Рет қаралды 6,219
Бүгін Астанада бір топ жалғызбасты ана шу шығарды. Олар "Бақытты отбасы" бағдарламасынан өздерінің алынып тасталғанына наразы. Пәтер жағалап, балаларын жалғыз бағып жүрген әйелдерге бұл жаңалық жай түскендей әсер еткен. Өйткені жылдар бойы тұрғын үй кезегіне тұрып, бұл күнді асыға күткен едік дейді. Ал баспаналы болуды армандаған әйелдерге тиісті орган өкілдерінен жөнді жауап болмады.
Астанада жиналған мына бір топ жалғызбасты ананың дәл қазіргі қалауы ипотекамен баспана алу еді. Енді олардың "Бақытты отбасы" бағдарламасымен үй аламыз деген арманы орындалмай қалайын деп тұр. Өйткені, биыл бұл бағдарламаға өзгерістер енгізіліп, жалғызбасты аналар несие алушылардың тізімінен алынып тасталған.
ГҮЛЗАБИРА ЕЛМҰРАТОВА, Жалғызбасты ана:
- Бізден ешкім сұраған да жоқ, не полная семья, толық емес отбасын шығарды да тастады. Шығарды да тастады. Енді біз ешнәрсеге ілінбедік. Ешнәрсе ала алмаймыз. Сонда біз қалай үй аламыз? Соны түсінбеймін. Өзіміз қара жұмысшы болсақ. Бізге соны қайтару керек.
Биыл жеңілдетілген шарттармен несие беру үшін республикалық бюджеттен 51 миллиард теңге бөлінген. Бұл қаражатқа Отбасы банкі арқылы бес мыңға жуық жанұяға ипотека беріледі. Бағдарламаға көпбалалы отбасылар мен мүмкіндігі шектеулі балаларды тәрбиелеп отырған жанұялар және жетім балалар мен ата-ана қамқорлығынсыз қалған балалар, сондай-ақ «I және II топтағы мүгедектер» санаттары бойынша тұрғын үй кезегінде тұрған қазақстандықтар қатыса алады.
СӘБИРА ЕСІМХАНОВА, Жалғызбасты ана:
- Бәрінен шаршадық. Уже бәрінен шаршап тойып отырмыз қазір. Тем более ипотекаға өткізбей отыр. Кәдімгі ақшасына беретін нәрсені бермей отыр. Сен 5 процентпен қатысасын дейді. Ол жалғызбасты ана қалай 2 процентпен өтпеген адам, 5 процентпен үй алады? 5 процентпен ала алмайды ол.
Бағдарламада жалпы қатысушылар тізімінен жалғызбасты аналардың алынып тасталынуына қатысты өзгерісті индустрия министрлігі енгізіпті. Алайда, ведомство тарапынан жалғызбасты аналардың неліктен тізімнен алынып тасталғаны туралы мәлімет берілмеді. Басшылық іссапарда деген министрлік өкілінің бар айтқаны келесі апта арнайы жиын өткізіп, бар мәселе сол жерде түсіндірілмек.
СҰЛТАНҒАЛИ ЖАЛҚҰЛ, Тұрғын үй қатынастар басқармасының басшысы:
- Біздің басшылық жұмыс іссапарында. Ендігі апта болады. Сол кісі ендігі апта өткізеді брифингті. Сол брифингте бізден бөлек, уәкілетті органнан бөлек отбасы банкінің представительдері болады. Сол кезде бүкіл сұрақтарға жауап береміз. Барлықтарыңыз сол брифингке қатыссаңыздар болады.
Ал, пәтер жағалап, баласын жалғыз бағып отырған аналар талабымыз орындалмаса, көшеге шығып, талаптарын қоюға бел буған.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31