Рет қаралды 797
Bismillah.
Söylə ey qəmli könül, qəmsiz o dünya haradır?
Bəs bu dünyada olan, qəm dolu səhra haradır?
Hansı cənnətdi o cənnətdə günah etmək olar,
Adəmi məst eliyən Cənnəti mə'va haradır?
Ölürəm yarım olan yerdə təvaf etmək üçün,
Kə'bədən üstün o vəslət yeri aya haradır?
Ətrinin sirrini aləmlərə, faş etmə gülüm.
Bilməsinlər çəmənin, ey gülü-rəna haradır?
Gözlərimdən xəbər al qəlbimi ey qəmzəli yar,
Sənə əlbət deyər o, qan dolu dərya haradır?
Adil eşqin səni rüsva elədi aləm ara,
İndi gör mənzilin ey aşiqi-rüsva haradır?
#Müəllif : Adil Əkbər.