دليل الفسح و الخروجات للأطفال| حسب ميزانيتك و سن الطفل

Рет қаралды 5,688

5 ай бұрын

حاولت اعمل دليل للأماكن اللى الأطفال بتحبها، اماكن ثقافية، متاحف، حدائق،...اغلب الأماكن فى القاهرة.
حسب ميزانيتك و حسب عمر الطفل او الرضيع
للإنضمام لكورس الأم الجديدة الأسبوعى...إشتركى من الرابط
/ @moms911
هتلاقينا على يوتيوب (الفيديوهات مترتبة)
youtube.com/@Moms911?si=MbpbS...
إنستجرام (البوستات مكتوبة)
moms.911?ig...
تيك توك (فيديو سريع)
www.tiktok.com/@moms.911?_t=8...
Moms'911
هى صفحه مهتمه بصحة و سلامة الأم و الطفل. يقوم فريق من المتخصصين و الخبراء بتحضير محتوى بسيط و دقيق للأمهات فى ما يخص الإسعاف السريع للطفل فى حالات الطوارئ، و صحة و تغذية الأم و الطفل.
د.باكينام الحفناوى مدرس مساعد فى كلية صيدلة، إستشارى الصيدلة الاكلينيكية بمستشفيات كبرى، ماجيستير فى العلاج الدوائى و ماجيستير فى التغذية العلاجية، صيدلى اكلينيكى معتمد من البورد الامريكى للتخصصات الصيدلية، و اخصائى تغذية معتمد من الجمعية الامريكية للتغذية الوريدية،مراجع دوائى بشركة دولية متخصصة فى الأنظمة و المعلومات الصحية، الى جانب ١٥ سنة خبرة فى عيادات توعية المرضى و القوافل الطبية و طبعا ام ♥️
متحف الطفل من الأماكن القليلة الحلوة اللى لسه فى متناول ناس كتيييير❤️
رحلة المريخ...متحف الفراعنه...رصد النجوم...كله بشكل تفاعلي علشان الطفل يلعب و يتعلم :)
جناين كبييييييرة واسعه....
العاب و مراجيح...بعضها حلو اوى...و بعضها عاوز صيانة
مجسمات الحيوانات حقيقى مبهجه جدا
تقدري تاخدى معاكي اكل الولاد
فيه مسرح، و سينما فى ايام معينة
فيه كامب صيفى و شتوي بأسعار اقل من اماكن كتير
اتزنقتوا فى حاجه...بس انا شايفه الاحلى تاخدوا حاجتكم
ممكن الاكبر ييجوا بالسكوتر ...اطفال كتير هناك كانوا بيسوقوا
و مش بس متحف الطفل....
المكتبات العامة....بتاعة مصر الجديدة حلوة اوى و بتاعة حديقة الطفل
سفاري بارك جددوها...هصورهالكم
حديقة الدراجات لو حد ساكن ناحية الشروق و العبور
كيدزانيا حلوة اوى لو الميزانية كبيرة
القرية الفرعونية لسه موجوده خاصة للسن الكبير
الحدائق العامة كل واحد فى منطقته.....لغاية ازهر بارك و فاميلى بارك
فيه بقى مسرح العرايس فى العتبة....لسه شغال على فكره و فيه مسرحيات حلوة و تذكرته معقولة
فى النوادى طبعا للى مشترك...و فيه نوادى القوات المسلحة بيدخلوا بتذكرة
بحب كمان فجنون اوى فى الشتاء...بس يوم يكون مش برد اوى...فجنون هيبقى انسب للى عنده عربية...و الطبيعة هناك بكر و مفيهاش حاجه مصطنعة
فيه كذا مزرعة فى عرابي بيبقى فيها حيوانات و الاطفال تقضى يوم حلو زى مزاريتا و animaliapettingzoo و اشهر منهم شوية نيمو فارم...بس بيبقى لازم تحجزوا قبلها ...و بردوا اقترحوا عليا فى التعليقات لو فيه مزارع احلى
و فيه على فكره حيوانات دايما هتلاقيها فى اغلب نوادى القوات المسلحة...و بتفتح للمدانيين بتذاكر...بتلاقى نعامة مثلا و خرفان و قرد و بط و ساعات غزالة...و ساعات فلامنجو على فكرة....و بيبقى اليوم نسبيا ارخص من انك تروحى مزرعة
بحيرة القاهره lac du caire بقت فظيعة حلوة اوى.. بس سعرها غالي ...بس السن الكبير هيركب الحاجات الصعبة و هينبسطوا
الصوت و الضوء فى الهرم رحلة ممتعة حتى للكبار.. الهرم حلو اوى...بس عايز صحة شوية علشان الجرى 😅
عندنا متاحف كتير حلوة....المتحف المصرى دلوقتى بقى بيعمل بترامج صيفية...بس يمكن اسعارها عالية شوية...مش لازم الكامب...المتحف نفسه لطيف
فيه بقة القلعة و المتحف الزراعي و المتحف القبطي و متحف المجوهرات و متحف الحضارات
متحف المجوهرات البنات الكبيرة هتحبه جدا...بس هو فى إسكندريه
اللى ساكن ناحية مدينتى...يدخل البارك بتاعتها مجانا و الولاد بيجروا و يلعبوا و القعدة لطيفة و فيه food court (و سكان مدينتى هيزعلوا منى 🙈 علشان مش بيجبوا حد غريب يدخل...بس كله بيدخل 😅)
كيدز ستيشن ممكن لو عاوزه مكان مقفول.. بتبقى بالساعة و من اول سنتين بيلعبوا...بس يمكن من ٣ سنين بينبسطوا اكتر...و فيه غيرها اكتر من مكان بنفس الفكرة، بس يمكن هى إفتكرتها علشان عندها كذا فرع و اكتر من محافظة واسعه ....فيه مثلا هتلاقى playzone , bellybeez
الكورنيش مارحتهوش من ساعة ما اتجدد، احكولى عن اسعاره
و عارفه بقى ان فيه شوية جناين فى الزمالك و نوادى ع النيل سعرها مش غالى و لسه محتفظة بالحد الادنى يعنى...بس مفيهمش لعب دول لينا احنا
فيه جزيرة المعادى كمان بتاعة القوات المسلحة ع البحر قدام المستشفى واسعع و ممكن تقضوا فيها يوم حلو ...بس اعتقد مفيش دخول اكل
اللى عنده يوم طويل ممكن افريكانو بارك
فيه الفيوم و وادي الريان للى بيحب يسافر
اللى بيحب الملاهى مدينتى فتحوا فيها واحده كبيره و زد بارك فتحت فى التجمع مش بس الشيخ زايد.....بس زد بارك عايزة سن كبير اوى علشان يتبسط
و فيه الملاهي الأصغر اللى جوه المولات طبعا
فيه كذا مكان فى الشيخ زايد بقوا بينظموا العاب حسية للسن الصغير اوى
معرض الكتاب بدأ....و ساعات بنعتبره فسحة مش بس علشان نشترى
الناس القريبة من مصر الجديدة ممكن حديقة المريلاند...و فيها ناس بتوع تلوين ع الفخار لطاف اوى لينا احنا كأمهات مش حتى للولاد
فكرونى كده فى التعليقات لو ناسية اماكن....
و اختاروا يوم رايق....اى مكان فى الزحمة بيبقى أوحش...
و على فكره الفسحه مش بتمنها....إحنا لو اتلمينا على سطوح بيت العصر و شربنا كوباية شاى و بالنا رايق....اوقات بتبقى احلى من الف خروجة غاليه
ما تجهديش نفسك ماديا فى الايام دى....
كل واحد على قد ظروفه....و مش هتبقي مقصرة ابدا....
حظ الولاد الحلو مش المكان اللى راحوه....
حظهم الحلو هو انتوا ❤️

Пікірлер: 22

@user-dj8ww4sp9c 5 ай бұрын

جزاكم الله خيرا

@hudahussien224 5 ай бұрын

جزاكى الله خيرا ى دكتورة متابعه كل فيديوهاتك واتعلمت من حضرتك كتيييير اوى اوى جزيتى كل الخير وربنا يباركلك ف صحتك واولادك يااارب بحبك ف الله❤❤❤❤❤

@ilham9027 5 ай бұрын

ارجووووك دكتورة بنتي عندها شهرين خلفتها عن عمر 47 سنة..الاسبوع الماضي اصيبت بالزكام اخدتها للطبيب وهو بيكشف لقى بالصدفة كيس صغير على الطحال. دخلت ابحث لقيت قناتك ارجوووك طمنيني الله يحفظ كل عزيز عندك.

@mahmoudarafa8905 4 ай бұрын

فيديو حلو اوي والله

@azouarrazak-np7it 5 ай бұрын

أم دارين من الجزائر كلامك كلو صح بحبك اوي

@user-zp3dg4qz2c 5 ай бұрын

بحبك اوووي بشوف كل فديوهاتك ❤❤❤

@mariamzaki3005 5 ай бұрын

وحشتيني.... من زمان محضرتش لايف ❤

@ayamohsen9244 5 ай бұрын

ممكن تتكلمي علي حساسية الالبان انا ابني شهرين اتشخص حساسية البان واتمنعت من كل حاجه وانا شاكة انه معندوش وجالي اكتئاب دورت علي فيديو لحضرتك عن الموضوع ده بس ملقتش

@shaymaaaboelala1878 4 ай бұрын

انا كمان ابني متشخص حساسية البان ومانعه ربنا يعافيهم ياارب بس نصيحتي روحي لدكتور تخصص جهاز هضمي هيفيدك اكتر

@khabezaicha6442 4 ай бұрын

اعملي تحليل

@aya279 5 ай бұрын

سلام عليكم كيفك يا دكتور الله يعطيكي الف الف عافيه جاوبيني عله سؤالي عندي طفل عمرو شهرين انوم صعب عندو وديتو لدكتور كلمني انو عندو ارتجاع في المريء ولولد عندو مقض شديد اي ادويه مرضيش يعطي انا في امريكه بلاعليكي جاوبيني شو عمل

@yasmeenhany8937 5 ай бұрын

ميفيدا البحيرة هناك جميلة

@Moms911 5 ай бұрын

الدخول لأى حد ...هى جوه الكومباوند؟

@yasmeenhany8937 5 ай бұрын

@@Moms911 اه الدخول عادي من برا الكومبوند

@nerminatef2161 4 ай бұрын

Fos7etylongueبالتجمع الخامس حلو جدا الحديقة الدولية فيها حديقة حيوان وكيدز اريا وملاهي دار جاردينيا مصر الجديدة شارع الثورة طيور وملاهي مجاني وجنينة والدخول فري ومطعم كباب زبدة

@rabab-wy 5 ай бұрын

🌹🌹🌹🌹🌹🌹🌹🌹🌹🌹

@user-kb9ec4li6e 4 ай бұрын

ممكن اعرف المكان فين

@bassamin2959 5 ай бұрын

ممكن اعرف فجنون دى مكانها فين

@amiranassef3832 5 ай бұрын

أماكن في اسكندريه يا دكتور تنفع لسن ٤ و٥ سنوات غير انطويادس

@Moms911 5 ай бұрын

بحاول اسأل لكم و الله بس انا مش شاطرة فى اماكن اسكندرية

@bassamin2959 5 ай бұрын

جنينة الحيوانات هناك حلوة بس خدى اكل او سناك معاكم لأن مفيش حاجة جوا

@manarwassal5101 5 ай бұрын

من المنصورة بنخرج نادي المهندسين عشان عندنا اشتراك هناك والتيكت 10 ج للناس اللى برا والخروجة جميلة ومكان حلو ع النيل وفي مكان للاطفال يلعبوا وفالصيف بيبقا البسين فاتح وممكن الاطفال تنزل تلعب او تتمرن مع الكابتن وممكن تجيبي اكل وانتي داخله او تاكلي من هناك والنادي كبير وحلو للتمشية والقعدة 🥰🥰