ದಿವ್ಯ ಪ್ರಭೆಯ ನೋಡಾ ಗುರುವೆಂಬ ದಿವ್ಯ ಪ್ರಭೆಯ ನೋಡಾ|RAGHAVENDRA BEEJADI

ಸಂಗೀತ /ಗಾಯನ :ಶ್ರೀರಾಘವೇಂದ್ರ ಬೀಜಾಡಿ
ದಿವ್ಯಪ್ರಭೆಯ ನೋಡಾ
ಗುರುವೆಂಬ ದಿವ್ಯಪ್ರಭೆಯ ನೋಡಾ ||
ಆತ್ಮಜ್ಞಾನದ ತುತ್ತತುದಿಯೊಳು
ನಿಂತ ಗುರುವ ನೋಡಾ ||
ಜಗಕೆಲ್ಲ ಜ್ಞಾನದ ಬೆಳಕ ನೀಡುವ
ದಿವ್ಯಪ್ರಭೆಯ ನೋಡಾ ||
ಜ್ಞಾನವೆ ತಾನಾಗಿ ನಿಂತ ಶ್ರೀಧರ
ಸ್ವಾಮಿ ಗುರುವ ನೋಡಾ ||
ತತ್ವಜ್ಞಾನವ ಭಕ್ತರಿಗೊರೆವ
ಶಕ್ತ ಗುರುವ ನೋಡಾ ||
ಬ್ರಹ್ಮತತ್ವವೇ ತಾನಾದ ಅದ್ವೈತ
ದಿವ್ಯಪ್ರಭೆಯ ನೋಡಾ ||
ಶಕ್ತಾಶಕ್ತರಿಗೊಳಿತು ಮಾಡುವ
ಸಿರಿಗುರುವನು ನೋಡಾ ||
ಭಕ್ತಮಂದಾರ ಕರುಣಾಸಾಗರ
ಶ್ರೀಧರ ಗುರು ನೋಡಾ ||
ಜೀವಿಗಳಿಗೆ ಸದ್ಗತಿಯ ನೀಡುವ
ದಿವ್ಯಪ್ರಭೆಯ ನೋಡಾ ||
ತತ್ವರಾಜವ ಸುಲಭದಿ ತಿಳಿಸುವ
ತತ್ವಪ್ರಭೆಯ ನೋಡಾ ||
ಧರ್ಮದುನ್ನತಿಗೆ ಧರ್ಮದ್ವಜವನು
ನೆಟ್ಟಪ್ರಭೆಯ ನೋಡಾ ||
ಧರ್ಮಮಾರ್ಗದಲಿ ಜನರ ನಡೆಸುವ
ಧರ್ಮಪ್ರಭೆಯ ನೋಡಾ ||
ದಿವ್ಯಪ್ರಭೆಯ ನೋಡಾ
ಗುರುವೆಂಬ ದಿವ್ಯಪ್ರಭೆಯ ನೋಡಾ ||
ಆತ್ಮಜ್ಞಾನದ ತುತ್ತತುದಿಯೊಳು
ನಿಂತ ಗುರುವ ನೋಡಾ ||
====================
ಗೌತಮಾಯನ
====================

[@siddalingayyagonikantimath6173]

ಜೈ ಶೀಶೀಧರಾಯ ನಮ🎉❤❤