Рет қаралды 47,002
اہم نکات۔۔
بعض رسولوں کوبعض پرفضیلت دی گئی ہر رسول یا نبی پر اسے دی گئی فضیلت کے ساتھ ایمان لانا ضروری ھے ۔
آیت الکرسی قرآن مجید کی عظیم آیت ھے ۔اس کا پڑھنا رات بھر شیطان کے شر سے حفاظت کا ذریعہ ھے ۔
اللہ اھل ایمان کا دوست ھے وہ اپنے دوستوں کو کبھی تنھا نہیں چھوڑتا ۔ابراھیم ؑ کو دوست بنا یا تو انکی کیسی بے مثال راہ نمائی کی
ابراھیمؑ اور نمرود کے درمیان اللہ تعالیٰ کی قدرت کے بارے میں مکالمہ ھوا۔جس میں نمرود اپنی جھوٹی بادشاھت کی حقیقت واضح ھونے پر ششدر رہ گیا ۔
بستی سے گز رنے والے شخص کو اس کے گدھے اور کھانے پینے کے ذریعے اور ابراھیمؑ کو پرندوں کے ذریعے زندگی بعد الموت کی حقیقت سمجھائی گئی ۔
اللہ کی راہ میں خرچ کرنے کا اجر کئی گنا زیادہ ملتا ھے ۔لہذا خرچ کرتے ھوئے 3 کاموں میں احسان جتانا ، دکھ دینا ،دکھاوا کرنے سے بچنا ھے ۔
جو اللہ کے دین کی خدمت میں لگے ھوئے ھیں اور لپٹ کر سوال نہیں کرتے ان پر خرچ کرنا زیادہ بہتر ھے ۔
سود لینا اور دینا حرام قرار دیا گیا ھے ۔یہ اللہ اور رسولؐ کے ساتھ جنگ کرنے کے مترادف ھے ۔اس لئے اھل ایمان کو اس سے اجتناب کرنا چاھئے ۔
مومن بندوں کو تعلیم دی گئی ک جب وہ قرض کا لین دین کریں تو اس کو لکھ لیا کریں تا کہ کسی مشکل سے بچ سکیں
سورۃ البقرۃ کی آخری 2 آیا ت معراج کی رات عرش کے نیچے خزانے سے ،رسولؐ کو عطاھوئی ۔جوشخص ان 2 آیات کو رات میں پڑھ لے گا وہ اس کو کافی ھو جائیں گی ۔اور ہیہ قبولیت دعا کا ذریعہ بھی ھے ۔
علم کا مقام اس سے بڑھ کر اور کیا ھو گا کہ اللہ تعالیٰ نے اپنی گواھی کے ساتھ فرشتوں اور اھل علم کی گواھی کو اکٹھا کیا ۔
اللہ کی محبت کے حصول کا طریقہ اتبا ع رسول میں ھے ۔مختلف فتنوں ،فلسفوں ،نظریات سے بچنا اسی وقت ممکن ھے جب رسولؐ کے طریقے کو مضبوطی سے پکڑ لیا جائے
مریم ؑ کو تمام عورتوں پر فضیلت عطاکی گئی ۔دوسروں کو ملنے والی فضیلت پر خوش ھونا اور اللہ سے اپنے لئے اچھے کاموں کی توفیق مانگنی چاھیے اور اللہ کے فیصلوں پر راضی رھنا چاھیے ۔
اللہ نے بہترین تدبیر کرتے ھوئے عیسیٰؑ کو زندہ آسمانوں پر اٹھالیا ۔رفع عیسیؑ پر ایمان لانا ضروری ھے ۔
اللہ کی کتاب سیکھنے سکھانے کا بنیادی مقصد لوگوں کو اللہ سے جوڑنا اور رب والا بنانا ھے ۔
آئیے اللہ کی طرف سے ملنے والی صلاحیت کو اللہ کے دین کی خاطر صرف کریں ۔۔