《對花鞋-折子戲》梁兆明 麥文潔 (台長138製作室)

(台長138製作室) 註:非賣品 本影片由 梁劉靜慈女士提供 並要求上傳 只供粵劇愛好者免費欣賞 謝謝!
💥2022-10-13💥仁濟愛心慈善粵劇粵曲晚會💥
💥香港文化中心音樂廳💥

[@waichunglee5997]

梁兆明先生真是優秀!唱做皆完美!

[@LaiChunLeung]

❤

[@yeelingng6346]

梁兆明同麥文潔演對花鞋唱做精彩,好開心一個晚上,其待兩位多D合作演出👍👍🥰🙏🙏

[@Bobo-ts7iz]

多謝版主分享👏👏🎉🎉🎉

[@suetyuklam7646]

👍👍🌙💕開心週日早上好咫尺天涯共此時共欣賞粤韻明潔兩拍檔藝術非凡成功表演共同享受共同共度每週每天天每時刻快樂開心謝謝您我親愛的粵王子心愛知音心愛拍檔擁有同心心同喜歡喜愛相隨相伴陪伴共同分享共享開心喜悅愉悅🎼😘🎶🌟🌙💕

[@user-lj5mx3lo7r]

紅綾巧破無頭案「對花鞋」,除左一哥陳錦棠與鳳凰女的最精彩外,就是龍貫天與南鳳所演的,真是一絕!

[@OperafanSingapore]

they are obviously enjoying themselves...especially her hamming it up..

[@georgekwho]

紅菱巧破無頭案之對花鞋 梁兆明 麥文潔演唱 溫誌鵬改編 (排子頭) (小鑼花鼓上介) 旦: (小曲探情郎) 漸覺紛亂， 成日有心，相思掛念， 癡心暗牽， 嫩柳拂面， 憔悴柳花，滄桑劫後，不失有嬌人艷， 芳心空虛，只盼溫暖， 低頭偷偷許了願， 乞求春陰得方便， 我、我未算、未算花癲， 願結得鴛鴦眷， 撮合雙仙， 匹配鳳與鸞 (轉和尚思妻) 緣是意中緣， 暗自為盤算， 若說金剛色冷， 點配眼角輕憐， 我共佢有冤， 唉吔有冤， 千里緣牽一線， 加衣噓暖， 心照兩不宣 (禿花) 行不安， 坐不寧， 朵朵梅花 (勾鑼)， 都幻出檀郎面 (上)； 生: (內場白) 人來，掌燈 旦: (白) 唉吔，(才) 大人佢嚟緊啦 (慢長才上介) 生: (小曲三醉) 子夜月上東軒， 去我牘案神倦困， 步過花阡， 香風翦翦， 晚香吹送， 蘭麝襲人面， 顧影凌亂， 繡閨中彷彿似有美樓畔見， 倚高閣獨生怨， 欲平冤案事， 仔細推測， 樓畔燕動情處， 溫香軟， 輕展手段， 稽查無頭案， 花鞋難覓心絮亂 旦: (白) 估道是誰，原來系左大人，小婦人這廂有禮 生: (白) 秦家嫂嫂，不必多禮 旦: (白) 大人呀 (閃才花下句) 此際更深夜靜， 何以你尚未安眠。(合) 生: (接唱) 我向來愛月夜遲眠， 少飲一杯唯自遣 (尺)； (白) 人來，擺酒 (起慢板序) 旦: (浪白) 唉吔，原來大人在我園中飲酒呀 生: (慢板下句) 花氣襲人來， 香在花間外 (上)， 是酒香， 還是系花艷， 何以有蘭麝微傳 (上)。(過序) (浪白) 秦家嫂嫂，常言獨飲不成歡，你何不過來，與我一同把盞呢？ 旦: (浪白) 哦，咁多謝嘞大人 (接慢板) 酒香未為香， 花艷無足艷 (合)， 願效紅袖添香， 願效朝雲侍宴 (上)； (浪白) 大人呀，如果你唔嫌小婦人手粗嘅，不若我代你添嚇香，斟嚇酒，總好過一個人向處飲悶酒呀，好嘛 生: (浪白) 好呀，好呀，求之不得啦，恐怕有勞嫂嫂噃 旦: (浪白) 唔緊要，唔緊要，係呢點解大人你走馬上任，唔帶埋家眷嘅？ 生: (接慢板下句) 有家若無家， 難說傷情話， 一自廣陵曲散後， 唯剩寡索孤弦。(收掘) (禿花) 夜夜枕冷衾寒無溫暖 (尺)； 旦: (白) 唉吔，你，乜你真係冇㗎咩？ 生: (白) 真係冇㗎 旦: (白) 唉吔，你、你 (禿唱小紅燈) 你俊俏緣何無屬眷， 深信人人願諧並蒂蓮， 生: (接唱) 縱多鶯燕， 亦未能共眷戀， 如今孑然盼天仙， 旦: (接唱) 於今到此信有緣， 只怕你到處招引鶯燕， 騙說是無婚眷 生: (食住轉反線中板下句) 我十載守芸窗， 七年臨宦海， 長與花月無緣。 有一位好嬌妻，(才) 旦: (白) 唉吔，大人呀，咁你又話冇嘅 生: (白) 你咪嘈住，聽我講埋先咋 (續唱反線中板) 歌賦鼓盆， 慘似風箏斷線； 每對此繡羅衣， 便憶妻生前情義， 一針針為我縫鸞。 (禿花) 你有幾分媚態似亡妻，(才) 旦: (白) 唉吔，真唔真嘅唧 生: (白) 系真嘅 (禿花) 禁不住夜對新鶯懷舊燕； 旦: (白) 唉吔，我暈咯 (起小曲唉吔吔) 此刻芳心醉然， 魂魄漸已飛天， 有心暗示情意， 徒添心坎裡溫暖 (白) 大人，一個男人冇個老婆，好多嘢都唔方便㗎，點解你唔娶番一個人唧？ 生: (白) 秦家嫂嫂，你估我唔想咩，不過有原因㗎 (起減字芙蓉下句) 只為亡妻曾囑咐， 佢臨死有遺言。 旦: (序白) 嚇佢講啲乜嘢呀？ 生: (續唱) 佢話若想續新弦， 除非要嫻針線； 旦: (序白) 唉吔，真係啱嗮咯 (續唱) 奴家素來好針黹， 精於刺繡擅縫鸞。 (序白) 不過可惜吖 生: (序白) 哦？可惜乜嘢呢秦家嫂嫂 旦: (續唱) 我係有主嘅名花， 不配與大人長相戀； 生: (序白) 嗯，咁又唔係咁講叻 (續唱) 所謂易求無價寶， 難得有好嬋娟。 (花上半句) 你可有繡好嘅花鞋，(一才) 旦: (白) 大人呀，我同你講得好好地，你為咩事幹要攞花花鞋唧嚇？ 生: (白) 你話好針黹啫，我點知真唔真㗎 (續禿花上句) 你能否取來我見一見； 旦: (白) 好呀，好呀，等一陣間嚇 (小鑼相思取鞋白) 大人，花鞋呀嗱 生: (全斷頭起小曲小桃紅) 暗中向袖裡拈， 旦: (接唱) 暗中向袖裡存， 生: (接唱) 花鞋分外嬌， 旦: (接唱) 一向無人見， 生: (接唱) 月照花間共相見， 旦: (浪白) 咁熟嘅呢嚇 (接唱) 有緣遇見， 似對翩翩樑上燕， 生: (接唱) 你呢一隻花鞋面， 與我十足夠奇緣， 願你衷心奉告不欺騙， (浪白) 你點得嚟㗎 旦: (接唱) 是我親手縫造雙飛燕， 已失了一邊， (浪白) 點解會系佢嗰度嘅呢 生: (接唱) 莫要觸惹驚狡兔， 遞向花底珍珠染， 新新舊舊兩未全， 旦: (接唱) 不差一點點， 小與大為何未有差一點， 生: (接唱) 大抵前緣難避免， 旦: (接唱) 心驚案件一旦事涉嫌， 生: (接唱) 暗用情系遍， 旦: (接唱) 清輝偏照紅杏軟 生: (古老中板下句) 花間窺破意外緣。 但願上蒼從人願； 昭昭天眼總周全。 莫個打草驚蛇， 待我重舒笑面； (浪白) 秦家嫂嫂，而家好夜㗎叻，我同你兩個人嘅事，聽日我自然有分數㗎叻，嗱，你而家早啲返去唞啦 旦: (介白) 大人呀，我瞓唔著呀 (接唱古老中板下句) 謝君對我愛复憐。 繡花鞋，牽紅線； 小山雞，得配鳳和鸞。 (禿花) 一朝飛飛飛，飛上枝頭， 了卻我平生之願； (白) 大人呀，咁，咁早唞咯噃 生: (白) 好生行呀 (下介) (花下句) 紅菱巧破無頭案， 安排香餌雪沉冤。