Дулат Ағаділдің өліміне қатысты қандай жаңа деректер пайда болды?

«Дулат Ағаділдің тергеу изоляторына келген сәтінен бастап, камерада болған кезіне дейінгі бейнежазбаны көріп шығып, онда қандай да бір азаптау немесе қатыгез, адамгершілікке жатпайтын іс - әрекеттер анықталған жоқ» дейді бізге арнайы сұхбат берген Адам құқықтары жөніндегі ұлттық орталықтың басқарма басшысы Салтанат Нұрымбетова. Арнайы прокурорлар тиісті тергеу жұмыстарын жүргізіп жатқан іске қатысты адам құқықтары жөніндегі орталықтың басшысы ерте мәлімдеме жасап қойған жоқ па? Ол жағы бізге белгісіз. Белгілісі - марқұм отырған камерадағы жазбаны - ұлттық алдын-алу тетігі жүйесінің қатысушылары көріп шыққан. Ол туралы Салтанат Нұрымбетова айтты. Ал, Дулат Ағаділдің анасы ұлының жүрек жеткіліксіздігінен қайтыс болғанына сенбейтінін айтып, арнамызға сұхбат берді.
#сөздің_шыны_керек #ирина_советжанқызы