دق الوتر | قولوا لخلي | فرقة التراث الحربية 2023

دق الوتر
كلمات و ألحان الشاعر
مصبح راشد المقبالي (الحدود )
دق الوتر واعزف على شلاتي
عشان خاطر بو عيونن سود
انا الطرب والفن من عاداتي
وانعش على صوت الوتر والعود
صوب الطرب ما تنقطع سيراتي
ياكم علشانه قطعت حدود
ولولا المحبه ما كتبت ابياتي
ولا هام قلبي في غرام الخود
ضابط على كود الطرب موجاتي
ويوم ادخل الغيه فتحت الكود
قلبي هواوي وعارف مهماتي
ارضي العرب هوه غاية المقصود
قولوا لخلي
كلمات الشاعر
مصبح خديم الشبلي
ألحان الفنان
سلطان الريسي
قولوا لخلي لا يطول غيابه في غيبته قلبي تزايد نوحه
قولوله اني واقفن مع بابه والقلب يشكي علته وجروحه
قولوله ان الشوق لو ما يابه وش فايده يبني الغرام صروحه
احسن يقفل فالغرام أبوابه والدرب ياللي من قبل مفتوحه
كم واحدن قبله العشق عايابه كاتم همومه وعلته في روحه
والوقت لبسه الحزن وثيابه ولا نال في دنيا العشق مربوحه
مركب غرامه مكسرات اخشابه من يوم سير فالطوامي لوحه
لو كان يدري بالعشق واسبابه يمكن عن العشاق عاش بروحه
أداء
فرقة التراث الحربية
إشراف عام
راشد الغيثي
تم التسجيل في استديوهات
لايف ميوزك
هيثم البلوشي
عازف العود
عبدالله البلوشي
تصوير ومونتاج
فيصل العبري