هدية لكافة الأمهات .. كلمات/ عثمان تشيللو.. لحن وأداء الفنان/ عماد كنانة

الأغنية دي هدية مني لأمي ام عماد ربنا يحفظها ويديم عليها نعمة الصحة والعافية .
وايضا هدية منى لوالدة صديقي ودفعتي/ عثمان تشيللو شاعر وكاتب كلماتها (ربنا يرحمها ويغفر لها ويجعل مأواها الجنة)
وكمان هدية مني لأم اي واحد يشاهدها .
أحن والده
أبدا من وين ياحنينه واحكي ليك سر المحبة
الحروف مهما تكتر لأحترامك برضو حبة
امي يا سر الوجود امي تحنان الأحبة
أغلى حاجه في دنيتي وبين إيديها حنيني شب
................
لو بكينا ولو شكينا ما بتلقى سواك يا والده
ديمه تدينا السعادة ولي أملنا كتير مسانده
تربي فينا تآنسينا مهما تشقي بتبقي حامده
الله يحميك يا منانا يا ملاك وأحن والده
...........
ياما إتحملتي يمه اصلو ما مليتي يوم
شلتي من افراحنا حزنت وياما كان قلبك رحوم
ساهرة ترعيني بحنانك واهبه عمرك لي نجوم
ضاويه لي مشوار حياتي شاني كم شلتي الهموم
............
جانا عيدك جانا يمه والفرح في عينيك تمه
ابتدت بإيدي سعادتي وبي هواك فؤادي سم
لينا مين في الدنيا غيرك تاني غيرك زول اهم
عيد مبارك ليك ولينا الف شمعه ان شاء الله يمه .