ვერა ქობალია სიღნაღში

საქართველოს ეკონომიკისა და მდგრადი განვითარების მინისტრმა ვერა ქობალიამ და ტურიზმის ეროვნული ადმინისტრაციის ხელმძღვანელმა მაია სიდამონიძემ სიღნაღში სასტუმრო „კაბადონის" მშენებლობის პროცესი დაათვალიერეს. სტუმრებს მასპინძლობა სასტუმროს მფლობელმა, ბიზნესმენმა ლაშა პაპაშვილმა გაუწია. „კაბადონი" კომპანია „რედიქსის" მმართველობის ქვეშ არსებული პირველი ბუტიკ-სასტუმრო იქნება, რომლის გახსნაც აგვისტოს ბოლოს იგეგმება. მშენებლობაში 4,5 მილიონი დოლარის ინვესტიცია ჩაიდო. სასტუმროში დასაქმებულია 30 ადგილობრივი თანამშრომელი. ამჟამად, მათ სპეციალური ტრენინგები უტარდებათ იმისათვის, რომ „კაბადონის" გახსნისთანავე შეძლონ სტუმრებისთვის დასავლური სტანდარტების შესაბამისი მომსახურების გაწევა.