ادخل ولادي نظام اميريكان ولا بريتيش؟ American Study or British?

[@Beeforchicken123]

جزاك الله خيرا يا فندم⚘⚘⚘

[@asmaadawoud5080]

جزاك الله خيرا

[@kareemshazly]

شكرا جدا لحضرتك شرح سهل و وضحت كثير من النقاط ربنا يباركلك❤

[@raefgorgi]

ده شرف ايا. اشكرك

[@chaimaabenyahya6816]

مممن فيديوا جزاك الله خير هل المنهج البريطاني يأثر على التلميذ كمسلم

[@mixmax1710]

احسنت 👍

[@bushraismael3694]

ممكن فكره عن نظام التعليم IB

[@sofa320]

يا رب تشوف تعليقي.. رأي حضرتك في مدارس ips

[@user-hc5fc4mh2s]

ممكن فيديو عن نظام ig واية الفرق بينه وبين iB

[@hg7868]

منور ياراءف

[@ShahdHisham-bg7js]

يادكتور هو ينفع أحول بعد تانيه ثانوي ل أمريكان ارجو الرد

[@sarafawzy6546]

شكرا لتعب حضرتك ممكن ترشح لينا مدارس بريتش في اسكتدرية تكون كويسة

[@raefgorgi]

المدارس زي القوميه و الهاوس اوف انجليش و الاكادميه و بايونيرز و الرياده و ليبرتي

[@badersamer7217]

اعتقد أنه افضل من البريتيش والأمريكي هو ال البكالوريا الدولية لأنها متنوعة من ناحية المواد ومابتعتمد على الامتحانات بس إضافة إلى إمكانية الحصول علامات إضافية بناء على سلوك الطالب خلال السنة

[@raefgorgi]

هو اكيد البكلوريا الدوليه اقوي بس هي لسه مش منتشره و المتواجد بيكون في مدارس غاليه جدا و اكيد من احسن المناهج و لكن مش كل المدارس بتكون معتمده و بتطبق المناهج الصحيحه

[@bassantaboelhana9696]

💙💙💙

[@bassantaboelhana9696]

💜💜🌹

[@user-kq1bl8pz8y]

هل شهادة المدارس العالمية الهندية بتدرس منهج هندي هل معترف بها في مصر عند العودة إليها

[@raefgorgi]

اي منهج دولي لابد ان يتم معادلته و اعتماده من وزاره التربيه و التعليم. لو المنهج ده معادل للشهاده الثانويه زيه زي الدبلومه الامريكيه او زي ال IG او زي شهاده ال IB يبقه ممكن يكون معترف بيه. لازم حضرتك تسال في الوزاره عن معادله المنهج ده و هما بوضحوا اذا كان معادل او لا. انا بصراحه معنديش معلومات عنه

[@mohammadibrahim-om9qe]

حضرتك إيه رأيك في نظام الIB؟ وإيه أفضل المدارس اللي بتقدمه في القاهرة؟

[@raefgorgi]

نظام ممتاز طبعا و بيلم كل حاجه. المهم تختار مدرسه كويسه بتطبق النظام مظبوط. اللينك ده فيه احسن المدارس الي بتقدم ال IB شوف كل المدارس الي فيه و ادخل علي صفحتهم في الفيسبوك و شوف راي الناس ايه www.edarabia.com/schools/curr/international-baccalaureate/in/egypt/

[@islammynationality9487]

يعني المدارس الخاصة والحكومي مفيش تعليم

[@omarekodiy9745]

دلوقتي انا هدخل British grade 8 بس بيقولوا ان المناهج صعبه اووي بذات في secondary و الAmerican مش كويس في الامتحانات بتاعته و مش هارف اعمل ايه

[@raefgorgi]

المشكله ان فيه ناس بتنقل رأييهم من وجهة نظرهم بس الحقيقة هي ان مفيش منهج صعب وًمنهج سهل المهم انك تذاكر كويس و تتمرن علي الحل كويس و المنهج حيكون كويس و الامتحانات كويسه اذا كان American او Britsh. المهم تختار مدرسه كويسه و التدريس يكون تمام تقدر تمشي في اي شهاده و تتفوق كمان

[@bassantaboelhana9696]

💜💜💜💜

[@esraaelqasas2008]

👍👍👍👍👍

[@vatemajerna9981]

هو انا لو كنت دفعت ثانويه السنادي وجبت ملحق ينفع اقدم علي دبلومه امريكيه

[@raefgorgi]

المفروض علشان تخدي الدبلومه الامريكيه لازم تقضي من سنتين ل تلاته في نفس الشهاده و لازم المدرسه الي حتقدمي فيها بتعملك تقييم و تشوف

[@omniasamir4862]

لو في مدرسه ناشونال في مصر ممكن لو نقلت السعودية ادخله انترناشيونال امريكي والطفلة ماشاء الله ذكيه جدا بس مبتحبش تكتب كتير افضل ليها النظام الأمريكي ولا البريطاني

[@raefgorgi]

ممكن طبعا تحوليها للانترناشونال المهم يكون قبل الثاني ثانوي. اما بالنسبه للكتابه فالنظامين الامريكي و البريطاني بيكون فيه كتابه كتيره اكيد فلازم تتعود وتتمرن علي الكتابه

[@dejavulove1993]

سؤال بس يا دكتور هل بعد ما فترة الدراسة بتخلص في كل من النظامين بتدي شهادة معترف بيها عالمياً وتقدر تدرس برا مصر وتاخد منح؟ وكمان عايز اعرف المصاريف سنويا للألتحاق في كلا النظامين برضو.ارجو الرد .

[@raefgorgi]

الشهاده من اي نظام معترف بيها عالميا اكيد طول ما المدرسه المانحه للشهاده معتمده. تقدر تدخل اي جامعه في اي مكان في مصر و برا مصر بس حسب المواد المطلوبه من الكليه. و كمان ممكن اي طالب يحصل علي منح حسب مجموعه وًتفوقه.

[@mahmoudyoussef8412]

كل مرة بستفاد من حضرتك أكتر🤍🤍

[@monymody3197]

ممكن تكلمنا علي نظام IB

[@raefgorgi]

حاضر حجهز فيديو قريبا اتكلم فيه عن ال IB

[@30mar_14]

يا مستر انا في year 9 شايف المنهج صعب و عاوز احول اميريكان فاضل ٣ ايام على امتحانات كامبريدج هو ينفع اخش اكاديمية طياران كويسة برة مصر لو حولت اميريكان و هل هيقبلو بشهادة اميريكان و الsat

[@raefgorgi]

التحويل عادي ممكن يتعمل بس فكره انك تهرب من British علشان صعبه ده مش صح لان American مش سهله هي مختلفه لكن في الحالتين لازم مذاكره كويسه و شغل كتير برده. و موضوع الطياران ده اكيد بياخدوا من ال American عادي

[@asmaamansour6097]

ينفع التحويل من تجريبي ل أمريكان بعد اولي ثانوي؟؟

[@raefgorgi]

حسب المدرسه الي بتقدم فيها. فيه مدارش تشترط انه بعد الاعداديه و فيه مدارس ممكن تقبل بعد اولي ثانوي. كده كده انت بتقدم و بيعملو امتحان ليه. بس اسال الاول علي المدارس الي بتقبل بعد اولي ثانوي

[@rowidamohamed6988]

هو الكلام ده ع المدارس الانترناشونال بس يعني المدارس الناشونال الي بتستخدم مناهج سواء امريكان او بريتش دي ايه ؟؟؟

[@raefgorgi]

انا مش متأكد اني فهمت قصد حضرتك بالظبط بس فيه مدارس ناشونال خاصه بيستعملوا اللغه الانجليزي من بعش مناهج الامريكيه او البريطاني بس لازم تكون معادله للوزاره. لكن لو قصدك ان المدرسه بتدرس المناهج الامريكيه آو البريطاني كله يبقه دي كده مدرسه ناشونال و انترناشيونال

[@kamilyakhder9693]

لو سمحت لو ابني بريتش y5بس علي حسب راي حضراتكم ان الامريكان اسهل في دخول الجامعه لو عايزه احول ليه امريكان بيكون من اي جريد

[@raefgorgi]

ممكن التحويل في اي مرحله لحد ما يوصل جريد ١٠. بعد كده لازم يكمل في نفس النظام علشان المواد المحسوبه لدخول الجامعه. يعني ممكن تحول من دلوقتي و لما يوصل اقصاها جريد ٩ علشان لازم اقله ٣ سنوات في نفس النظام

[@samahasker235]

السلام عليكم انا بنتى نظام امريكى جريد 9 حاليا مقيمين فى السعوديه ادخلها منهج بريطانى ولا اهلى سعودى مع العلم انى عرفت انها لازم تجيب ١٠٠٪؜قدرات ١٠٠٪؜مدرسه عشان تلحق كليه كويسه

[@raefgorgi]

عليكم السلام و رحمة الله. اذا هي ماشيه في النظام الامريكي كويس خليها تكمل عادي و تذاكر كويس و انشاء الله تجيب مجموع حلو للكليه. التغير للبريطاني او الاهلي مش حيكون من مصلحتها خصوصا لو هي بقالها فتره في الامريكي. المهم هي تكون ملتزمه وتشد حيلها

[@samahasker235]

@@raefgorgi هى كانت تحريبى مصرى اول مره تدخل امريكى سنه ثالث اعدادى وسالت قالو امتحان السات صعب جدا ومش بيكون ليهم اماكن فى الكليات القمه مع انهم جايبين ٩٨٪؜

[@raefgorgi]

@@samahasker235 خليها تكمل عادي وتذاكر اكتر. السات مش صعب بس عايز تمرين كتير و تركيز كويس. اهم حاجه تعمل تدريبات علي الامتحان كتير و برضه تتمرن علي الوقت علشان تعود نفسها تحل في الوقت المحدد

[@khalatibihana]

انا ابني كان تجريبي ونقلته السنه دي ig قلقانه من اختلاف المناهج خاصه الماث والسينس ابسط بكتير من التجريبي هو في جراد 5

[@raefgorgi]

هي المناهم مش ابسط و لكن منظمه بطريقه مدروسه علشان الطالب يفكر حسب سنه و مش مجرد حمل عليه. متقلقيش المناهج الدوليه مدروسه بطريقه صحيحه تخليه مش بس يتعلم لا كمان مينساش الي اخده بعد ما السنه تخلص

[@khalatibihana]

@@raefgorgi اولا شكرا لذوق حضرتك ثانيا اللي قلقني انه لو محبش يكمل ورجعنا تاني لتجريبي هيكون فاته حجات كتير في الماث والساينس

[@raefgorgi]

@@khalatibihana الطالب في السن ده ليكون عنده قدره كويسه يجمع في اي منهج مع اني مش مع فكره تغير المناهج كل شويه. التحصيل في المناهج الدوليه بيكون احسن بكتير خليه في المنهج IG و خليه يصق في نفسه و شجعيه حيكون نتيجته ممتازه

[@khalatibihana]

@@raefgorgi شكرا جدا لحضرتك 🌷

[@sanaaswalem3537]

@@khalatibihana بعد اذنك ممكن تقوليلي تجربتك لاني هعمل كده مع بنتي وتخوفه جدا من النقل من ناشونال لانترناشونال

[@MohamedAhmed-xy4qy]

احترنا لغات ولا عربى

[@user-nx5nw3bx2p]

الاختبارات من امريكا لها نسبة كم في المائة وسات 2 تم إلغاؤه فما الحل ما هي مواد سات 1

[@raefgorgi]

فيه بديل السات الي هو EST و هوا نفس نظام السات.

[@ahmedbanawy4624]

ممكن حضرتك تقولي ادخل ابني مدارس الدلتا ولا الكولدج لاني محتاره

[@raefgorgi]

انا اسف معنديش معلومات عن المدرستين بس ممكن حضرتك تدخلي علي الفيسبوك بتاعهم و تشوفي شكل المدرسه و الصور الي بتنزل و الكومنتات الي الناس كتباها و تعرفي ايه رأيهم فيها.

[@Reem.390]

هل ممكن ادخل جامعه حكوميه في كليات القمه من البريتش

[@raefgorgi]

طبعا اكيد. كل جامعه حكوميه فيها اماكن للطلاب من الشهادات الدوليه البريطاني او الامريكي بنسبه ٥٪؜. يعني لو الجامعه فيها ١٠٠٠ مكان كده بيكون في مكان ل ٥٠ طالب من الشهادات الدوليه

[@dr-ahmedbahyel-din6772]

ازي حضرتك كنت عايز انقل ابنى بعد ٣ إعدادي من مدرسة بيرلز مودرن سكول (خاص لغات) إلي مدرسة دولية ومحتار انقله IG or American هو مهتم يدخل Engineering & Computer Science ورأي حضرتك ايه ف مدرسة نيرمين إسماعيل و مدرسة دوفر

[@OmarMohamed-je6ew]

لو سمحت لازم بعدها كليات خاصه ولا ممكن حكومى ؟

[@raefgorgi]

اي حد خريج شهاده دوليه ليه الحق في اي جامعه خاصه او حكوميه. بس المهم يكون مجموعه مناسب للتنسيق. الطلبه الحاصلين علي الشهادات الدوليه ليهم نسبه في اي جامعه حكوميه ب ٥٪؜ موزعه علي الشهاده الامريكيه و الشهاده البريطانيه او الوافدين من خارج مصر

[@waelgalal5808]

كلو زي بعضو انظمة استنذاف مادي

[@somamahmoud293]

طيب بعد اذنك من امتى تحويل للبريتش من اى جريد لازم يحولو

[@raefgorgi]

التحويل ينفع في اي وقت لحد جريد ١٠ الي زي اولي ثانوي من المرحله دي لازم تكون محدد الشهاده

[@Logynader426]

مستر لو سمحت انا تالته اعدادي عربي اقدر احول امريكن السنه الجايه بس انا شاطره يعني جبت الترم ده 139,5 من 140 فا ممكن احول عشان في ناس بتقولي اه ممكن و هتعرفي تتعودي و كدا و الدنيا اسهل لان ثانويه عامه بقيت وحشه اوي لان انا بحب اذاكر والاقي الانا بذاكروا ده فا هينفع احول ولا لا والامريكان بتحتاج دروس خصوصية ولا لا

[@raefgorgi]

طيب الاول خلينا متفقين ان مفيش حاجه اسمها اسهل و اصعب. ممكن نقول ان طريقه الامتحانات و اعطاء المنهج بيكون بطريقه محسوبه كويس و في مصلحه الطالب بس كله بيحتاج مذاكره كتير و شغل كويس. الامريكان فيها فرص احسن و فيه تحسين. المهم برده الشغل الكويس. ممكن تحولي من عربي عادي لو مستوي ال English عندك كويس جدا. و لازم تحضري نفسك كويس في اللغه و تحاولي تقري كتب او قصص انجليزي كتير. كده كده المدرسه حتعملك امتحان قبول و تشوف المستوي العام تقدري عليه ولا لأ

[@shaimaaaly-hq9lt]

ممكن رأى حضرتك فى مدرسة ستانفورد الدوليه فى تجمع

[@raefgorgi]

مدرسه حلوه جدا. ارشحها جدا

[@user-lm4rt8wu6w]

هل الأمريكان دخليه؟ هل ينفع احولها من ازهر؟ هل لازم اجيب مجموع معين فى تالته اعدادى؟

[@raefgorgi]

احتمال يكون فيه مدارس فيها داخليه بس معرفش مين. انت ممكن تحول بعد ما يتعمل امتحان قبول حسب المدرسه و كل ما كان مجموعك كبير فرصه الالتحاق بتكون كبيره

[@QA974]

شكرا، هل عدد سنين الدراسة بالنطام البريطاني اطول ؟

[@raefgorgi]

عدد سنين الدراسه المحسوب في كل الشهادات ١٢ عام بالاضافه للحضانه

[@nehaladel9544]

بنتى فى كجى حاليا و انا محتارة جدا ادخلها بريتش و لا امريكان و لية فى ناس بتقول ان الامريكى اسهل من البريتش و ان البريتش المناهج فيها تفاصيل اكتر من الامريكى؟؟ و شكرا لحضرتك

[@raefgorgi]

في السن الصغير مش حيفرق كتير من الامريكان و البريتيش المهم المدرسه الي تختاريها يكوم مستوي التعليم و المدرسين يكون كويس علشان ده الاهم. الامريكان والبريتيش مفيش اسهل و اصعب هي كتب مختلفه بس المحتوى قريب في الاتنين بس زي ما قلت الاهم المدرسه الي بتمنح الشهاده تكون مدرسه كويسه. في السن الاكبر شويه الي بيكون اقوي في البريتيش هو الماث اما الباقي بيكون مشابه كتير.

[@marwanraslan8427]

مممم اعرف نسبة القبول للجامعات الحكوميه كليات القمه من البريطاني

[@raefgorgi]

نسبه الدخول للكليات الحكوميه من الشهادات الاجنبيه زي المريكان و البريطاني او العائدين من الخارج بتكون مجموعها ٥٪؜ من المقاعد المتاحه. يعني لو عدد الطلبه الي بيدخلوا كليه حكوميه مثلا يكون ١٠٠٠ طالب. بيكون الطلبه من الشهادات الاجنبيه ٥٠ طالب مقسمين من الامريكان و البريطاني IG و العائدين من الخارج

[@mohamedabdalla2301]

معذرة يا دكتور نقطة مش فاهمها انا دلوقتى اقدر ادخل ابنى مدرسة دولية بس مش مرحب بمسالة دراسته فى جامعة خارج مصر ايه اللى يخلينى ادخله مدارس دولية وابقى زنقت نفسى فى نسبه ٥ % فقط فى الجامعات الحكومية ايه الميزة العائدة على الولد من تعليمه تعليم دولى اذا كان لن يكمل دراسته بالخارج شكر جزيلا

[@raefgorgi]

ال٥٪؜ دي مش قليله. علشان مقارنه ب عدد الي دخلين ثانويه عامه فا دي نسبه كويسه برده. ميزه التعليم الدولي ان المناهج مرتبه بطريقه صحيحه و مفيده و التعليم نفسه ب اسلوب بعتمد علي تفاعل الطالب مش محرد انه يكون مستمع فقط لا ده بيشارك في كل حاجه. اما التعليم العادي حتي الان مش واصل لطريق مفهوم و كل شويه يتغير في نظام و بيعتمد علي الدورس الخصوصية بشكل تام. اي طالب من المدارس الدوليه لو اشتغل كويس فرصه بتكون احسن بكتير لدخول اي جامعه حكوميه كويسه

[@mohammadibrahim-om9qe]

أستأذن حضرتك يا فندم، ابني حالياً سنتين ونص، والحقيقة معنديش أي خبرة بالمدارس، لو حابب مدرسة كويسة من حيث مضمون التدريس والمناهج، ممكن حضرتك ترشحلي إيه؟

[@mohammadibrahim-om9qe]

في محيط المعادي

[@raefgorgi]

@@mohammadibrahim-om9qe ويندروز الدوليه دي عاليه جدا و مناهجها متعدده من البكالوريا الدوليه و المنهج الامريكي و المنهج البريطاني و في غيرها برده بس بصراحه مش عارفهم اوي. فيه مدارس في المعادي مصاريفها معقوله شويه بس معنديش عنها معلومات حضرتك ممكن تدخل علي موقع مدارس مصر و تشوف ايه المدارس الي في المعادي و بيكون مذكور فيها المصاريف

[@raefgorgi]

Madaresegypt.com

[@mohammadibrahim-om9qe]

@@raefgorgi طيب ممكن أعرف رأي حضرتك في مدارس النيل الدولية؟

[@raefgorgi]

@@mohammadibrahim-om9qe انا دخلت علي الموقع بتاعهم و شكلها مدرسه كويسه و امكانيات كويسه و الصور مبينه انشطه متعدده. انا معرفهمش شخصيا بس مستنتج انها مدرسه محترمه اعتمادا علي الموقع و الصور

[@NOONE-gs6rf]

لو سمحت هو انا في 2 ثانوي لغات لو عايز ادخل american or british ينفع في 3 ثانوي ولا لازم كنت ادخل من 1 او 2 ثانوي وشكرا لحضرتك

[@raefgorgi]

لازم من اولي او ثانيه حيب المدرسه بس مينفعش من ثالثه

[@NOONE-gs6rf]

@@raefgorgi حتي لو هدفع مصاريف 2 و 3؟

[@raefgorgi]

@@NOONE-gs6rf لازم يكون فيه حضور و بلاش حد يقنعك بانك تدفع و يدخلك علشان اخر السنه الشهاده مش حتتوثق. لازم تحضر سنتين او تلاته حسب المدرسه

[@NOONE-gs6rf]

@@raefgorgi تمام شكرا لحضرتك جدا

[@ahmedsedeek8623]

ازي حضرتك الاولاد كانوا في مدارس تجريبي ومستواهم كويس وتحصليهم كويس انا حاليا في السعوديه ومحتار بين المهج الامريكي والبريطاني تنصحني بايه Grade 3 and Grade 5

[@raefgorgi]

مساء الخير انا من وجهه نظري انهم يمشوا في المنهج الامريكي و ده بيبني شخصيه مع منهج حلو جدا للسن ده. و في نفس الوقت لو حبيت ترجع حيكون سهل النقل للمدارس الامريكيه في مصر.

[@ahmedsedeek8623]

@@raefgorgi شكرا ليك علي الرد ونفعك الله بعلمك

[@raefgorgi]

@@user-pp2mv1xi7j الجامعات في امريكا درجات و ممكن لو الطالب متفوق يحصل علي منحه و يوفر كويس و يتعلم كويس. الجامعات البريطاني حلويين جدا بس صعب اوي تحصل علي منحه و خصوصا لو اجنبي. لكن في امريكا ممكن المنحه لاي حد من اي مكان. التعليم قريب في الاتنين بس لو عايز تعليم مميز جدا انا برجح الامريكي

[@makkahnagib2364]

⁠

[@monyhafez-r9k]

​@@raefgorgiازاي

[@gk_sadany]

سلام عليكم ، انا عندي ١٤ سنة لسا year 9 فمدرسة Cambridge وبصراحة حاسسها صعبة شوية وكمان مش مرتاح فيها وانا محتار اروح اميريكان ول اتنين وخايف السنة الجاية لماادخل اي جي مقدرش اكمل وكدا وبرضوا خايف اروح اميركان (harvard) ويطلع التعليم هناك اقل وسالت الكل وقال خليك فكامبردج بس انا مش مرتاح فيها ، اكمل فيها ولا اروح excell ممكن تبقا احسن شوية ولا احول اميريكان ؟

[@gk_sadany]

فالكويت

[@raefgorgi]

السلام عليكم هو لو بتهرب من ال IG علشان فاكر ان المريكان اسهل فده مش صحيح. كل منهج له طريقه بس الاتنين لازم مجهود جامد في السنين الثانوي. انت لازم تحدد من دلوقتي عايز تدخل ايه و توجه مجهودك للمواد الي تنفعك. بس كله عايز مذاكره و مجهود جامد. الي اقدر انصحك بيه لو انت عاير كليه هندسه في مصر خليك زي ما انت. لو عايز طب او صيدله او اسنان في مصر ممكن تحول امريكان

[@juniorbolbol]

سؤال من فضلكم --- هو الواحد لو عايز يحصل علي شهادة ثانوية اونلاين للكبار معتمدة high school diploma ---- هل في شئ كده في مصر --- طاب ازاي وفين -------- ياريت الافادة من اهل الخبرة -------------------------------------- وهل فيه ثانوية اونلاين معتمدة تؤهل للدراسة في الكلية بعد ذلك ---- You sent افيدونا ولكم جزيل الشكر

[@raefgorgi]

ممكن تفاصيل عن معني الكبار. هل تقصد كبار في السن ولا قصدك اخر سنه في المدارس. اما عن الدراسه اونلاين فيه بعض المدارس ممكن تعمل كدا و ممكن كمان تدرس اونلاين من مدارس خارج مصر المهم علشان تقدر تدخل الجامعه في مصر لازم المدارس دي تكون معتمده من الجهات المانحه للشهاده علشان تعرف توثقها و تدخل الجامعه.

[@esmatmorsy6581]

شكرا يافندم على مجهود حضرتك جزاك الله خير مش عارفه ينفع ولا ايه ان حضرتك ترشحلى مدارس امريكان وبريتش فى القاهره تكون كويسه ومصاريفها معقوله لانى خارج مصر وهنزل نهائى السنه دى ومعنديش فكره عن المدارس فى مصر وكمان بناتى جريد ٦ و٨ هحولهم لسه السنه الجايه من ناشونال لانترناشونال وشكرا مقدما لحضرتك

[@raefgorgi]

تحت امر حضرتك. هو طبعا فيه مدارس كتير كويسه جدا بس انا معرفش مصاريفهم لكن ممكن ارشح لحضرتك مجموعه مدارس حسب موقع حضرتك في القاهره او الجيزه في القاهره فيه Global paradigm 1-international school in New Cairo 2- Metropolitan in New Cairo 3- Nefertari in Ismaileya Road 4- Alalson New Giza 5- Dar el altarbeyah in zamalik 6- Dr. Nermine Ismail in Zayed

[@esmatmorsy6581]

أشكرك جدااا يافندم عالإهتمام والرد جزاك الله كل خير 🙏

[@MrYousefSayed]

@@raefgorgiشكراً

[@Omarahmed-hc7kl]

​@@raefgorgiممكن رأي حضرتك فمدرسة New generation international school طريق مصر اسماعيلية هي اميريكان

[@raefgorgi]

@@Omarahmed-hc7kl من المدارس المحترمه الجديده.

[@ibrahimmohamed5067]

هوا ممكن ادخل ig او American بعد تالتة اعدادى

[@raefgorgi]

اه اكيد و المدرسه حتعملك placement test لازم تنجح فيه

[@i.33507]

ا

[@hanydemerdash1977]

السلام عليكم انا بنتي في ثالثه إعدادي في مدرسة تجريبي في مصر هي كانت في مدرسة انترناشيونال في الخليج من kg الي G6 لكن نزلنا مصر لظروف خاصة حضرتك تنصح أدخلها ثانوي في نفس المدرسة التجريبية او امريكان ملحوظة هي مستواها في اللغة ممتاز بحكم دراستها في مدرسة انترناشيونال

[@raefgorgi]

السلام عليكم نصيحه تدخلها امريكان اكيد بما ان مستواها ممتاز و هي بخلفيه عن دراسه الانترناشونال. و هي اكيد حتمشي كويس. المهم انك تفهمها ان الدراسه في الثانوي الامريكي محتاجه جهد عالي علشان تدخل جامعه كويسه. كده حيكون احسن من الثانويه العامه علشان بتكون فيها دروس في كل المواد و الطالب بيقضي كل الوقت بين السناتر و بيضيع الوقت جدا.

[@ayaali-tx5ge]

ممكن رأي حضرتك. انا ابني مستواه متوسط ولكن اللغة ك speaking عنده كويسة. وانا قدامي خيارين في محافظتي اما مدرسة امريكان او مدرسة ناشونال خاصة. فالافضل ايه.

[@nourahassan4068]

لوسمحت بناتي منهج مصري لغات وعايزة خبره حضرتك هل يكملوا افضل ولا ادخل امريكي وبريطاني للتسهيل مع العلم ان الانجلش حدي كورسات لان مش نفس مستوى اللامريكي طبعا ممكن نصيحتك وهما حيروحوا اولى ثانوي لسه

[@raefgorgi]

اهلا بحضرتك. لو هما مش في نيتهم كليات عاليا و ممكن يدخلو كليات خاصه بمصاريف يبقي ممكن يستنوا في المنهج المصري علشان توفري مصاريف. لكن لو عايزين كليات مميزه و تعليم كويس يبقي تحوليهم السنه دي امريكان او بريطاني. و اهم حاجه يقوي الانجليزي كويس علشان امتحاناته بتحدد دخوله الكليات هو و ماده الماث. و لو محتاره في الامريكي او البريطاني نصيحه مني لو عايزه هندسه يبقي بريطاني. لو كليات طبيه ممكن امريكان اكتر

[@nourahassan4068]

@@raefgorgi ربنا يسعدك طيب لو مفيش تعب هل الامريكي حيبأه صعب الانجلش ولا ممكن كورسات تضبطهم لان سمعت ان الانجلش بتاعهم صعب وهل ممكن يدخلوا كليات حكومي منه سواء طب او كليات اخرى ولا بس الاوائل اللي بيدخلوا وبالنسبه للمشاكل اللي في الامريكي حاليا مش حتأثر عليهم

[@raefgorgi]

@@nourahassan4068 بالنسبه للانجليزي هو مختلف بس مش صعب اوي. بس حيكون محتاج شغل كتير و ممكن كورسات كويسه تكون مناسبه. اما بالنسبه للكليات الحكوميه ف اكيد ليهم مكان و انا كنت عامل فيديوهات توضح اكتر. كل الشهادات الاجنبيه ليهم مكان في الكليات بنسب معينه

[@deyaasalama2868]

لو بنتي امتحنت في مدرسه دوليه خارج مصر. هل ينفع تدخل جامعات حكوميه

[@raefgorgi]

@@deyaasalama2868 لازم تمتحن العربي و الدين و الدراسات علشان تلتحق باي جامعه حكوميه و تدخل عن طريق التنسيق. لكن برده لازم تسالي في مكتب تنسيق القاهره برضه تتاكدي

[@ahmadmedoahmadmedo9881]

هو عادي اطلع من اميركن ع كليه عام

[@raefgorgi]

اه طبعا عادي بس يكون المجموع مناسب. و بالمناسبه تنسيق الشهادات الاجنبيه بيختلف في حساب المجموع يعني مش نفس الرقم زي طلبه الثانوية العامة

[@ahmadmedoahmadmedo9881]

@@raefgorgi اه فاهمه هو عادي احسن لحد مدخل الكليه الي انا عايزاها وعام

[@nadashreifalshreif1340]

انا طالبه شاطرة فى تالته اعدادى(٩٥%) مش عارفه ادخل ثانوى ولا Ig ولا American

[@raefgorgi]

حقولك بصراحه. انت الاول لازم تشوفي مدرسة قويه اذا كانت American or IG. الAmerican ليها مميزات ان المواد فيها قوية بس ال math اقل من الIG. و مفيش دروس خصوصيه غير في EST. اما ال IG. المواد قويه و ال math فيها قوي ولكن الطلبه تقريبا بياخدوا دروس في كل المواد و دروس كتيره كمان علشان يضمنوا مجموع عالي. بس حديكي تلخيص مهم. لو عايزه كليات طب و اسنان وًصيدله ال American هيكون افضل. لو عايزه هندسه IG هيكون اغضل. لو عايزه كليات نظريه ممكن تانويه عامه او American

[@reemdiab1836]

@@raefgorgi شكرا

[@zahrasalem1670]

@@raefgorgi ممكن اعرف رينج الاسعار في دروس ال EST وفعلا الامتحانات بفلوس مكلفة غير المصاريف الدراسيه

[@hadeerkareem706]

​@@raefgorgi هو نظام الامريكان لازم جامعات خاصه فقط؟

[@raefgorgi]

@@hadeerkareem706 لا الجمعات الحكوميه كمان بس بيكون اماكن محدوده بنسبه. يعني كل كليه فيه نسبه حوالي ٢.٥٪؜ من الاماكن للطلاب الحاصلين علي الشهاده الامريكيه و نسبه ٢٠٥٪؜للبريطانيه و معاهم الطلبه الوافدين من دول اخري

[@mohamedsamir6688]

رأي حضرتك في مدارس الشويفات ..وهل منهج سابيس مقبول في جامعات بدون دراسة ig

[@raefgorgi]

مدارس الشويفات من اقوي المدارس و اقوي اساليب تعليم علي مستوي عالمي. اكيد اي حد يتمني دخول المدارس دي و نظام سابيس حلو جدا وده نظام كل مدارس الشويفات و بيكون مع دراسه ال IG او ال IB و مقبول في كل الجامعات في الداخل والخارج.

[@sanaaswalem3537]

@@raefgorgi طيب ونشستر ولا الشويفات ولا وايز افضل ايه راي حضرتك مع العلم نفس رينج الاسعار

[@raefgorgi]

@@sanaaswalem3537 الشويفات اكيد اقوي و تاريخ كبير. ونشتر و ويز كويسين جدا برده بس الشويفات اعرق و اقوي. ولو انت في ٦اكتوبر فممكن مدرسه الالسون الي في نيو جيزه و دي من المدارس القويه جدا و عريقه و انا ارشحها جدا لحضرتك

[@sanaaswalem3537]

@@raefgorgi شكرا لحضرتك ع الرد

[@user-dz3yd6uj8t]

@@raefgorgi يعني ضمن الدراسه بالشويفات حيدرس Ig أو انه هو محتاج يدرس معاها ig إضافي؟

[@mennaelkady7541]

السلام عليكم انا بنتي داخلة تالتة اعدادي ناشيونال و هيا ذكية وشاطرة ، عايزة ادخلها في الثانوي امريكان ، مع العلم انها عايزة تدخل هندسة ، السؤال هنا ، هل لو دخلت امريكان ده حيأثر على مستواها كطالبة في حال التحقت بكلية الهندسة ؟؟؟

[@raefgorgi]

بصراحه ممكن تدخل امريكان بس لازم و هي في اخر سنه تديها كورس ميكانيكا علشان تعرف تمشي فب كليه الهندسه المصريه. بس هي ممكن تجيب المجموع للكليه عادي لو ذاكرت حلو.

[@mennaelkady7541]

@@raefgorgi شكرا على الرد 😊

[@rowidamohamed6988]

منه لو سمحت عايزه اسئلك سؤال هو ناشيونال مايعتبرش امريكان ولا بريتش

[@zozaazmy5541]

ممكن اعرف بياخدوا عربي ودين ولا لأ

[@raefgorgi]

الطالب الي بيدرس اي شهاده دوليه في مصر لازم بياخد المواد القوميه : العربي و الدين و الدراسات. و مطلوب فيهم النجاح فقط.

[@jessyramour]

كلامه غلط. أنا كنت مدرسة فى American school و ولادى فى British School. ال British منهج أقوى بكتيييييير. و فيه interaction فى التدريس ده بيعتمد على المدرسة.

[@raefgorgi]

كلام حضرتك يحترم. بس مش كل المدارس American بتدرس المنهج الصح. لكن المدارس القويه منهجها بيكون قوي جدا و ميفرقش عن ال British. لكن ال Interactions بتكون في ال American اكتر طبعا. انا عندي الشهادتين في مدرستي و الاتنين عندي جامدين و لكن انا بعرض الفرق حسب خبرتي ال ٣٣ سنه في التدريس و المدارس علشان انا لفيت مدارس كتيره جدا في مصر و دول تانيه كتيره و ناقشنا كل الجديد و الفروق مع كبار المسؤولين في التعليم

[@khaledsalah5256]

​​@@raefgorgiايه افضل مدرسه امريكان منهجها قوى فى الامريكان ؟ فى محافظة الاسكندريه