Рет қаралды 511,250
Бәріңізге ассалаумағаликум. Қадыров қайтар емес. Оның Киевке жетіп барғаны рас па?Шешенстан басшысының басын кесіп әкелгендерге сыйақы тағайындалды. Оны өлтірген адамға не берілмек?
Украинаға болысып орысқа қарсы соғысқысы келетін шешендерде бар боп шықты. Олар Зеленскийге қандай өтініш айтты?
Ресейдің Қытайдан көмек сұрағаны шын ба?Ал орыстың журналистері өтірік ақпарат таратудан шаршаған. Тікелей эфирде плакат ұстап шыққан тілші қызды қандай жаза күтіп тұр? Мұндай сұмдық ақпараттарды сізге білген дұрыс.
Әзіл болсада ақиқаты сол. Путин өзімен өзі жатқан елдің астаң-кестеңін шығарды. Ал оған барынша адал екенін танытып Рамзан Қадыров шапқылап жүр. Шапқылағаны сонша Киев маңына жетіп барған. Шешенстан басшысының Украинадағы соғыс аймағында жүрген видеосы желіде жарияланды. Видеоны “Грозный” мен RT телеарнасы таратты.
СНХ:
Бейнежазбада сарбаздар Шешенстан басшысына соғыс әрекеттерінің барысы, сондай-ақ, шабуыл туралы егжей-тегжейлі баяндайды. “Сіз бізге айтқан стратегия 100 пайызға орындалды”, - дейді қауіпсіздік күштерінің бірі. Ал Қадыров болса “Біздің басты мақсатымыз - Киевті алу” дейді.
Мұнда Қадыровтың Украинада екендігі айтылмайды. Әйткенімен Украиналық Бұқаралық ақпарат құралдары барлау қызметіне сілтеме жасап, видео Украина аумағында түсірілгенін хабарлады. Қадыровтың Киевте екендігі туралы ақпарат пайда болғаннан кейін, Зеленский Кеңсесі егер бұл рас болса, “Украина Қарулы Күштері оны жояды” деді.
Шешенстан басшысының өзі бұл мәлімдемеге Telegram каналында жауап берген: сонда жазғаны “Неге “егер” дейсің? Видеоны көрген жоқсың ба әлде мен есіктеріңе қағып кіруім керек пе?” - дейді. Осыдан соң Қадыров желіде таратылған видеода Киев маңындағы елді мекенде екенін түсіндіреді. “Келесі күні біз шамамен 20 шақырым жерде болдық. Ал қазіргі уақытта одан да жақын бола түстік. Қаншалықты жақындай түскенімізді болжап көріңдер” - деп жазды Шешенстан басшысы.
Ал Украина Жоғарғы радасының бұрынғы депутаты Евгений Рыбчинский Рамзан Кадыровты өлтірген адамға сыйақы тағайындағанын айтты. Ол Facebook-тегі парақшасында: «Кадыровтың басын әкелген адамға Киевтің түбінен 40 телім жер мен үй беремін», - деді.
Рамзан Қадыровтың мұндай қадамға барып Путин басқыншылығын қолдап-қуаттағанына елдің көбі аң-таң. Мұндай сәттерде жұрттың есіне Джохар Дудаев бірден түседі. Атақты шешен жауынгері, азаттық қозғалысының басшысы өле-өлгенше орысқа бас имей кетті. Оның 22 жыл бұрын айтқан болжамы дәл келіп жатқандай.
Енді мына видеоға зер салыңызшы. Шешен жігіті Зеленскийге үндеу тастап, Украина үшін соғысқысы келетін шешендер өте көп, олардың келуіне мүмкіндік жасауын сұрады.
Тарихқа көз салсақ өткен екі шешен соғысында Шешенстан халқы екіге бөлінді. Дудаев бастаған батырлардың саясатын қолдайтындар Ресеймен бітімге келуді қолдамады, ал оларға қарсы топ келісім ұсынды. Ақыры екінші топ Ресей қолдауымен жеңіске жетті. Дудаевшылар қаза тапты, шетелге қашты. Енді міне араға 25 жыл салып осы екі топ Украинада қайта соғысатын сияқты. Шешен қолбасшыларынығң бір кездері орыстан именбей, көздеріне тура қарап өрлене сөйлегені көзден бұлбұл ұшқандай. Ондай жігіттік, батырлық тарихпен бірге мәңгі ғайып болғандай.
СНХ: Эльцинмен шайқасы
Ал Ресейдің арты белгілі болған сияқты. Қытайдан әскери және экономикалық көмек сұрады. Бұл туралы The New York Times және The Washington Post газеттері аты аталмаған АҚШ үкіметіндегі дереккөздерге сілтеме жасап хабарлаған. Мәскеу Украинамен соғыс басталғаннан бері Бейжіңнен әскери техника мен басқа да көмек сұрап келеді. Соғыстың үшінші аптасының ортасына таман Ресейде қарудың кейбір түрлері таусылады деген болжам бар. Атақтты CNN арнасы болса АҚШ-тың жоғары лауазымды шенеунігіне сілтеме жасап, Ресей Қытайдан әскери көмек, оның ішінде ұшқышсыз басқарылатын ұшақтар сұрағанын хабарлады. Ал АҚШ-тың ұлттық қауіпсіздік жөніндегі кеңесшісі Джейк Салливан Қытай Ресейге көмектесуге тырысатын болса, оның «салдары» ауыр болатынын ескертті.
Ресей телеарнасының тікелей эфирінде сұмдық жағдай болды. Жаңалықтар жүргізушісі хабар жүргізіп жатқан шақта “Соғысты тоқтатыңдар” деген ұранмен бір қыз атып шықты. Телеарна бірден басқа сюжет көрсетіп жіберген.
Батыл қадам жасаған қыздың қолында “Соғысты тоқтатыңдар. Пропагандаға сенбеңдер. Бұл жерде сендерге өтірік айтып жатыр” деп жазылған плакат болған. Бұл ержүрек қыз Марина. Ол “Бірінші арнаның” қызметкері екен. Өзінің әрекетінен кейін арнайы үндеу жариялады. Қазіргі уақытта оған қарсы іс қозғалып тергеліп жатқан көрінеді.
Әйлігі Америкалық кәсіпкер Илон Маскте қарап отырған жоқ. Ресей бастаған соғыста Украинаны қолдайтынын жеткізді. Тіпті ол Путинді жекпе-жекке шақырды. Бұл туралы ол Twitter-дегі микроблогында жазған. «Мен Владимир Путинді жекпе-жекке шақырамын. Бәс - Украина» - деп жазды ол.
Екі ел арасындағы кескілескен шайқастың басталғанына да жарты айдан асты. Бірнеше мәрте келіссөз де жүргізілді. Түк нәтиже жоқ. Шегінерге жол жоқ, алдымызда Киев деп Путекең отыр, Зекең болса қанға қан, жанға жан дейді.