Елімізде теріс ағымдарды насихаттаған 95 сайт анықталды

Қазақстанда әлеуметтік желілер экстремизм идеясын уағыздаудың негізгі көзі болып тұр. Лаңкестік топтар теріс ағымдағы дінді насихаттайтын материалдарды тарату үшін көбіне «Вконтакте», «Фейсбук» және «Твиттер» желілерін қолданады екен.
Осы түйткілдерді талқылауға Қазақстан, Қырғызстан және Тәжікстан прокурорлары бүгін Астанада бас қосты. Халықаралық форумға қатысушылардың сөзінше, әлеуметтік желілер шетелдік ресурстар болып табылады. Сондықтан әзірге бар амал парақшаларды жабумен шектеліп тұр.
Жалпы жыл басынан бері елімізде 6 мыңнан астам сайтқа мониторинг жүргізілген. 320-дан астам интернет-ресурс экстремизмді насихаттау тұрғысынан тексерілді. Нәтижесінде теріс ағымдағы дінді уағыздаған 95 сайт құзырлы органдарға тиісті шешім шығару үшін жіберілген.
Михаил Комиссаров, ҚР Инвестиция және даму министрлігінің басқарма басшысы
-Кез келген адам қалаған материалды жариялай алады. Сондықтан әлеуметтік желілерде теріс ағымдағы дінді насихаттайтын материалдар көп кездеседі. Интернеттегі заңсыз контентті 100 пайыз жойып тастау мүмкін емес. Бірақ біз желілерде мұндай материалдардың таралмауына барынша тырысудамыз.