#The_Best_of

#The_Best_of EL Madame #Media
الباج فايسبوك عندها عام تخدم وصلت للـ
400k Total des mentions j'aime
800k Total des abonnés
و باج أنستقرام فيها 244k متابع
و باج تيكتوك فيها 105k متابع
و قناة اليوتيوب فيها 76k متابع
بمحبتكم و بتشجيعكم وصلت للعدد المحترم هذا ... نشكركم على كل تفاعلكم معانا و بفضلكم انتوما الباج اصبحت مثيرة للجدل في مواقع التواصل الإجتماعي و في البرامج و الإذاعات التونسية... صفحة مجهولة الهوية تنقد المشاهير و تكشف التناقضات في مواقفهم و تصريحاتهم المستفزة بطريقة مضحكة و طريفة و في كل مرّة نهبّط فيديو نقول مستحيل نعمل فيديو خير ملّي قبلو و نتحدّى روحي و نعمل فيديو و يلقى نجاح (على مستوى نسب المشاهدة و التفاعل) صفحة تهرب بالمشاهد من الواقع المرير و المظلم و الأليم و تأخذه إلى عالم الضحك... الضحكة اللي ولات مفقودة في بلادنا... الضحكة اللي لعباد ولاّت تدفع عليها الفلوس بش تتفرهد و تبرّد على قلبها و تنسى شوية الواقع... باج المدام خلقت الضحكة للناس بلاش فلوس بلا مقابل لا لشيء لنتقاسم الفرحة اللي غابت ليها سنين... رغم الضغوطات و المشاكل و العراقيل اللي تعرضتلها هذه الصفحة و حاولو بش يقطعوا الضحكة حتى من العالم الإفتراضي لكن تحدّينا كل حاجة تنجم تمنعنا بش نكونوا مصدر السعادة للناس... برشا فيديوات تفسخت نشالله بش نرجعوهم و برشا عباد حبت تحط العصا في العجلة بش ماعادش نحكيو عليهم... برشا عباد حاولت تدفع الفلوس بش تشري الباج و قلنا لا... و فما فنانين حاولوا يشوّهوا و يكسّروا زملائهم عن طريق صفحة المدام بمقابل مادّي لكن رغم كل الإقتراحات المغرية رفضنا ذلك ... احنا هوني نعملوا في فيديوات عالضحكة و الجو موش لشكون يدفع أكثر بش أحنا نشوهوا و نكسّروا فنانين... نعملوا في فيديوات من تلقاء أنفسنا موش بأمر من شخص... نشالله نكونوا ديما في المستوى المطلوب... محبة الناس نعمة من عند ربي .. و هذي فيديو تبيّن أهمية صفحة المدام التي أثارت الجدل خلال سنة عبر المنابر الإعلامية... نشالله بش نواصلوا و نقدّموا و نعملوا ما خير ... و نشالله ديما هاربين بيكم من الواقع الأليم إلى عالم الضحكة و الفرحة ❤️🙏🏻
@el_madame_