Рет қаралды 2,330
عرف الشوق يوصلي
عرف الشوق يوصلي بعد الفرقة يا روحي
تعرف اللي حصلي بمشي اكلم روحي
بمشي ومتهيالي انك ماشي معايا
حاجة هتخطف عقلي وتخليني حكاية
فيه افكار باستمرار قلبي في حيرة تملي
والاشواق يا روحي
تعرف اللي حصلي بمشي اكلم روحي
قولي ازاي اتهرب من افكار شغلاني
يا للي هويت ومجرب عندك دوا علشاني
انشغلاتي مالية حياتي من يوم بعدك يا للي
تفديك قلبي وروحي
تعرف اللي حصلي بمشي اكلم روحي
واشمعنى انا مكتوبلي يجرالي اللي جرالي
امتى زماني يجيبك تاني وافرح قلبي تملي
ياللي تحبك روحي
تعرف اللي حصلي بمشي اكلم روحي
كلمات عبد اللطيف البسيوني
لحن كارم محمود
غناء الفنان كارم محمود
عنابي . يا عنابي يا خدود الحليوة
أحبابي . يا أحبابي يا رموش الحليوة
يرضيكوا الحليوة يسيبني للنار اللي بتدوبني
ايه قصده الحليوة . ايه قصده الحليوة
بتميل العيون على خده بتشاهد جناين ورده
ونسايم عبير بيعدوا لو فات الحليوة
بتهل الروايح منه وبيتقل علينا اكمنه
متأكد وعارف انه امورة وحليوة
يرضيكوا الحليوة يسبني للنار اللي بتدوبني
ايه قصده الحليوة ايه قصده الحليوة
وعيونه يا ناس آه يانا بتصحي قلوب نعسانة
يا مصبح عليه أمانة لا توصي الحليوة
وتقول له انه في أحباب فاتحين للمحبة الباب
من شوق الهوى الغلاب ولا جاش الحليوة
يرضيكوا الحليوة يسيبني للنار اللي بتدوبني
ايه قصده الحليوة . ايه قصده الحليوة
ياعيني عليك ياقلبي يا كاتم هواك ومخبي
لا تبوح للحليوه بحبي وانا مالي الحليوه
ولأمتى البعاد متقدر انا بسأل عليه وبدور
والفكر بهواه متحير ولا جاش الحليوه
يرضيكوا الحليوة يسيبني للنار اللي بتدوبني
ايه قصده الحليوة . ايه قصده الحليوة
كلمات كامل الأسناوي
لحن حلمي امين