دیوانی مامۆستا قانع «ئەی خاکی وەتەن! قوڕ بە سەر و بێ سەر و پا خۆم» شیعری کوردی

«خاکی وەتەن»
کتێب:دیوانی قانع (باخچەی کوردستان)
بەرهەم:مامۆستا قانع (1898-1965)
قاڵب:پێنج خشتەکی
خوێندنەوە:بێهزاد موحەممەدی
[ telegram:t.me/behzadakurd ]
❞ئەی خاکی وەتەن! قوڕ بە سەر و بێ سەر و پا خۆم
بۆ بێ هونەری ئەهلی وەتەن، شێتی جەفا خۆم
جێ ماوە وەتەن، بۆ وەتەنم غەرقی فەنا خۆم
پەستر لە هەموو هاوسەر و هاوماڵ و برا خۆم
دوور کەوتە و ئاوارە لە هەر سەیر و جەفا خۆم
ئەی خاکی وەتەن بۆ چی نەما غیرەتی شێران؟
ئەی خاکی وەتەن بۆ چی نەما بەزمی دلێران؟
کوا سەڵتەنەتی عێلی بەبە و شاکەل و شیروان؟
بۆ مسڵەخی پڕ خوێنی ئەسیران و هەژاران
دەک لاڵ و کەڕ و کوێر و کز و شێخ و مەلا خۆم
ئەی کاغەزی تەرفیعی وەتەن! بۆ چی دڕاوی؟
ئەی ڕەونەقی بازاڕی وەتەن! بۆ چی نەماوی؟
ئەی خەنجەری شێرانی وەتەن! بۆ چی شکاوی؟
ئەی خاکی وەتەن! چونکە وەها خەستە کراوی!
گەر شینت نەکەم، ڕووڕەشی دیوانی جەزا خۆم
بۆ سەر کزی ئەم هۆزە دڵ و جەرگ برینە
بۆ شینی وەتەن، چاوی خیرەد پڕ لە گرینە
بێ شێریە ئەمڕۆ کە وەها بێشە حەزینە
نووری بەسەری ئەهلی هونەر تانەیی شینە
بێ ئالەت و شمشێر، لە مەیدانی وەغا خۆم
ئەی خاکی وەتەن بۆ چی وەها کوێرە وەجاخت؟
پەژموردە و بێ ڕەنگە، هەموو چیمەن و باخت؟
پڕ لە ستەم و جەورە یەقین، دەربەن و شاخت
ئەی خاکی وەتەن! وێردی شەو و ڕۆژە لە داخت
بۆ بێ کەسی ئەم خاکە، دەسا بەندی بەڵا خۆم
قانع! وەرە ئەم جارە، دە غەوغایێ بە پا کە
بۆ خاکی وەتەن فەرزە بە دڵ ڕۆح بە فیدا کە
پیراهەنی بەدناوی، بە نامووسی کەوا کە
سەف بگرە بە کوردان و لە چۆپیوە سەما کە
ئەو وەختە بڵێ خاوەنی هەر بەزم و هەرا خۆم❝
#قانع

[@lawazrary2406]

قوربانت بم قانع چەن لەخەمی کورد بووی، کورد هەر تێ نەگەیشت

[@saly_kim3429]

ئەی خاکی وەتەن بۆچی نەما غیرەتی شێران!! ؟

[@karzansan1926]

دەس خۆش

[@behzadakurd]

سپاس گیانەکەم 🌹

[@hunar196]

دەست خۆش بەراستی شتێکی زۆر بەپێزە ❤❤

[@behzadakurd]

سپاس براکەم 🌹🌹

[@currentsequence2860]

بژیت

[@eisakakaei9160]

😥👌

[@behzadakurd]

دەرمانی دەردی کورد لە ئەوەیە کە ڕەواج نەدات بە شتی بێ ماناو بێ کەڵک واتە هەر کەسێک بە ئەندازەی بەشی خۆی ئەوە لە ئەستۆی خۆی دانێت....🌹🌹

[@bashemathchevere5250]

دەس خۆش زۆر بە چێژە ئەتوانم لای خۆم شێری بکەم؟

[@behzadakurd]

بەڕێزی براکەم بەڵێ ئەتوانن بڵاوی بکەنەوە...

[@aradmostowfi7841]

ئەی خاکی وەتەن قۆڕ بەسەر و بێ سەرو پا خۆم...

[@محمد.علوان]

برای ئەزیز دەنگت و شیعرەکەو مۆزیقاو هەمووی تایبەتە یاخوا بمێنی، ناوی مۆزیقاکە چییە ?

[@behzadakurd]

سپاس براگیان دڵی 🌹🌹 بەس ناوی مۆسیقاکەم لا نییە چوونکە بۆ دووساڵ ئەڕوات کە ئەم شیعرەم خوێندوەتەوە بەڵام لەوانەیە ڕۆژێک مۆسیقای هەموو ڤیدیۆکان لە تێلێگرام داببەزێنم بەڵام ئێستا بەڕاستی کاتی ئەوەم نییە...

[@محمد.علوان]

@@behzadakurd دەی دەستت خۆش دووبارە برا گیان

[@behzadakurd]

بەڕێزی براکەم