Рет қаралды 11,530
Жеңишбек Шамшиев ыр жыйнагы:
• Жеңишек Шамшиев - Угуз...
Кусалык
Сөзү Ж. Мамытовдуку
Обону Ж. Шамшиевдики
Кезигип жылдардын бир жылдарында,
Кайырсыз айлардын бир айларында.
Кайдадыр алып кеттиң жаштыгымды,
Жер чийген чачтарыңа байладың да.
Тирүүлүк бүтүн бойдон тушап алып,
Түшүүдө өмүр менен ушаланып.
Узун түн элесиңди унута албай,
Унчукпас болуп кеттим кусаланып.
Коноктой күндөр өтөт алчыланып,
Күмүш сап камчы менен камчыланып.
Бой таштап тегирмендин парасына,
Кээ күнү калгым келет кайчыланып.
Көз бүтүп көк көйнөкчөн убагыңдан,
Арбын жыл атың кетпей кулагымдан.
Түшүмө киришиңди күндө тилеп -
Уктаарда угузбастан дуба кылам.
Кезигип жылдардын бир жылдарында,
Кайырсыз айлардын бир айларында.
Кайдадыр алып кеттиң жаштыгымды,
Жер чийген чачтарыңа байладың да