EDUMOTIVA урмаар цэнэглэе.

Өнөө цагт бид их хэмжээний шүүлтүүргүй хар бараан мэдээ мэдээллийн дунд амьдарч байгаа билээ. Харин энэ бүхний дунд цөөн тооны үлгэр жишээ болсон, гэрэл нэмсэн, итгэл бадраасан бодит туршлагууд байгаа. Гэсэн хэдий ч бид үүнийг үл хайхран долоо хоногийн шар мэдээнд автсаар байгаа билээ. Харин бид энэхүү асуудлыг шийдэхээр үндэсний хэмжээний хүрээнд нийгмийн сэтгэлзүйд суурилсан оюун санааны зөв төлөвшил, эерэг хандлагыг түгээхээр боловсрол болон интертэйнмент хоёрыг хослуулан улсын цөм болсон ард иргэдээ урамшуулж, зоригжуулж, сэдэл өгөх замаар лекц, сургалт, talk show бүхий “EDUMOTIVA” төслийг 12 дугаар сарын 11-нээс эхлэн “Монгол HD” ТВ-ээр 7 хоног бүрийн бямба гараг бүрийн 18:30 цагаас үзэгч олныг урмаар цэнэглэхээр бэлэн болоод байна.
Учир нь хүн бүрийн дотор тэгчих юмсан, ингэчих юмсан гэсэн гэгээн хүсэл мөрөөдөл их бага хэмжээгээр байдаг бөгөөд өдөр тутмын хэрэгцээгээ хангахаар толгой өндийх сөхөөгүй, тухтай бодох цаг гаргалгүй дор бүрнээ тэмцсээр байдаг билээ. Энэ бодлын очыг бид тууштайгаар дээш нь өргөж, өрдөж, асааж өгөх мөн бодит болгохоор зорьж байгаа юм.

[@bolorjargalarildii6125]

Гайхалтай. Бага насны мөрөөдөл нь биелж, нийгэм рүү чиглэсэн том үйл хийж байгаад нь халуун баяр хүргэе. Их үйлсэд нь нь арвин их амжилтыг хүсье💐💐💐👏👏👏🙏🏼🙏🏼🙏🏼

[@e60nyamkhuu]

Гайхалтай багш аа. Багийнхаа мөрөөдлөө биелүүлж бас нийгэмдээ маш гоё ЭНЕРГИ түгээж байгаад танаар бахархаж байна.