Рет қаралды 92
Shpella e Spilesë, ose siç njihet ndryshe shpella e Ciklopit është shpellë karstike, me përmasa të brendshme 7 me 28 m dhe hyrje 8.5m të gjerë. Shpella ka shërbyer si vendbanim që në periudhën prehistorike dhe u zbulua fillimisht në vitin 1939 nga prehistoriani italian Luigi Cardini dhe u rigërmua në vitin 2002-2003. Nga gërmimet arkeologjike u zbuluan objekte litike të periudhës së mezolitit 10.000-7.000 vjet p.e.s. dhe neolitit 2100 vjet p.e.s, si dhe fragmente enësh prej qeramike të periudhave të bronxit, helenistike, romake. Shpella është monument kulturor që nga viti 1963.
Emri shpella e Ciklopit, vjen nga historia e Odisesë, i cili duke u kthyer në Itakë, futet në shpellën e Ciklopit. Aty haset me Ciklopin, krijesën gjigande me një sy. Odisea shpëton duke u futur poshtë deleve fillimisht, e më pas përballet me Ciklopin dhe i nxjerr syrin. Ciklopi e pyet Odisenë dhe ai përgjigjej -"Asnjëri". Ciklopi thërriste shokët e tij duke i kërkuar që ta ndihmonin, ndërkohë ata e pyesnin kush të
sulmoi, ai përgjigjej “Asnjëri”.