，呢D嘢都係可以克服嘅，揸電單車嘅難度，對比世界起上其他技能，其實都算係簡單。你睇下大陸同台灣，勁多阿嬸阿伯日日都係揸兩碌出入，仲要可以車好多貨同2個細路，超神奇！ 按你嘅情況就一定要瘋狂補堂，要用錢去解決，甚至考慮報私人導師班。如果呢度都慨，一定考唔到了。 我估你跌車嘅原因係未識平衡，成個人太緊張，個軚左右搖得太勁，另外部車一斜，你就驚，結果就會跌。 要克服呢樣嘢，首先直路要學習個膊頭放鬆，唔好成日左右搖，視線要直線咁望遠，起碼望2部巴士嘅距離，留意個頭唔好dup低，係正常水平向前嘅，對腳張開放平台，練習對腳唔好太多動作。 而轉彎就學扭頭，視線望彎心，望完1秒後先郁個軚，個軚唔駛郁太多，靠部車傾斜去轉。如果驚部車斜，呢個只能夠練大個膽，話比自己知係無事。睇多D其他人揸電單車，佢地訓彎斜得仲勁都無事，我地呢D只係小兒科，不停增加自己信心。 最後提多句比較進階嘅嘢，其實電單車個軚唔駛轉太多的 (打8字除外)，電單車係靠車軚轉彎的，因為條軚係有斜度架，你部車斜自然就轉到彎，同私家車唔同。強制試轉嗰D彎，其實個軚轉15-20度都夠，留意下自己係咪扭得太勁。 強制試真係幫唔到你太多，暫時只諗到呢D，祝你好運。

[@yinchou202]

我都係衰黃金右腳,好彩排到等一個月可以再考

[@riosarc]

咁你算好快wo！記得練多D，等自己個心定D，就唔會落右腳架啦

[@yinchou202]

@@riosarc 考前試行都好順利,一到考就發神經XD

[@riosarc]

⁠咁就無得講, 始終考試得一次機會, 係會緊張dd😅

[@chrj6326]

求教，我上完A,B 都好唔掂， 可以幫手分享下自動波嘅平衡及速度控制嗎？

[@riosarc]

可以睇睇個playlist其他片 kzbin.info/www/bejne/g3Sxi5mYh6lgnbs 平衡其實來來去去兩個方法，一係腿張開，一係夾腿 (我自己就張開腿感覺易D) 另外眼記得望遠(水平)，唔好望地，雙手唔好伸直，要向下垂，多留意自己駕駛時有無做齊呢幾樣，有時太緊張就會錯姿勢，加油。

[@ChoyRebecca]

想問下最後要提升車速後要急停, 你會係直接禁brake定放哂加油隻手再禁brake?

[@riosarc]

一定係放哂油再brake，最好前後brake都用齊，但要先用後brake再慢慢落前brake

[@khlau2613]

剛剛今日強制肥佬，平時最順利嘅右彎居然掂到雪糕筒落埋右腳，我覺得除左緊張其次就係考試部車嘅靈敏度同反應同練習時果部差好遠，事前已經補左好多堂，再考好似要等大半年

[@riosarc]

加油呀！考試部車真係靈敏好多，平時練嗰D非常「硬」，唯有練習多D先可以掌握到！ 我係用自己車練路試，但因為報咗學院package，都包咗3次學院租車，第一次由自己車轉學院車真係控制唔到，我一直以為電單車咁敏感嘅嘢，真係要同一部車先會易控制！ 但最後一次租車，我已經可以兩車無縫轉換，因為我當時用自己車已經練咗over 40個鐘！所以練習真係可以剋服一切！

[@khlau2613]

想請教 強制轉彎應該是收油流過去比較好還是定速還是用brake控制車速比較好？

[@khlau2613]

我快期到8月 學院補堂唔岩時間 改要雙倍的自練塘比我

[@khlau2613]

考第三次強制終於今日合格啦​@@riosarc

[@riosarc]

@@khlau2613 終於成功啦，恭喜哂，攞到學牌真係會非常開心^^

[@laiwaikin8432]

緊張來源係因為排期時間太太太耐, 啲錢又好似倒水咁, 如果呢兩項既嚴重程度減低, 學車其實係有趣既一件事

[@riosarc]

排期時間真係離哂譜，我有搵過大陸考牌超快，一星期搞掂 XDDDD 有人特登住喺大陸1年，然後返香港cup返個牌都快過香港排期 XDDD

[@laiwaikin8432]

@@riosarc 台灣考電單車就算肥佬7日後就可以重考, 重要港紙一舊水有找,唉.........

[@riosarc]

@@laiwaikin8432 台灣我都有研究過，但好似分好多類型，同香港認受麻煩D，所以我無再研究落去 XDDD

[@laiwaikin8432]

@@riosarc 跟本係惡性循環，考試＞因時間耐同貴而緊張＞肥左佬＞比錢排期重考＞再考＞再緊張＞再肥...... 所以學院啲錢好好搵

[@riosarc]

@@laiwaikin8432 所以我學牌出車，用自己車考，學院無賺到我錢 XDDD 租學院車考試超貴，一次要$1000

[@manho7885]

❤️thanks

[@MsAngelyiu]

我今日上完強制堂第3堂, 但上堂一直都係上車起腳架WOR ,係咪唔同左?

[@riosarc]

呢個無所謂，你記得就ok~~~ 唔同阿sir唔同教法姐

[@jokerradio0107]

幾時考路試？ 我2020年7月報 2021年11月強制 撞疫情撞打風等好耐 2021年7月路試 而家p

[@riosarc]

P咗啦 ^^ 第一次路試2022年11月，第二次快期2022年12月搞掂咗 第一次衰咗都有出片講解 XDD

[@jokerradio0107]

@@riosarc 原來如此 恭喜晒 馬路上見師兄🤣

[@sukioscarpoon28]

我都係自動波，上曬三堂先可轉到大彎，第三堂下半節去考場操，我才發覺入唔到細彎，行細彎有冇d咩技巧？？

[@riosarc]

因為考強制都係慢車，所以自動波要入細彎其實係靠扭軚多過傾斜。 基本技巧就係望遠D，望彎心。 特別技術就係放鬆兩手臂，學識隻手臂可以向下垂，轉彎時比D膽扭軚，如果膝頭頂住，就可以將隻腳向彎心拗DD 詳情可參考我講斜路8字嘅技巧，因為斜8就係要做到轉細彎，自動波個軚真係可以轉到超細嘅彎，成個世界同棍波差好遠

[@sukioscarpoon28]

唔該晒，要去課金練習下先。

[@ansonplay]

好彩冇睇你片先考，如果比我知重考2千幾，我應該會緊張到發揮唔到😅

[@riosarc]

哈哈哈，結果順利Pass嗎？

[@yuklunlam5648]

驾駛學院真係好衰㗎！！！

[@riosarc]

強制試食硬你，一定hea.........屈你報私人導師班

[@pwc3717]

(⊙o⊙)哇你真系專業。。我自己都努力好多學生都烏sir sir … 你真系專業過佢地好多。。

[@riosarc]

其實D阿sir係識嘅，只係強制試呢個獨市制度有問題，D錢太易搵，結果份工做又36唔做又36，做耐左，幾有熱誠都變無熱誠啦。

[@yuklunlam5648]

我路試都跟師父學咗40个钟！不過肥咗！依家再補20個钟、23年2月7日再考！

[@riosarc]

就快啦喎，今次有無信心呀？

[@yuklunlam5648]

@@riosarc 係8字有時都係唔穩定！信心都有嘅！