Шеќеринска: Уставниот суд да престане да му се заканува на СЈО

Заменик претседателката на СДСМ Радмила Шеќеринска беше гостин на вечерашните протести во градот под Марковите Кули. Таа им се заблагодари на граѓаните кои во градовите ширум Македонија протестираат речиси 2 месеца.
„Да не бевте вие, во цела држава, во секој град, кои 58 дена излегувавте на улиците и без страв, без сендвичи, без притисоци, без уцени баравте правда, денеска Македонија ќе беше единствената држава во светот во која со еден потпис еден човек во една вила ќе имаше дадено 107 аболиции на 56 луѓе. Затоа ви честитам на силата“, рече Шеќеринска.
„Изгоре ќесето, па кумот заминува“, рече вториот човек на СДСМ коментирајќи ја оставката на министерот за финансии Зоран Ставрески.
Покрај заменик претседателката, на прилепчани им се обрати и потпретседателот на СДММ Дарко Каевски.