Ekspozita “Talentet e reja në periferi”, me të rinjtë e Kombinatit

Në Njësinë Administrative Nr. 6 të Tiranës, (zona e ish-Kombinati Tekstil), u hap ditën e hënë, 30.09.2024, ekspozita e arteve pamore “Talentet e reja në periferi”.
37 talentet e reja nga shkolla 9-vjeçare “Betim Muço” prezantuan punimet e tyre mbi qytetin e tyre ideal, si reflektim se si mund të jetë qyteti i tyre me mjedise më të jetueshme, më të gjelbërta dhe me më pak ndotje, infrastrukturë të zhvilluar.
Sipas organizatorëve, “Talentet e reja në periferi 2” ka si qëllim parësor të nxisë angazhimin kreativ artistik, kombinuar me ndërveprimin social të talenteve që banojnë në zonat periferike të Tiranës.
Vitin e kaluar ky projekt u realizua në Kodër Kamëz dhe Yzberisht, kurse këtë vit do të realizohet në zonat e Kombinatit dhe në Bregun e Lumit.
Autorët e ekspozitës në Kombinat janë Abiel Koka; Adora Taku; Ajsi Belba; Alesia Kovaçi; Altea Neli; Alvi Bakalli; Amar Ago; Andrea Karaj; Angjelos Xite; Bora Selamaj; Eldor Pillati; Elgisa Kordha; Eliza Mjeshtri; Ema Sadiku; Eneda Çaushi; Ergona Mjeshtri; Erisjano Jaçe; Erla Lama; Erla Toska; Evi Mamillo; Fiorisa Xhuvani; ⁠Gëzim Imeraj; Giana Xite; Greisa Rroshi; Klarisa Nuredini; Klesilda Çobani; Kristalina Kanushi; Ledjon Loke; Lorena Islami; Lorena Shehu; ⁠Qamil Xeka; Renina Troplini; ⁠Renis Hima; Riseld Rajta; Seljana Kaposhi; Stjuart Hodo dhe Vjosa Harka.
Ata kanë punuar nën kujdesin e mësueses së arteve pamore Anisa Lutaj.
Krijuesit kanë prezantuar punimet e tyre, fabulën dhe teknikat e përdorura. Kryetarja e Njësisë Administrative Nr. 6, Matilda Cullhaj, Drejtoresha e shkollës 9-vjeçare “Betim Muço, Fjoralba Xhuvani dhe mësuesja e arteve pamore Anisa Lutaj kanë vlerësuar maksimalisht punimet e paraqitura, si dhe kanë nxitur ata që të përfshihen në aktivitete të këtij formati.
“Talentet e reja në periferi” është një ofertë konkrete, për të zgjuar dhe nxitur të apasionuarit në pikturë, thotë Johan Muka, drejtues i ABC Tirana Club, që po zbaton këtë projekt të mbështetur nga Bashkia e Tiranës.
“Të nxjerim në pah dhe ushqejmë pasionin e shprehjes me gjuhën e artit, si një mbështetje e mirëqënies aktive dhe të shëndetëshme kulturore e sociale. Të bashkuar në një ekspozitë, në një komunitet kreativ, ata bëhen dhe një sinergji zërash në publik, për t’ju treguar dhe më të rriturve mbi ato problematika që ngrenë; kërkojnë që mendimi dhe propozimi i tyre të dëgjohet nga drejtuesit e pushtetit vendor”, thotë Muka.
Pas çeljes së ekspozitës edhe me punimet e talenteve në zonën e Bregut të Lumit, organizatorët kanë parashikuar dhe hapjen e një ekspozite të përbashkët e krijuesve nga Kombinati dhe nga Bregu i Lumit në mjediset e EUROPE HOUSE të Delegacionit të BE-së në kryeqytet.