Рет қаралды 9,324
الاهم من المستثمر والشركات .. رجل الشارع .. هو ده النسبة الاكبر الغالبة اللى بتشاهد اللى احنا شفناه فى البورصة عام 2008 .. بس بتشاهده فى قيمة عملتهم .. كان السقوط الحر هو اللى بنشاهده فى البورصة زمان .. لما كان السوق ينزل 3 - 5% ونفتح ايام الازمة المالية ونشوفه بينزل يوميا بالالف نقطه .. كانت الناس بتنهار وناس بتنتحر .. شقى عمر بيضيع فى البورصة .. كان الامر ده مقتصر ساعتها على 500 - 600 الف بنى ادم اللى كانوا في حينها مستثمرى البورصة .. انما احنا النهاردة بنتفرج على سقوط حر فى قيمة العملة بتنزل كل يوم بال 3 - 4 - 5% بما يؤثر على 106 مليون بنى ادم .. مش على 500 .. عشان كده كان الله فى عون رجل الشارع اللى اهم من المستثمر والشركات الحقيقة ..
لو هنبص على شوية ارقام .. هنلاقى ان البورصة صعدت تقريبا من 26 الف نقطه الى 30 الف نقطة يعنى تقريبا 15% .. ومؤشر السبعين طلع من 6140 الى حوالى 7000 نقطة يعنى فى حدود 13% .. يعنى متوسط صعود السوق بين المؤشرين حوالى 14% لو افترضت انى شارى المؤشرين .. طب العملة فى نفس الفترة حصل فيها ايه؟ انخفضت امام الدولار من 57 جنيه الى حوالى 72 جنيه يعنى حوالى 26% انخفاض فى قيمة الجنيه
يعنى البورصة صعدت 14% والجنيه هبط 26% .. تبقى البورصة فى حقيقتها نازلة 12% .. ده لو افترضت ان اللى شارى فى البورصة شارى الاسهم اللى صعدت بنسبة 14% .. لكن فى حقيقة الامر اكتر من 50% من الاسهم مش بتطلع والناس محبوسة فيها ومبتطلعش .. يبقى لما اجى اقول اداء البورصة سلبى .. مينفعش تستغرب!
#البورصة_المصرية
#انهيار_العملة
#الجنيه_المصري
#قيمة_العملة
#سعر_الدولار
#الاقتصاد_المصري