Dr. Chaltawnlien Amo a team ha'n Tipaimukh an pan

Dr. Chaltonlien Amo a Team ha'n Covid le inzawma ṭhangpuina sin thaw dingin Tipaimukh biel an pan
Imphal, June 23, 2021, Virthli(ONP): Covid hri inleng leia Tipaimukh biel sunga a ṭul ang anga ṭhangpuina le sawmdawlna sin thaw dingin vawisun khan mi tlawmngai mi 11 ha'n Tipaimukh biel an pan. Tipaimukh MLA Dr. Chaltonlien Amo chun ama ngei fein a biel mipuihai kan nuom hle sien khawm, Covid hripuiin a lo man fuk ve leia taksa bawrsawmna a tuok chu tuchen hin hriselna tieng harsatna a la tuok zing a, ama aia fe ding mi tlawmngai 11 hai hin a biel sunga khawtin hai fangin an thei ang angin ṭhangpuina sin thawin hma an lak ding a nih.
Tipaimukh biela Covid hri inleng leia ṭhangpuina sin thaw dinga fe hai hi Pi Lalramsang Amo in ṭawngṭaina'n an thla a, Dr. Chaltonlien Amo, Hon'ble MLA & Chairman, Covid Awareness-Cum-Enforcement Committee, 55-Tipaimukh Assembly Segment in a chengna Quarter, Lamphel, Imphal a'nthawk a vailiem.
Anni hin Tipaimukh biel sunga hmang dinga Tipaimukh MLA Dr. Chaltonlien Amo in Ambulance thar pahnih (2) a lo inchawk ta khawm khal suk nghal an ta, a biel sûnga CHC, PHC, PHSC a haia hmang ding, Village Task Force le mipuiin an ṭul huna an hmang ding hieng- Oxygen Concentrator 11, Pulse Oxycilator 20, PPE Kits- 150, Thermometer- 2 , Sodium Hypochlorite bur lien- 5, Hand Sanitizer- 2140 , Face mask- 1,2500, Hand gloves- 200 lê dawmdawi chi hran hran phursuk an tih.
@ www.virthli.in/...

[@lalngaisanghmar9627]

A thaw ṭha ie

[@chhakchhuak9530]

A va tawi em em😃

[@joutegaming6754]

Thaw țha ie