Digjitalizimi i zyrave të gjendjes civile, Berisha viziton njësinë bashkiake nr.10 - (14 Gusht 2008)

Lajme arkiva 2008
2,5 milion euro ka kushtuar procesi për digjitalizimin e zyrave të gjendjes civile. Një projekt 3 vjeçar për të cilin qeveria shqiptare është mbështetur nga Komisioni Evropian. Kryeministri Berisha ka vizituar njësinë bashkiake nr.10 në Tiranë, për të parë në terren, procesin e shpërndarjes në rrugë elektronike të certifikatave, gjë që kursen kohë jo vetëm për punonjësit e njësive vendore, por dhe qytetarët.
Deri tani në të gjithë vendin janë digjitalizuar 14 mijë regjistra të gjendjes civile. Kryeministri kërkoi që të përshpejtohet puna në këtë drejtim.
Sali Berisha: “Kjo reformë e gjendjes civile, e kartave të identitetit, e pasaportave biometrike, është për mua reforma më qendrore, është reformë me një impakt të thellë politik, sepse i jep mundësi vendit të zhvillojë, të ketë listat e votuesve dhe të gjithë infrastrukturën teknike të zgjedhjeve, ndër më modernet, por unë dua t’i siguroj qytetarët shqiptar se nuk do të jetë e largët dita kur ata do ta printojnë në shtëpitë e tyre certifikatën që u duhet.”
Ambasadori i OSBE-së në Tiranë, Robert Bosch gjithashtu i pranishëm në takim, tha se modernizimi i gjendjes civile është një proces që po ecën përpara. Për Bosch ky është një element i rëndësishëm për reformën zgjedhore. Pasi vlerësoi procesin e kompjuterizimit të të dhënave të shtetasve për Bosch i rëndësishëm mbetet përditësimi dhe ruajtja e tyre.
Zëvendës ambasadori Petit foli kryesisht në terma kohorë të përmbushjes së detyrimeve pas këtij momenti që për OSBE-në duke të jetë vetëm, një fazë e parë për të gjithë procesin. Referencat Petit i bëri me zgjedhjet e ardhshme parlamentare.
Hubert Petit: “Qeveria duhet të arrijë afatet për sistemin e adresave, duhet të emërojnë komisionarin për mbrojtjen e të dhënave si dhe të ngrejë autoritetin e posaçëm për këtë qëllim. I gjithë sistemi i të dhënave duhet të jetë operativ përpara shpërndarjes së pasaportave biometrike dhe kartave të identitetit. Këto të fundit duhet të jenë gati të shpërndahen përpara mbajtjes së zgjedhjeve parlamentare 2009. Ne jemi këtu për të ju mbështetur në këtë drejtim.”
Pas këtij takimi kryesisht informues mbi ecurinë e gjithë procesit kryeministri dhe diplomatët e lartë të OSBE-së ndoqën nga afër një proces pune të printimit të certifikatave./tvklan.al
Gazetare: Menada Zaimi
SUBSCRIBE to “RTV KLAN” on KZbin for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow rtvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/programe/