أدريانو | السقوط من عرش كرة القدم ... مكالمة تغير حياة اللاعب ! سلسلة الاساطير (الحلقة السادسة )

#المستديرة #الاهلي #الزمالك #ريال_مدريد #برشلونة #ميسي #كرة_القدم #كأس_العالم #انتقالات_لاعبين #ادريان#رونالدو
لماذا أصبح أدريانو زعيم عصابة في البرازيل ؟
ـ اهلا بيكم يا شباب فى حلقة جديدة من سلسة الاساطير ، متنسوش تعملوا لايك واشتراك للقناة علشان يوصلكم كل جديد ويلا بينا نبدأ .
ـ فى البداية كدا حابب اقولكوا يا اصدقائى ان كريستيانو رونالدو التكامل اللى وصله فى الكورة علشان يكون لاعب قوى وسريع و مهارى و الكلام دا كله وصله بعد شغل وتعب وتدريب كتير ، تخيل بقا عزيزي المشاهد ان فى لاعب كان موهوب بالفِطرة انه يكون لاعب متكامل .
ـ هنتكلم النهاردة عن اسطورة فى كورة القدم انتهت قبل ما تبدأ ، اتولد ادريانو فى 17 فبراير 1982 فى ريو دى جانيرو ، بدأ مسيرته مع ناشئين نادى فلامنجو فى 97 ، علشان يتألق ويروح يلعب كاس العالم للشباب مع المنتخب فى 99 ، علشان فى الموسم اللى بعده بيتصعد للفريق الاول لفلامنجو علشان يبدأ مسيرته الاحترافيه .
ـ علشان فى موسم 2000 / 2001 بيلعب مع فلامنجو 46 مباراة وبيسجل فيهم 44 هدف ، علشان وقتها سقف التوقعات يرتفع للسما والناس تقول انه هيتفوق على اساطير كتير زى بيليه ورونالدو ، لكن مع نهاية الموسم بيجيله عرض من نادى انتر ميلان .
ـ لكنه فى الموسم دا مش بيشارك كتير مع الانتر وبيخرج اعارة لفيرونتينا فى نص الموسم ، ومع نهاية الموسم بينتقل ادريانو لنادى بارما وبيعلب معاهم لمدة موسمين بيتألق فيهم جداً و فى خلالهم بيفوز بالكوبا امريكا مع المنتخب وبيكون عامل معاهم اداء خيالى علشان مع بداية موسم 2004 / 2005 بيرجع تانى لنادى الانتر .
ـ لكن مع نهاية عام 2004 بيتوفى والد ادريانو بسبب ازمة قلبية ودا اثر على نفسية ادريانو جداً وبسبب دا ادمن شرب الخمور وكانت سبب فى زيادة وزنه بشكل ملحوظ ومستواه بيتدهور جداً لحد ما بيخرج اعارة فى 2008 لنادى ساو باولو ، وفى الموسم اللى بعده بينتقل لنادى فلامنجو بيلعب معاهم موسم و بيفوز معاهم بلقب الدورى .
ـ وفى موسم 2010 / 2011 بينتقل لنادى روما علشان تبدأ المرحلة السيئة فى مسيرته و بتلاحقه الاصابات ومش بيشارك مع الفريق غير فى 5 مباريات بس ، وبعدها بيقعد يتنقل بين الاندية زى كورينثيانز وفلامنجو و واتليتكو بارانينسي و ميامى يونايتد لكن جميع الاندية دى بيفسخوا تعاقدهم معاه بسبب عدم التزامه .
ـ علشان نتنهى مسيرته فى 2016 بيقرر الاعتزال علشان تنتهى مسيرة لاعب كان من المفترض انه يكون من افضل الاعيبة فى تاريخ الكورة ، لكن تخيل عزيزي المشاهد لو كان ادريانو بعقلية كريستيانو رونالدو كان ممكن يكون ايه اللى حصل .
......................................................................................
📢 للإعلان على قناة " المُستديرة " التواصل على الإيميل 📢
[e-mail]
......................................................................................
حساباتنا على السوشيال ميديا ❤️
/ elmustadira
/ almustadira3
/ elmustadira.1
......................................................................................
📝توضيح هام 📝
هذا الفيديو محمي بحقوق الطبع والنشر (copyrights) لصاحب الحقوق " المُستديرة " ولا يسمح بإعادة تنزيله على أي قناة ثانية على اليوتيوب وأي مخالفة لهذا الحق سوف نتخذ الإجراءات القانونية فوراً