تويوتا كورولا عيون بسعر من 60 الى 70 الف

Рет қаралды 44,455

2 жыл бұрын

فيديو جديد عن تويوتا كورولا موديل من 1998 لحد 2000 الملقبه بتويوتا عيون
لقراءة الموضوع بالتفصيل على المدونه اضغط اللينك
ehabbakr.blogspot.com/2021/12...
قدمت شركة تويوتا الجيل الثامن من كورولا في الفترة بين عامي 1995 وعام 2000 وهو الجيل الذي ظهر في مصر لفترة قصيرة من 1998 الي 2000 وعرف باسم عيون ، واتعرفت العربية دى بالمصابيح الأمامية الدائرية اللي أثارت الجدل بين مؤيد ومعارض لانها كانت مصابيح غير تقليدية وشكلها بسيط جدا
عربيات اوتوماتيك بتكييف
واتقدم الجيل ده في مايو 1995 والموديل ده شارك منصة الانتاج والأبواب مع الموديل السابق ليه, واتعرضت العيون في الأسواق العالمية في فئات XLi وGLi وSE-G. واتقدمت بأشكال مختلفة حسب الدول التي نزلت فيها , تويوتا كورولا عيون
لكن النسخة الأوروبية اللي نزلت في مصر كانت نازلة بمصابيح دائرية وشبكة تهوية صغيرة .
عربية اوتوماتيك بتكييف بسعر من 60 الى 70 الف جنية
اتقدمت التويوتا عيون في مصر بمحركات 1300 سي سي كاربراتير وناقل حركة مانيوال 5 سرعات بقوة 88 حصان واتوفرت نسخ محدودة بمحرك 1600 سي سي وناقل حركة أوتوماتيك وحقن الكترونى للوقود ودى تعتبر متفوقة على لانسر الكريستالة بالمحرك الثاني من حيث الأداء، نزلت برضوا نسخ محدودة 1300 سي سي أوتوماتيك. تيوتا كرولا
تويوتا كورولا , مراجعة تويوتا كورولا
العربية آدائها جيد على الطريق وسحبها كويس جدا بالنسبة لمحرك ال 1300 سي سي اللى حقق المعادلة الصعبه من القوة والسرعة والتوفير في استهلاك الوقود , كورولا
بتمشى 280 كيلومتر فى الصفيحة او ال20 لتر, والمحرك ده رغم صغره الا انه بيوصل لسرعة 160 كم في الساعة بشكل مريح .
وهتلاقى صوت المحرك منخفض ومافيش اى اهتزازات قوية في العربية على السرعات العالية.
تويوتا كرولا
ناقل الحركة ناعم ومتوافق مع المحرك والنقلات سلسه لكن بالنسبة للنسخ المانيوال كان فى شكوى متكررة من ان اسطوانة الدبرياج بتتاكل بسرعة ولازم تتغير كل فترة , تويوتا كورولا ياباني , عربيات اوتوماتيك
عربية اوتوماتيك بتكييف . عربية اوتوماتيك ب 50 الف
بتتميز تويوتا كورولا عيون بصالون مريح ، ارخص عربية اوتوماتيك فى مصر
وبتتوفر بتجهيزات كثيرة وفرش جيد. , احسن عربية اوتوماتيك
ومن أكثر المميزات الداخلية ان التكييف قوي حتى على أقل السرعات . وكمان خامات تقفيل الصالون جيدة لكن شكل التابلوه وتجهيزات العربية بسيطة ومافيهاش ازرار كتيرة . عربية اوتوماتيك
ارخص عربية اوتوماتيك مستعمله فى مصر
لكن يعيب الصالون الداخلى انه ضيق في الكنبة الخلفية بمعنى ان آخرك هتركب اتنين فى الكنبه ورا والعربية مش مناسبة للعائلات اللي بتحتاج عربية واسعه في الجزء الخلفي خاصة في حال الناس الطوال اللى بيحتاجوا يرجعوا الكرسي بتاع السائق للخلف وساعتها هتضيق المساحة الخلفية أكثر. وبالتالي اللى هيقعد فى الخلف مش هيحس بالراحة والنوع ده مختلف عن الجيل السابق من تويوتا كورولا اللي كان أوسع في الخلف ولو حاولت تركب اكثر من 3 اشخاص فى الكنبة الخلفية غير انهم مش هيقعدوا مرتاحين كمان العربية هتوطى من الارض وهتحك فى جميع المطبات
بالنسبة لقطع الغيار هتلاقيها متوفرة لكن مش عند كل تجار قطع الغيار يعنى هتلف عليها شويه وسعرها هتلاقيه مناسب لكن أعلي شويه من الكوري وكمان أعلي من الجيل اللى نزل بعد كده من تويوتا كورولا.
وعموما قطع الغيار الأصلية معمرة وبتعيش.
يعنى قطع الغيار الميكانيكية هتلاقيها متوفرة لتشابها مع أجيال تانية من كورولا خاصة الأجيال السابقة الارخص والأكثر انتشاراً , افضل عربيات اوتوماتيك فى مصر
لكن اللى هتلف عليها كتيرهى قطع الغيار الخارجية زى المصابيح والفيبر الداخلى والخارجى وقطع الغيار هتلاقى منها اليابانى والتايوانى ومؤخرا الصينى , ارخص عربيات اوتوماتيك
ارخص عربيات اوتوماتيك فى السوق المصرى
يعيب العيون ان ارتفاعها عن الأرض قليل وكمان في حالة تواجد أكثر من شخص او شنط في الجزء الخلفي بيكون الاحتكاك بالمطبات أكثر صعوبة ،
لكن في النهاية الانخفاض والقرب من الأرض بيخليها ثابتة على الطريق وهتوصل لسرعة ال 160 كم/س بثبات عالى , تويوتا , عربية اوتوماتيك ب 70 الف
بالنسبة لسرعة وسعر اعادة البيع , عربيات اوتوماتيك بتكييف بسعر من 50 الف الى 70 الف جنية
لا تعتبر تويوتا كورولا عيون من السيارات الجيدة في اعادة البيع في مصر
هى اصلا من الاساس كانت مبيعاتها بطيئة مقارنة بالأجيال السابقة عليها من كورولا بسبب تصميمها الغريب شويه والتصميم ده ماكانش مقبول من اغلب الناس وده اللى خلى حركة مبيعات العربية بطيئة من الأساس وبالتالي وعلشان احنا فى مصر عايشين على الاشاعات العربية اخذت سمعة وصورة ذهينة سلبية خلت عملية اعادة بيعها صعبة وبطيئة
#والله_مانا_شاري
وممكن نقول أنها من العربيات المظلومة في مصر
وهتلاقى الاقبال على الجيل السابق عليها والأجيال اللى بعدها أكبر منها بكثير
وده اللى خلى موديلات زى لانسر الكريستالة أعلي منها في سوق اعادة البيع وأكثر طلباً.
وحتى وقت تقديم العربية دى في مصر كانت بتتباع بسعر أقل من سعرها الرسمي لقلة الاقبال عليها
ووصل سعرها في السوق اول مانزلت 45 ألف جنيه مع ان سعرها الرسمي بدأ من 55 ألف جنيه. اما سعرها حاليا هتلاقيه من 60 الى 70 الف جنية حسب الحالة
بالنسبة لوسائل الامان فى العربية دى
قليلة يعنى مثلا فرامل ال ايه بى اس نزلت فى الموديلات الخليجي بمحرك 1600 سي سي أوتوماتيك بس
لكن مانزلتش في الطرازات المانيوال 1300 سي سي .
والفرامل العادية مش قويه ولاسريعة الاستجابه والعربية مافيهاش وسائد هوائية
لكن عموما , عربية اوتوماتيك رخيصة
العربية بتتميز بالصاج القوي للجسم اللى مخليها أثقل من لانسر كريستالة وفيها اكصدام قوي بيتحمل الصدمات
بتتميز بنظام سنتر لوك, وباور وجنوط 13 بوصة وتكييف قوى وزجاج كهربائي وريموت كنترول وفى نسخ نزلت بمرايات كهرباء
دى كانت نهاية الفيديو
اتمنى اكون قدمت معلومة مفيدة
اشوفكم على خير
سلام
ehab bakr

Пікірлер: 82

@mohamedessam2533 2 жыл бұрын

شكرا انك بتساعدنا ف الفئة دى محدش بيعمل كده غيرك

@mondybabar3921 2 жыл бұрын

جزاكم الله خيرا م ايهاب حفظكم الله وبارك فيكم وفى علمكم وعمرك

@farahathamzawy6442 2 жыл бұрын

كل الدعم لشخصك الكريم مهندس ايهاب بالتوفيق دائمًا وانت بتمتعنا بفيديوهاتك الرائعة

@abdelkaderrashwan98 2 жыл бұрын

ماشاء الله تبارك الله ربنا يحفظك ويبارك فيك وفي علمك ويزيدك من فضله. المحترم الخلوق م.ايهاب

@islamzaidsaidzaid 2 жыл бұрын

بنستفيد من حضرتك كتير ربنا يباركلك

@7gooo 2 жыл бұрын

اشكرك علي المجهود و المعلومات و التقديم الرائع .. لفتة بسيطة لاكتمال حلاوة الفيديو .. اضافة صور وفيديوهات متنوعة للسيارة داخليا وخارجيا

@abuelias457 2 жыл бұрын

بنستفيد جداً من معلومات حضرتك

@user-yp8dz4ov2b 2 жыл бұрын

احلى لايك لاجمل وافضل قناه

@abdotaileb6510 2 жыл бұрын

شكرا فيديو ممتاز وملم بكل جوانب السيارة نتمنى ايضا تعمل فيديو على سيارة كيا ريو 2 وايضا تعمل إضافة لفيديوهاتك المستقبلية بتسمية قطع الغيار المشتركة بين انواع السيارات

@islamnabil9008 2 жыл бұрын

الله يحفظك ويبارك فيك يابشمهندس ايهاب 💝💖

@ahmedkodak7495 2 жыл бұрын

الله ينور عليك يا هندسة استمر مجهود محترم

@mohamedelfaramawy8995 2 жыл бұрын

فيديو ممتاز شكرا لحضرتك

@aedm8 2 жыл бұрын

تسلم ايدك اخي رائع

@ibrahemzaki3676 2 жыл бұрын

الله ينور يا هندسه كنت عاوز شوية معلومات عن فيات سيينا وشكرا

@mohamedessam2533 2 жыл бұрын

حلوة اوى السلسة دى

@ahmedhamdy718 Жыл бұрын

الحمد لله اشتريتها من شهر 12

@aatt3243 2 жыл бұрын

استمر 💪

@Ibrahem_Adventurer Жыл бұрын

يعطيك العافيه كلامك كله ممتاز نحن الان في السعودية ملاحظ كثير يستخدمونها لانها اقتصاديه الغازولين

@ehabbakr Жыл бұрын

تحياتي لحضرتك

@ahmedseif8436 2 жыл бұрын

ممتاز

@hazem_eed 2 жыл бұрын

ياريت حضرتك تعملنا فيديو عن كيا شوما أوتوماتيك

@mohameddarchoush-bx4mo Жыл бұрын

من محاسن الصدق اني اشتريت كورلا 97 طويلة من ناحية السرعة والثبات اتفق معك مية فلمية والسرعة اسير بها 170في الرايح

@loopin8834 2 жыл бұрын

كورولا اقوي مبيعات في العالم سيارة العائلة اليابانية هي و هوندا هايل استاذ ايهاب

@AhmedEssam-uf6ng 2 жыл бұрын

احنا بنحبك فالله

@ehabbakr 2 жыл бұрын

جزاك الله خيرا

@mohamedoda7412 2 жыл бұрын

يا ريت لو حلقة عن مازدا 121

@sodfatarek8721 11 ай бұрын

فى حل لمشكلة عدم وجود حزام أمان بالكنبة الخلفية ؟

@user-ij3wc4ds7v 2 жыл бұрын

السلام عليكم ورحمة الله وبركاته هندسه عاوزين اسبرنزا ٦٢٠ سعرها عيوبها مميزاتها ٢٠١٢

@user-lr3zf1bj4n 2 жыл бұрын

شكر على جهدك وكنا عايزين تعرض حل لمشكله التقسيط عايزين يكون التقسيط مباشر مع المعرض ومش عايزين بنوك عشان مواقع كثير اكدت ان التعامل مع البنوك فى السيارات حرام لانها لا تملكها فنرجو المعرض هو اللى يقسط وياخذ الضمانات اللى يحبها

@hassanahmad7070 Жыл бұрын

الله يفتح عليك نفس اللى بدور عليه

@user-kp2mz4iu2j 2 жыл бұрын

على فكرة نزل منها صناعة تركي

@boshragameel3667 2 жыл бұрын

ياباشمهندس انا عايز واحده علي اختيارك ايه راي سعادتك

@anaselattar6446 2 жыл бұрын

💯👍

@user-qv6cm6gp8h 2 жыл бұрын

ايه ريك في اللادا

@MegaHamada33 2 жыл бұрын

طيب لو عربيه تويوتا الملكه ٩٥ مش عيون معروضه تبع معرض سعرها ٥٥ تعتبر لقطه ولا اي ؟

@ashrafaltohamy5390 2 жыл бұрын

فى الحقيقة وصف رائع ... ولى سؤال لو تكرمت .. ما افضل سيارة اتوماتيك بعد 2008فى حدود 100000ج ... جزاكم الله خيرا

@ehabbakr 2 жыл бұрын

خلال اسبوع السلسلة القادمة افضل عربيات اوتوماتيك من 70 الى 100 الف جنية

@ashrafaltohamy5390 2 жыл бұрын

@@ehabbakr سأنتظر خلال اسبوع ان شاء الله..الف شكر على الاهتمام وسرعة الرد

@user-km7sm6bq1z Жыл бұрын

هى.تويوتا.المسطرة.موديلاتها.من.سنة.كام.لسنة.كام.تحديدا.والعيون.ايضا.بوضوح

@amirghaly6639 2 жыл бұрын

يا ريت تعمل فيديو لانسر كريستاله

@ehabbakr 2 жыл бұрын

غدا ان شاء الله

@badweygouda8484 2 жыл бұрын

الله ينور عليك يا بشمهندس .. بس سعرها حاليا فى مصر مش اقل من 90000 جنيه وزياره كمان على حسب حالة السياره يا بشمهندس انا من متابعينك على القناه باستمرار وبستنى كل فيديوهاتك وكنت طلبت من حضرتك فى تعليقات الفيديو السابق فيديو عن السياره الستروين AX باخر موديل لها وتشرح عيوبها ومميزاتها لانى عاوز اشتريها وتقولى رايك فيها وشكراً لحضرتك وبعتذر على الاطاله

@ehabbakr 2 жыл бұрын

ان شاء الله

@badweygouda8484 2 жыл бұрын

@@ehabbakr ان شاء الله يا بشمهندس ربنا يقويك ويعطيك الصحه والعافيه ويوفقك ويشرح صدرك

@leoerco8416 2 жыл бұрын

هل قطع الغيار متوافرة حاليا و هل افضل ام لانسر كريستالة و خالص الشكر

@ehabbakr 2 жыл бұрын

لانسر كريستاله افضل وقطع غيار اللانسر متوفرة اما العيون هتلف عليها ... يعني مش عند كل التجار وفي اجزاء هتغلبك

@user-kr3jh1jo9w 2 жыл бұрын

ياريت حد يعرفني استهلاك البنزين للعيون19991300cc منوال وافضل نوع زيت بس ياريت اللى يقول معلومه تكون عن تجربه وشكرا لحضراتكن

@salahgamal2152 Жыл бұрын

العربيه حلو معاك

@ahmedhamdy718 Жыл бұрын

معايا 12كيلو متر في اللتر الواحد داخل البلد

@user-bj2fp8uc9e Жыл бұрын

ممكن الرقم المحمول

@MrAdel1963 2 жыл бұрын

أخى الحبيب كبير المقام دكتور ايهاب ، السلام عليكم ورحمة الله وبركاته ، والله انت أخ وحبيب ولم مصداقية وشعبية ، سبحان الله المحبة قبول ، دمت لنا منورنا العمر كله ، لك التحية والسلام والتقدير والاحترام موصولين العمر كله لشخصكم الكريم اخوك عادل

@ehabbakr 2 жыл бұрын

الف شكر لذوق حضرتك ودعمك دزاك الله خيرا

@dsabamekg7838 2 жыл бұрын

شف لي يا فندم واحده اوتوماتيك تويوتا عيون

@shehabbanzin634 2 жыл бұрын

تانكها قد اي

@lmranbalushi3401 7 ай бұрын

هذي نحنا نسميها أبو عيون في عمان

@wealfarouk 2 жыл бұрын

معايا صديق معاك نفس الموديل وصدقني عمال يصرف عليها ولا كأنة بيعاد تصنيعها.. القديم قديم

@ehabbakr 2 жыл бұрын

لازم تشتري عربيه حالتها كويسه غير كده اي نوع واي موديل هيخليك تعاني الحاله اهم شيئ

@ahmedmeghawry7901 2 жыл бұрын

نفسي اعرف حضرتك ا تعلمت كل ده فين ؟؟؟

@ehabbakr 2 жыл бұрын

من سنة ١٩٩٨ وانا شغال في مجال السيارات بيع وشراء وتعديل واصلاح تحياتي

@samehabdelall8023 2 жыл бұрын

من فضلك هى افضل ولا فيرنا 2010 ارجو الافاده الله يكرمك

@ehabbakr 2 жыл бұрын

فيرنا احدث وقطع غيارها متوفرة اكثر لو فيرنا حالتها كويسه هتكون افضل

@user-fb3eh1up8d 2 жыл бұрын

@@ehabbakr لو معروض عليا واحدة بحالتها تعمل كام

@user-ld6qy7rh2p 2 жыл бұрын

سعرها اغلي من كده بس هي بصفه عامه عربيه كويسه وعمليه جدا

@ehabbakr 2 жыл бұрын

السعر ده سعر تنفيذ اما الارقام اللي علي اولكس او في المعارض كل واحد طالب سعر وبيحلم لكن اللي بيبيعوا فعلا هم الناس اللي بينزلوا علي ارض الواقع ده السعر اللي بيتم فعلا البيع والشراء به

@shehabbanzin4065 2 жыл бұрын

@@ehabbakr دا السعر العايز يرميها انما هي اغلي من كدا وبتتباع ب ٨٠ و ٧٥ ف صعب جدا ٦٠ دا

@ehabbakr 2 жыл бұрын

هجيبلك مجموعة عربيات تويوتا كورولا عيون اوتوماتيك ومانيوال بالسعر اللي في الفيديو ومش هيكلفني الموضوع دقيقتين بحث مافيش حاجه هتجيلك علي طبق من ذهب ابحث قبل كتابة التعليق www.olx.com.eg/ad/70-000-IDcwqQd.html www.olx.com.eg/ad/-IDcvG55.html www.olx.com.eg/ad/-IDcvCgu.html www.olx.com.eg/ad/-IDca5d0.html www.olx.com.eg/ad/-IDcv1xv.html www.olx.com.eg/ad/-IDcwIk3.html www.olx.com.eg/ad/99-IDcuT4J.html www.olx.com.eg/ad/-IDc84Dl.html www.olx.com.eg/ad/99-IDcugF7.html www.olx.com.eg/ad/-IDcu6Gq.html www.olx.com.eg/ad/99-IDctZNH.html www.olx.com.eg/ad/-IDct4ZU.html www.olx.com.eg/ad/1998-IDcrRFF.html www.olx.com.eg/ad/-IDcr6uL.html www.olx.com.eg/ad/-IDcr1BR.html www.olx.com.eg/ad/3e-IDcpVwH.html ولو عايز تاني ومش عارف تدور ممكن اجيبلك مافيش حاجه هتجيلك لحد عندك ياريت تتعب شويه وتبحث قبل ماتكتب تعليق