Рет қаралды 14,990
Алматы облысының Қарасай ауданындағы Елтай ауылында тері өңдеу зауыты өндірістік қуатын арттырып келеді. Кәсіпорын бір күнде 30 тонна ірі-қара терісін өңдейді.
Былтыр 9 жүз миллион теңгенің былғары өнімін шығарған. Қазір олар өз елімізден ғана емес, Қытай, Түркия, Тайланд пен Италиядан тапсырыстар қабылдап жатыр.
Бұған дейін жартылай өңделген өнім шығарып келсе, енді дайын тауарды сата бастады. Металлургия мен құрылысқа қажетті былғары қолғаптар тігетін цех та ашыпты.
Жалпы зауытта 130 адам еңбек етеді. Солардың ішінде білікті мамандар көп.
Бас технолог Амангелді Арыстанбаев зауыттың іргесі қаланғалы бері осында еңбек етеді. Жеңіл өнеркәсіп саласының білгір маманы тері илеу технологиясын Түркия мен Белорусиядан оқып келген.
Амангелді Арыстанбаев, тері өңдеу зауытының бас технологы
-Мамандығымды дұрыс таңдадым. Бұл зауыт менің кәсіби маман болып қалыптасуыма көп ықпал етті. Өз жұмысымды жақсы көрем. Болашағы зор. Дайын өнім шығару мүмкіндігі көп. Біз енді былғары аяқ киім мен жиһаз жабындыларын шығарсақ деген ниеттеміз.