Думан Бейбітханұлы - "Пай, пай, Өмір!"

Думан Бейбітханұлы - "Пай, пай, Өмір!" [2023]
Мұқағали Мақатаевтың өлеңі
Пай, пай, өмір өтесің-ау бір күні,
Тиясың-ау қуанышты, күлкіні.
Өмір деген бір жарқ еткен найзағай,
Өмір деген көк аспанның күркірі.
Пай, пай, өмір өтесің-ау бір күні.
Болмағандай, жүрмегендей сенде біз,
Кетеміз-ау, әй, кетеміз, пендеміз.
Ұрпақтарға береміз де кезекті,
Біз кетеміз, кету үшін келгенбіз.
Пай, пай, өмір өтесің-ау бір күні
Өмір деген бұйым емес қолдағы,
Өмір дейтін ұлы бекет жолдағы.
Қаның кеуіп қаталаған кезіңде,
Сусыныңды қандырсаң бір болғаны.
Пай, пай, өмір өтесің-ау бір күні.
Мына күнде, мына аспанда далам ау,
Бәрі бізден, бәрі бізден қалады-ау.
Өмір дейтін тағатсыз бір қозғалыс,
Өмір деген өлемін деп қарамау.
Пай, пай, өмір өтесің-ау бір күні.

[@user-yl4yc2ob2i]

Керемет! Жүрек тербейтін ән, қандай мағыналы! Бейне баян қандай керемет жасалған.Тамаша әніңізге рахмет.

[@user-lu7pt2lt1l]

Жаксы ан тындасан журегин жаксы болып конилин жадыраиды екен.Рахмет .орындаушыга мын алгыс.

[@user-tb4jg1zo3b]

Керемет айтылған!

[@user-yi4ir9md8k]

Керемет айтқан