صريح جدا: هل يقبل الشاب الجزائري الزواج من إمرأة مصابة بمرض مزمن ؟

صريح جدا: هل يقبل الشاب الجزائري الزواج من إمرأة مصابة بمرض مزمن ؟
للإشتراك في قناتنا إضغط هنا goo.gl/as3vlY
"النهار تي في" أول فضائية إخبارية في الجزائر، الأخبار تصلكم حيثما كنتم أول بأول
موقعنا الإلكتروني للجريدة www.ennaharonli...
موقعنا الإلكتروني للقناة www.ennahartv.net
رابط صفحتنا المليونية على الفايسبوك / ennahartv
رابط صفحتنا على الأنستڨرام / ennahar.tv
رابط صفحتنا على تويتر / ennaharonline
قناة النهار الإخبارية الأولى في الجزائر.. أخبار دون توقف
#صريح_جدا #الجزائر #الزواج

[@slimabouzian2878]

انا زوجي صارحتو اني مريضة و ما نقدرش نجيب الاولاد، حتى بعتلي يماه جات خطبتني و الان 8سنوات زواج و ربي بدون اولاد و الحمد لله جبنا تكفلنا بولد و رانا فرحانين بيه، الثقة في الله ثم الثقة في للله

[@Ahmed-oq5mc]

راجلك صح راااجل والله نوصيك يا اختي تهلاي فيه و ان شاء الله ربي يرزقكم ذرية الصالحة

[@sarahnessrine5514]

الله يبارك ختي

[@Danidani-wm7hi]

ربي يسعدك ويهنيييك مع زوجك الأصيل وربي يرزقك واش تتمناي وربي يعطيلي ما عطالك إن شاءالله ياااارب سبحان الله مزالت الدنيا بخير

[@faracha12062]

ماشاءالله

[@sofiangl9723]

bravo pour ta belle mère et ton mari que Allah les protége

[@فضحكتفبشرناها-ح3ي]

أنا معاقة حركيا نسبة 100% أدعولي ربي يسهلي ويشفيني ونعالج😢

[@naouelnina7261]

ربي يشفيك يارب العالمين

[@abdelmadjid4726]

ربي يشافيك و يعافيك يارب

[@hazalzoula1122]

ربي يشفيك

[@charihanezaza7725]

ربي يشفيك حبيبتي انا ثاني كيفك معاقة حركيا كنت صحيحة لباس بيا الحمد لله وبين عشية وضحاها صبحت مقعدة واحد مايعرف واش راح يصرالو فالدنيا هذي ربي يطيحنا في ولاد لحلال ويبعد علينا ولاد لحرام

[@karimatibi4526]

ربي يشفيك

[@ayoubmarouf5691]

راجلي عرفني وانا في سن 13سنة ومن بعد مرضت بالسكر هو بقا شاد فيا حتى كبرت جا لدارنا وخطبني وعندنا 9أشهر زواج ادعولي إنشاء الله نفرحو في حياتو ويرزقنا ربي بالاطفال

[@aminaamina2719]

الله ايبارك نشالله ربي يرزقكم بدرية صالحة

[@soujoudsajouda8383]

ربي يعمر حجرك بالبنين والبنات نشالله ويهنيكم ختيتو.

[@samaraloli9661]

ماشاء الله الله يبارك الله يخليكم لبعض ويسعدكم ويهنيكم ويطيل عمركم ويرزقكم الذرية الصالحة اللهم امين يارب العالمين

[@AbdnourYamina]

اختي قريت التعليق تاعك بشريني واش عندك دراري

[@KadijCh]

❤❤❤❤اللهم امين يارب العالمين

[@nanouofficial1683]

علابالي كول وحدة عندها مرض دخلت تشوف الفيديو ربي يشافي كول مريض يااارب و ربي يعوضها خير و يجازي لي رفدها ووقف معاها

[@مديحهالباتنية]

انشاء الله يااارب 🤲 دعوة الغريب مستجابه 😘

[@norasalwa1555]

أمين يارب العالمين

[@دموعقمر-س7ط]

امين يارب العالمين ربي

[@nabilamersout8800]

يااارب

[@IkramIkram-ef9th]

اللهم آمين يارب

[@zohrafatima7400]

انا كفيفة وناجحة في حياتي وافتخر الف تحية لكل واحد يقدر ذوي الاحتياجات ومايحقرهمش بالعين

[@zohrafatima7400]

@@نورهديل-د4ش كلش تطور كاين ابليكاسيو فلهاتف تقرا كل شيء ومكملا جامعتي وموضفة والحمد لله

[@tasalaa2178]

@@نورهديل-د4ش الهواتف تع درك غاع راهم يجوا مبرمجين بنظام للكفيفين كيما رادمي كون تقعد دارك على لي تزويد وتنقص يتفعل يقرالك كلش وتقدر تكتب بالهدرة الحمد لله على كل خير

[@zohrafatima7400]

@@tasalaa2178 يعطيك الصحة

[@kahina4911]

يا ختي لعزيزة هادي الدنيا واحد ميضمن حياتوا كاين صوالح يعطيهم ربي الحمد الله

[@kahina4911]

@@نورهديل-د4ش بلاك كتبوه في بلاصتها اخطيك سوء الضن بالناس

[@zakizakou8958]

كاين وحدة حبيتها في ضروف شبه مستحيلة وزادت مرضت بالكونسار وبقيت معها ودرك دات شوك وراهي في غيبوبة 9 شهور وماقدرتش نخليها ماقدرتش نتخيل روحي مع امراة اخرى😢😢 لي شاف التعليق يدعيلها ربي فالسجود يشفيها ويجمعني بيها

[@maramsamar6201]

يارب اسألك بإسمك العظيم الأعظم الذي إذا دعيت به إستجبت إشفيها من مرضها وأرجعها لزوجها بعافاة فأنت الذي إذ قلت للشيئ كن فيكون فحقق ذلك يا الله وأشفها كما شفيت داوود عليه السلام من سقمه

[@dimada.00]

ربي يشفيها ان شاء و يجمع بينكم في الحلال 🤲🥺

[@ratibazaim1737]

ربي يشفيها ويلم شملكم بارك الله فيك

[@dinazed]

الله يشفيها ويردهالك سالمة آمين يارب العالمين

[@samaraloli9661]

الله يشافيها ويعافيها ويحفظها ويطيل عمرها ويجعلها خيرا لك ويجعلك خيرا لها ويجمعكما معا تحت سقف واحد في الحلال ويجعله قرة عينك ويجعلك قرة عينه ويخليكم لبعض ويسعدكم ويهنيكم ويطيل عمركم ويرزقكم الذرية الصالحة اللهم امين يارب العالمين

[@sojoudsajida3585]

لو كان الجسد اهم من الروح لما دفن الجسد تحت التراب و روح طلعت لسماء 💔

[@Hana.221]

كلام في الصميم 👍👍👍

[@sanaalabia3728]

اجمل ما قرات 💙💙

[@khs2162]

من أجمل ما قرأت 👌👌👌👌👌

[@KadijCh]

❤❤❤❤ايه صح

[@samahfouchane1306]

انا عندي السكري وزوجي قبلني من المكالمة الاولى صارحتو وقلتلو عندي سكر وقبلني بكل صدر رحب ونهار الخطبة قال للامي تدفني ولا ندفنها وانا نحبو بزاف وجامي نسمح فيه ربي يطولي في عمرو وعمري ان شاء الله.

[@madinamakkah4794]

يا اختي ربي يشفيك ، ويجعلك قرة عينه ويجعلكي زوجة صالحة له ،اتهلاي فيه وربي يدوم لمحبة بيناتكم ويخليكم مجموعين مدى الحياة 👍🌼🌼

[@boudiaflinda9170]

ربي يحفظكم لبعضاكم او يعطيلك صحتك

[@حفصةحفصة-ق1ي]

شدي فيه وأحمدي ربي والله أنا كيفك نصارحهم وفلأخير يا يبلوكيوني يا يدابزني ويقولي خلاص ربي يشافيك ويشافينا يارب

[@flowerflower4666]

ٱمين 🤲 الله يهنيكم

[@هدىكريستال-ص2ث]

اختي انا تاني عندي سكر عندي35سنة وفقدة امل اني نتزوج ونجيب دراري ونسمع كلمة ماما

[@soukoutch2288]

المرض المزمن الحقيقي في الانسان هو البعد عن الله و البعد عن الدين و الاخلاق .

[@todjayouba1914]

يا عمري على ولاد بلادي لوكان جوتشوفوا وجهي كيفاش رآه فرحان بيكم يا لعزاز ربي يحفظكم ويرزقكم وربي يخليلي راجلي لعزيز فحل كيما نتوما أنا عندي ضيقة مزمن وراه معيا سبع

[@olikerd8431]

🤭🤭🤭🦁🦁🦁🤣

[@abdelmadjid4726]

الله يبارك ربي يدوم عشرتكم ويحفظكم لبعض يارب

[@olikerd8431]

@@ishaksalhi9101 سبقوك لى قالو هذا الكلام ، دار الزمان أو راهم بديارهم مزوجين، بالتوفيق إن شاء الله 😊👍

[@ishaksalhi9101]

@@olikerd8431 لالا علابالي ماذا سيحدث لي فأنا مختلف كثيرا عن شاكلتي أولاد بلادك مثلما تفضلتي وقلته . راهي ليكم الدنيا من بكري ليكم حطمتوني واش تزيدوا

[@olikerd8431]

@@ishaksalhi9101 لا للتشاؤم و السلبية ، نعم للإيجابية و التفاؤل و الأمل ، رحمة ربي واسعة بزاف و سبحان الله مقلب الأحوال ، لا يعلم الغيب إلا مولانا الكريم ، لا تدع الماضي يتحكم في حاضرك و لا تدع الماضي يقرر مستقبلك ، أقلب صفحة الماضي و أسترجع ثقتك بنفسك ، وأحسن الظن بمولاك الكريم و سر إلى الأمام إن شاء الله 😊

[@nabilcheddad7342]

حبيبي راجلي نقعد معاه لو يبقالو والو نرفدو كيما رفدني نحبو حب زليخة ليوسف حب جنوني حبي جاء بعد حبه لي و محنته يا رب تحفضو بحفظك

[@samaraloli9661]

ماشاء الله الله يبارك الله يخليكم لبعض ويسعدكم ويهنيكم ويطيل عمركم ويرزقكم الذرية الصالحة اللهم امين يارب العالمين

[@simasime1762]

الحمد لله انا عندي مرض مزمن كي خطبني صارحتو وكان معاي راجل وتزوجنا ورزقنا ربي بطفل عندو شهر وهذا الاسبوع نكملو عام زواج ربي يحفظهولي ويخليه تاج فوق راسي 😍😍

[@ouaggadaymen2919]

هادو هما رجال ربي يهنيكم ختي

[@mariamimi1554]

وشنو مرضك ختي ادا حبيتي تقوليلي

[@simasime1762]

@@mariamimi1554 دايرا صمام ميكانيكي

[@Sarah-sarah]

ماشاءالله

[@prencces4231]

@@simasime1762 خلاص؟

[@kfsnow3478]

غير الكذب صحبتي مسكينة عندها مرض مزمن لي يجي يخطبها تصارحو يروح ما يوليش ومع انها قمة في الجمال بسبب المرض نقصت شوية ربي يشفيك حنان 😞

[@adeladala2930]

ربي يشافيها انشاء الله يارب العالمين

[@kfsnow3478]

@@adeladala2930 مرض السيلياك و القواتر goitre طنين الاذن بدون سبب و الله بلاك تتزوج تبرى شوية مي الله غالب ربي عالم متى يحين زواجها و هو الشافي العافي

[@adeladala2930]

@@kfsnow3478 ربي يشافيها ويجيبلها مكتوبها انشاء الله يارب العالمين

[@kfsnow3478]

@@adeladala2930 اللهم اممممين يا رب

[@nour534]

@@adeladala2930 تكتب ان شاء الله يارب العالمين وليس إنشاء يرجى التصحيح من فضلك

[@aminabouchema5349]

شحال من واحد طلق مرتو كي مرضت😢،لكن مازال ماسمعتش بوحدة خلات راجلها كي مرض

[@miloudaliaoui5213]

ولعكس انا شفت رجال وقفو مع نساهم

[@aminabouchema5349]

@@miloudaliaoui5213 اقلية يا اخي. صح انا نعرف راجل وهو صديق العائلة، مرتو مسكينة مرضت و كان يحبها. كي يهدر عليها ماشي باسمها، يقول:لعزيزة. وقف معاها وجرا عليها، لكن الله اخذ امنتو. حزن عليها حزن كبير.

[@moulaymoulay1125]

بصح ماشفتيش لهربت عند العراقي وخلات ولادها الجزائرية الحلابة لحاسة المشارقة وحاشا الجزائريات الحرات

[@aminabouchema5349]

@رجل ألفا انا في محيطي ماشفتش امرءة خلات راجلها كي مرض. نعرف وحدة الله يضكرها بالخير، كانت هي بنفسها تعتني بيه، حتى ولادها مخلاتهمش. قالتلي عيب يكشفو الحرم على باباهم. اذا انت عرفت كاش وحدة رمات زوجها كي مرض، هذيك حاجة اخري.

[@aminabouchema5349]

@رجل ألفا ربي يهديها،هذا واش يقول الواحد. و كما تدين، تدان.

[@امريحانة-ث4ص]

أنا ماستغربتش من ولاد بلادي حنا الجزائريين معروفين بالرجلة ونقاوة القلب هذي صفة فينا وحتى واحد مايقدر ينكرها جزائرية وافتخر 🇩🇿🇩🇿🇩🇿🇩🇿♥♥♥♥

[@mataor.o_z3421]

وجزائرية واش قالت في اخير منقدرش نتحمل مسؤولية باش تعرفو برك الفرق وين شايفة روحها

[@امريحانة-ث4ص]

@@mataor.o_z3421 وأنا شادخلني فيها بصح صدقني مشي ڨاع النسا يخموا كيفها وكل واحد ربي يعطيه على حساب نيته

[@mataor.o_z3421]

@@امريحانة-ث4ص على حساب نية مشكلة راهم يتزوجو غير وبقاو غير . .. بنات اصل ميبانوش دوماج وهذي تمثل فئة كبيرة من بنات تاع هذا وقت عندي صحبي مسكين كان متزوج معاها نورماال قدر الله مرض مرض نفسي ولات عندو خلعة ومشاكل نفسية وسواس مرض وموت المهم امر نفسي وعندو معاها طفلة مقدرتش تصبر معاها طلقاتو من تم تأكدت بلي مرأة تاع هذا وقت والله متصبر معاك في مرضك وحالتك بل عكس كان قريب يبرا بدا يعالج مسكين روحو كطلقاتو زادت عليه جاتو شوك ياااااازح يبكي بشهقة قدامي عرفتوا فايسبوك برك سيد يبكي بشهقة متقوليليش ...ديجا راني نحكي فيها وقلبي تزير مكانش ثقة فيكم والله متسعى كذب وهدرة فارغة ..راجل يهدر باسكو يقدر رجال ترباو على لمحان ويصبر ويصاكريفي باسكو راجل يقدر يصبر مع مرتو مهوش ضعيف بصح مرأة ضعيفة وتخاف وكلش لقدر كشما يصرالك. تليكدك متقدرش تخاف وزيد تضرح سورتو جيل تاع دك تضرح حتى طيب ولا تنظف ولا دير أمور دارها تحوسي تصبر على واحد مريض خيلنا ساكتين مشكلة اغلب نساء في هدرة واحد ميقدرلهم لا في لللفعل ربي يجيب لتخون ربي و دينها واش تستناي منها

[@قناةأمهيام-ف9ل]

أدخلي عندي عاوني بنت بلادك الله يحفضك

[@امريحانة-ث4ص]

@@mataor.o_z3421 ربي يهدينا ويهديهم وربي يجيب الخير خويا العزيز هذا ماكان

[@tajsirine3755]

مكانش في هاد الوقت انسان مراهش مريض و لي مشي مريض في صحته مريض من عقله الزواج مكتوب ،انا كنت صحيحة مبيا والو من بعد الزواج را عندي 3 امراض مزمنة و مشي زوجي هو لي مرضني ،،الله سبحانه ابتلاني و الحمد لله

[@AyaAya-dr9hd]

ربي يشفيك ويعافيك انشالله

[@abdelmadjid4726]

والله غير صح كما قلتي ربي يشافيك و يعافيك يارب ويشافي جميع مرضى المسلمين ويعافينا يارب

[@moundermounder1971]

راني نفس حكايتك بصح الضغوطات لمرضتني برغم من انه ابتلأء من الله

[@katalia3241]

لعباد هي الي تمرض بنادم تجيب ليه الامراض نفسية ولعقلية وتولي ليه على صحته اما المرض الي يجي من عند ربي يجي ويروح بصح لعباد هي سبب في اغلب الاحيان هداك المرض نفسي الي يعيشه لواحد يتكون ليه مرض عضوي .

[@BestAdam-tl9mn]

اقسم بالله يا اختي كلامك صحيح

[@naghoo]

انا ماما و بابا عشرة 30 سنة جاها سرطان وقف معاها ابي يبكي ليل نهار عام موراها جاه شلل ميمشيش امي ب 4 عمليات ترفدو و تغسلو و عمرها ما قالت عييت 4 سنوات غير ما ماتت ربي يرحمها و يرزقنا الجنة خلاتنا فارغين و الاب تاعي مازالو يبكي حالتو تشف

[@monsouur1955]

ربي يصبركم . و يشفيه و نتوما ربي يقدركم و توقفو معاه . هاذا أب يستاهل كل خير من اولادو قبل الناس . خاطر شفتوا الرجولة نتاعو مع يماكم. إذن اقفوا معاه و كونوا رجال ونسا. هاذا مثال للرجل الحقيقي.

[@lilyanouritanourita5334]

😓😓😓😓😓😓😓

[@rachadjahafi2110]

Rabi ysbrkom w ychafi Babak inchlh

[@asmaasma9157]

ربي يشافي باباك ويرحم يماك ان شاء الله

[@didindidio8606]

ربي يرحمها ويوسع عليها ويجعلها من اهل الجنة ويشافي الاب ويعافيه اللهم امين

[@girlibti3587]

انا عندي اعاقة حركية واللي يعرف بمرضي يسمح فيا وكاين حتى اللي يعايروني ويقولولي انتي ماتتزوجيش😭😭 ربي يهدي ماخلق وربي يشافيني ويشافي قاع المرضى. اللي يفوت على تعليقي يدعيلي نلقا ولد حلال يقبل بيا كيما هكا. متمنية ندير اسرة كيما قاع الناس🙏💔💔💔💔🤲🤲🤲🤲🤲🤲🤲🤲🤲

[@ابنجزائر-ح6ش]

صارت لي إنسان نعرفوا كان راح يتزوج مع واحدة دار أكسيدون قريب ماممات طبيب قالوا سلكت من موت بصح قادر ماتزيدش تمشي على رجليك نديرولك عملية بصح بنسبة كبيرة ماتنجحش نهار لي رايح دير عملية عيطتلوا لي كان خطبها قاتلوا مانقدرش نكمل معاك ونحبسوا الرجل تحطم معنويا مورها دار عملية جراحية وربي سبحانوا شفاه نهار لي وقف على رجليه ولا يبكي ورجع يخدم عادي وعاود شاف واحدة زوج معاها وربي رزقوا بالطفلة الخلاصة شي هذا قادر يصرا للمرأة والرجل مانحكموش غير على رجل أختي

[@samaraloli9661]

الله يشافيك ويعافيك ويطيل عمرك ويحفظك ويحقق مرادك ويبشرك بأمنياتك ويكرمك بكرمه ويوفقك ويرزقك أعلى الدرجات في الدنيا والاخرة ويرزقك الزوج الصالح ويجعله قرة عينك ويجعلك قرة عينه ويخليكم لبعض ويسعدكم ويهنيكم ويطيل عمركم ويرزقكم الذرية الصالحة اللهم امين يارب العالمين

[@fatimafettah]

ربي ياشفيك نشءااله ختي❤❤

[@Yagoubinabil]

ربي يحميك يارب وي يعطيك ماتتمنا يارب اخواك من تونس

[@صونيا-ه3خ]

يختي هذا لمجتمع داير هك انا مريضة برك من يدي شويا ويقلولي هذا لكلام وانا معلاباليش كامل بيهم ومبهمنبش زواج ودك راني نقرا وحمدولله وراني في لفاك ونعاود في لباك ادعولي ننجح

[@atsisi751]

يا خاوتي شحال نحب ولاد بلادي فيهم كل الصفات و حتى الرومانسية تاعهم مختلفة.وفي وقت الصح ينفذو ماشي هدرة برك رجلة ونيف ربي يحميهم و يخليلي راجلي تاج راسي

[@anisparisien]

واه سماتي واه 😂شوفي نساء تاع دروك يحبو لمادة ولمادة ولبراني🤦‍♂️😭🤣😭 🤦‍♂️🤣

[@dinizkizi7599]

@@anisparisien ها خويا شكون ميحبش الدراهم الرسول صلى الله عليهم وسلم وقال اعوذ بالله من الفقر ادعي ربي يرزقنا اخي ماشي تبقاو تهدرو هكا مع كل احترامي ليك اخي 🙏🥺

[@anisparisien]

@@dinizkizi7599 كلامك خطأ مع أحترامتنا أنا منحبش أنسان علي جال دراهم او سيارته او حمد لله ياربي الفقر أو راس في سما ماناش مخلوعين او مايخلعوناش دراهم باصكو نحمدو ربي نهار لي نشوفو ضو ماشي نحلو فامنا ونجرو مورا صحاب دراهم معا أحترامي ليك انا عطيت رأي واقع فقط ولا تبغو ليكذب هاذيك حاجة أخري

[@anisparisien]

@@dinizkizi7599 أنا نحب دراهم نديرهم لروحي نرسيكي بروحي علا جالهم يالوكان نموت علا جالهم ماشي قاعد في دار او نقارع فارس أحلام مليونير راني زايد في الجزاءر ماشي باريس او راني علا كلا طرفين راجل أو أمرأة بلاتوسويس مع أحترامتنا

[@atsisi751]

@@anisparisien هههه انا من لجيل تاع ضرك والحمدالله ديت راجلي على قيسو وضرك راهو لاباس بيه ربح علي ههههه و ماشي الناس ڨاع كيفكيف وربي يكمل لكل واحد(ة) ناوي لحلال بلا طمع

[@sandydz2468]

*كاين لي تزوج بيها لاباس عليها وكي مرضت رماها وطلقها وهذي صرات صح... والحمد لله تعليقات البعض ترفع المعنويات مازال كاين الخير*

[@sandydz2468]

@@fod9121 جامي المراة تسمح في رجلها غير هذي مكانش منها والله ترفدو على الحلوة والمرة كاينين بنات الفاميليا متحسبش انقرضو والله رانا نشوفو فيهم

[@sandydz2468]

@@fod9121 والله مازال كاين وكي نقولك صح مازال بنات الفاميليا

[@rourou7493]

هذو خراطين ميحبوش يطيحو بروحهم ...لديهم التمثيل رايع

[@marwasousou4931]

انا وحدة من ناس صراتلي وحمد الله على كلش

[@sandydz2468]

@@marwasousou4931 الحمد لله ربي يفرج عليك حنونة تاكدي ان بعد كل عسر يسر ربي يكون معاك

[@حلوياتومملحاتنينا]

انا عندي مرض الصرع و ميكروب في المخ و مشالي مع العمود الفقري و ربي رزقني براجل ما شاء الله عليه من اول يوم نوينا مع بعض صارحتو و حمد لله توجور واقف معايا في كلشي ربي يسهلي معاه و يجمعنا في الحلال إن شاء الله 😢😢😢 كنت ليه سند حمد لله لقاني في الشدة و لقيتو في كلشي و ربي يجمع المتحابين في الحلال يا رب 💗💗💗

[@Yagoubinabil]

ربي يحميك ويشفيك يارب اخواك من تونس ❤

[@successfulworld1620]

نقولكم الصح لمريضة لي يرفدها صحصح هو امها وخاوتها اما الزوج قليل وين لا كان اصيل و فيدال ربي يعافينا ويكون فعون لمرضى بسك صعيب لحال عليهم

[@الشابالمتفائل]

خالي مرضت مرتو خسر عليها خمس مية مليون ونهار توفات بكى عليها تقولي مرا راها تبكي ميش راجل . وماجا يتزوج غير بالسيف

[@azzenben5449]

في بلادنا الرجل أوفى من المرأة بشهادة الجميع يضحي بكل شئ على جال مرته . و دليل على كلامي حالات الخلع كي مايبغيش يطلق هي ديرله خلع وتغبنه فلمحاكم

[@koko12mounib44]

مكانش منها ينفعك غير ربي سبحانه

[@ys_ts]

مكاش منها نعرف وحدا مرضت بنتها بلكنسير كجي ضيفة دفوا تسحق حوايج يماها ولله متحب كتلبسهم ومرة جات تسلم عليها قالتها تعديني تتمسخري ولله كاين أمهات مشاء الله كيما كاين أزواج نعمة ولعكس صحيح ربي يهدينا

[@asmalona1159]

انا عندي 15 سنة ملي مرضت بالسكر ودوكا في عمري 21 سنة صح نسمع بزاااااف كلام يجرح منها متتزوجيش الا تزوجت راه يكون عندي مشاكل وولادي يخرجو مراض وبزاف كلام والحمد لله انا ثقتي بربي كبيرة وراني مخطوبة ادعولي ربي يكملي بلخير

[@karimakhelif1911]

ان شاء الله ربي يكملك ختي ويشافيك

[@مديحهالباتنية]

انشاء الله يااارب 🤲

[@ujfdugfhjff3664]

الله يشفيك

[@asmalona1159]

@@karimakhelif1911 ان شاء الله ربي يحفظك اختي

[@asmalona1159]

@@مديحهالباتنية ان شاءالله حفظك اختي

[@amamrasamah6420]

نعرف وحدة حبها شاب وحباتو وكي خطبها مرض بالسرطان قالولها بطلي منو وما حبتش تسمح فيه وتزوجت بيه وجابت طفل وهو برا من المرض ديالو وراهم لاباس ربي يهنيهم ربي كي يكتبلك حاجة واحد ما ينحيهالك

[@laviesimpllaviesimpl5730]

تحية كبيييييييييرة للرجال تع الصح ماشي أشباه الرجال لأن الصحة . ماضمنها حتى واحد . ربي يجيب الشفاء لكل مريض

[@noursalam-e7v]

ssaddakti allahoma amin

[@DZ-qw7jl]

والله نصفكم كذابين ، مهما تكون متزوج وعندك معاها ولاد وكون تمرض تسمح فيها ولا تعاود الزواج 🥺

[@Zakaria_v69]

ماشي كامل كيف كيف اوكي

[@kenzadoctorante]

ايه غير الهدرة ما بيهم والو و سمحو فيهم فما بالك مريضة مستحيل

[@Zakaria_v69]

@@kenzadoctorante ياودي وشبيك !! حتى حنا تاني نقولو مكاش بنات فيدال وكلهم تاع مادة ويموتو على تخلاط صفا هكدا !!

[@hasnihasni6099]

@@kenzadoctorante مش محتومين غير يهدرو و خلاص و شفنا هاك و هاك و شايفين و شايفات هاذوك ل ما سمحو في زوجاتهم المريضات و المقعدات 😏 علاه تحكمو غير على هاذوك الحالات.. ?!

[@DZ-qw7jl]

@@هبةالرحمان-م2غ ربي يفرج على ختي 🤲 ربي يعوضك بسيد الرجال لي يعرف بقيمتك ☺️

[@AminAmin-zu2vz]

كنت متزوجة وطلعلي الضغط من المشاكل الزوجية روحت لطبيب اعطاني الدواء الضغط اهل زوجي بدأو يضحكون عليا 😢😢😢

[@chaimachaima5405]

ربي يشفيك اختي و ما تعمريش راسك بيهم صحتك اولى

[@AminAmin-zu2vz]

ربي يجبر بخاطرك

[@marguerite_21]

ربي يشفيك حذاري تمرض روحك بهم لانهم حمقى! معلابالهمش هوما وقتاه يطيح فيهم المرض

[@AminAmin-zu2vz]

@@marguerite_21 ربي يحفظك

[@salsabilromaysa2756]

علاش يضحكو الشعب الجزائري اغلبه عندو الضغط علابالك مقلقين عادي جدا جدا

[@amellareine3358]

كانت نظرة سيىءة على مجتمعنا وشبابنا لكثرة الغدر والخيانات لكن بعد ماشفت هاد الفيديو بكيت وبكيت من قلبي...ربي يحفظ شبابنا. حياة من غير حب واحساس ليست بحياة

[@wafaaouzaa7451]

انا ماما مع بابا عشرة 40عام ومين جاها مرض سرطان سمح فيها و خدعها ......💔🥺

[@foofo326]

ربي يشفيها وتلقاها عند ربي سبحانو وباباك ربي يسامحوا

[@wafaaouzaa7451]

@@foofo326 اللهم أمين

[@kenzakanza2509]

سمحيلي باباك شبه رجل

[@daniadania7775]

هو ضمن روحو ميمرضش ؟

[@wafaaouzaa7451]

@@daniadania7775 بابا مرض وماما كانت معاه حتى تالى بصح هو ... الله يهديه 💔🥺

[@elghaliague380]

رانا بصحتنا حمد لله ويجبدو فيك مليون عيب وعيب ، أما المرض ابتلاء من ربي سبحانو مكاش لي ضامن يقعد بصحتو ربي يشفي جميع المرضى يارب ويرزقهم ويفرحهم

[@أمنوحللمقاطعالدينية]

🌺وحدة من الفاميليا....عندها 18..سنة..وشابة وعاقلة....وزايدة بكلية وحدة بصح معندها حتى مشاكل ماطيح ما تمرض والحمد لله كل مرة يجوا يخطبوها......ومين يقْولولهم سبب يروحوا مايولوش....جا خطبها واحد مطلق...وكبير ..قبل بيها وقبلت بيه خافت مسكينة مكايش ليديها....ودروك راها مخطوبة.....وربي يكمللها بالخير وعقبال كل البنات 🤲

[@ahmeddellys7390]

الي كنش وحدة شوفيهالي

[@hichemhichaaam1154]

عندي بنت خالتي بكلية وحدة زوجت وأدت 5 اطفال ولا مرة مرضت ولا طاحت حتى أنهم اكتشفوا الأمر بعد مدة طويلة لسبب آخر هي الآن سنها 52 كي قالها الطبيب عندك كلية وحدة ما صدقتوش .يعني الإنسان يعيش بكلية وحدة عادي .والله غيضتني الطفلة هادي على العموم مبروك عليها الخيرة فيما اختاره الله لها .

[@أممحمد-ي2ر3ه]

بابا عندو كلية وحدة وعاش حياتو بصحة جيدة عمرو ثلاثة وسبعون سنة.

[@hazalzoula1122]

جهلاء نورمال كلية وحدة وش كلية وش 2 ناس عاشت بيها حياتها كاملة كن صبرت والله تلقي لي يحبها لازم ما تيأسش

[@أممحمد-ي2ر3ه]

@@hazalzoula1122 عندك الحق 18سنة مازالت صغيرة بزاف خلقهم ربي بكلية وحدة بابا واحد منهم عاش حياة طبيعية وكان يعمل ماصو يعني خدمة ثقيلة و صحتو مليحة ربي يطول في عمرو.

[@فلةفتح]

42سنة عندي سكري ادعولي ربي يفرج عليا ونفرح كيما كامل لبنات

[@mahrezdaoui8820]

ربي يفتح عليك ختيتو الثقة في الله وطاعة الله ربي يفتح عليك ان شاء الله

[@imadmilano4693]

ربي يرزقك بولد لحلال

[@sahnonyassine8169]

ربي يشفيك بإذن الله❤️

[@ابتهالجهاد-د2ب]

ربي يشفيك ويعافيك يارب 😄😊💔

[@mademoumelbanet2872]

ربي فرج عليك أختي ويعطيك ماتتمناي

[@khadijamorabih9933]

انا مغربية احب الشعب الجزائري كتيرا❤❤❤

[@oursoum6370]

انت اختنا في الله مرحبا بك في بلادك...

[@mahrezdaoui8820]

مشكورة اختي

[@amareamare8950]

وكل لكي الإحترام مغربية🤗🤗🤗

[@nounanouna2194]

وحدة فاميلتي قبل لعقد تاعها مع خطيبها ظهر عندو سرطان الدم اللوكيميا ه صارحها وقالها الا حبيتي حبسي معايا بصح هي كملت معاه ودارو عرسهم وبعد 4 أشهر توفى الله يرحمو وهي ربي يعوضها ان شاء الله 💔

[@zizolite7210]

ان شاء الله

[@زهرةالبحيرة]

ربي يرحموا و هيا ربي يعوضها ان شاء الله

[@nadianaj7861]

الله يرحمه

[@bushrayusuf9529]

امرأة فحلة ماشاء الله. .الله يرحمه

[@abranisdz34]

في أي جهة هذه من فضلك

[@ezzahi3290]

المشكل وين راهو انا عندي الزوجة عندها مرض مزمن (السكري) و عايش معاها و عندي دراري معاها و ربي يدومها محبه ....انا راني رافدها و كي نطيح غير هي لي تلقاها في كتافي

[@ayaayouta6893]

كي كنت بنت كنت لباس عليا وكي تزوجت حكمني مرض مزمن زوجي. هو السبب ربي ياخد فيه الحق حسبنا الله ونعم الوكيل فيه

[@samirbjawi3975]

والله يا ختي جينا صحاح من دار والدينا كوصلنا ليهم كل حاجة طاحت علينا بسبب إهمال الرجل بسبب القساوة في الكلام الجارح وعدم اللمبلاة ربي معنا

[@ayaayouta6893]

@@samirbjawi3975 ربي يصلح الحال

[@mhd8415]

وأنا كنت صحيح وهي مريضة وجامي سمحت فيها شغال دار وكنت نديرهم على جالها ومام نجي عاي من لخدمة وتحملتها شحال من عام وفلاخر كي مرضت أنا بسباب الضغوط لي فاتت عليا معاها سمحت فيا وقاتلي طلقني وخلاتني وحدي مام يتيم وعايش وحدي ودرك أني نبكي على صحتي لي ضاعت معاها فالباطل وكرهت كل نسااا

[@ninaaakarina5904]

سلام عليكم خوتي خوتاتي دعولي ربي يرزقني الذريه الصالحه قلبي رآه محروق ربي يحفظكم ويسعدكم أنا اختكم في لله

[@نوراليقين-ن9ذ]

ربي يرزقك الذرية الصالحة عاجلا

[@ahmeddellys7390]

الله يرزقك ان شاء الله

[@mohamedlaminlamin9500]

ربي يرزقك ويرزقك كل محروم من اذرية 🤲

[@AmelAmel-hi3nb]

ترددت باش نشوف الحصة لاكن، اجوبتكم أثلجت قلبي مشاء الله على ولاد بلادي نرفعوا رؤوسنا بيكم قدام لجناس

[@noursalam-e7v]

ssaddaktti

[@SaraSarour]

حمد لله يا ربي كاين رجال فحولة ، بكيت من قلبي من شفتهم انا معاقة حركيا و الحمد لله راضية بقسمة انا ربي سبحانه ....و اللهم صلي و سلم على نبينا محمد وعلى اصحابه أجمعين تسليما ..... .

[@raw2813]

كثرة الصلاة على نبي بصيغة الابراهمية شفاء من أمراض اتفرجي قصص الناس على اليوتيوب

[@nour534]

ربي يشفيك عاجلا غير آجل يارب العالمين اللهم ارحمنا برحمتك الواسعة يارب العالمين

[@moulaymoulay1125]

بصح راهم يتعايرو صباح وعشية على جال مشرقي ديوث نسونجي لي الجزائرية تتملحسلو وتحلبو الحركيات وحاشا الجزائريات الحرات الشريفات العفيفات بنات الاصل و الفاميليا

[@hope-dy8ql]

طهورا إن شاء الله ربي يشافيك ويعافيك و يثقلك في ميزان حسناتك 💖

[@SaraSarour]

@@hope-dy8ql ربي يحفظك يا رب العالمين

[@saidacherahil5945]

الدنيا جد قاسية فهناك من يعايرك لمرضك ويدوس على راحك ولايبالي وإن كان أمام الناس يغدقك بالأماني الحمد لله

[@Asma-lq7tr]

انا قبل ما نتزوج كنت لباس بيا وكي تزوجت وجبت طفل حكمني ضغط الدم وانا صغيرة وزوجي حمد الله يبغيني يموت عليا ورافدني وبلعكس كي نمرض يخاف ويتقلق عليا بزااف بزاف ربي يخليهلي ويخليلي اولادي

[@samaraloli9661]

ماشاء الله الله يبارك الله يخليكم لبعض ويسعدكم ويهنيكم ويطيل عمركم ويرزقكم الذرية الصالحة ويحفظلكم اولادكم اللهم امين يارب العالمين

[@karimatibi4526]

ربي يرزقك شبابنا الزوجة الصالحة

[@محرز-ط1ي]

اميين يارب 👍

[@adeladala2930]

امين ياربي

[@وطنيوطني-ص2ف]

كلش بالقلب والمرض ابتلاء والصبر عليه أجر وإذا صبرت رزقك الله السعادة في الدارين.

[@ThePhoenixExo]

رب الممكن هو رب المستحيل... قل للشيئ كن فيكون

[@abdelmadjid4726]

صح

[@marwa3712]

انا عندي ضيقة وحساسية غلوتين والحمد لله عندي زوجي ما شاء الله ربي يحفظهولي

[@hesdifferent570]

اختي حساسية تاع الغلوتين هيا مرض سيريلاك ياك واش هو ريجيم تاعه واسكو عنده دواء ولا تعيشي جاوبيني

[@adoumaadoumabougaa1704]

@@hesdifferent570 معندوش دواء لازم رجيم و الله مرض صعيب بزاف تقولي ساهل بصح لميديرش ريجيم واعر بني راهو بيه و انا نعانيو منو او ربي يشفي الجميع

[@adoumaadoumabougaa1704]

@@hesdifferent570 لازم ياكل صون غلوتين يعني غير لحوايج تاع كبوب او ممنوع المصبرات مثل طماطم لازم غير تاع الحب حوايج طبيعيه برك لخضره مسموحه او العجاءن كاين سبيسيال تاع كبوب ساعات تلقايهم ساعات متلقايش او غاليين

[@boukhloufsami5556]

@@w_ch_w_ch7444 ربي إشافيك حبيبتي معاك إيناس من الجزائر

[@fellahinadia9825]

تعيشي مرضتي قبل الزواج ولا بعد

[@missna3565]

للأسف الشديد و بحكم عملي في مصلحة الاورام اغلب الرجال ( و ليس كلهم) يتخللاوا على نساهم بعد اصابتهم بالسرطان سواء بالطلاق او بالاهمال او عدم الانفاق على مصاريف العلاج و الاشعة ...

[@dinizkizi7599]

يا قلبي على أولاد بلادي نحبكم في الله🥺🥺🥺❤❤❤❤❤❤

[@karimbouabibsa6268]

على الراس و العين ختي العزيزة ❤❤😍

[@dinizkizi7599]

@@karimbouabibsa6268 ربي يحفظك اخي❤❤

[@MahiMahi-dk9ub]

جبتيلي الضحك

[@Abcdefg-xr5cn]

أمنتيهم؟؟

[@dinizkizi7599]

@@Abcdefg-xr5cn تحمست🤣😓

[@fatim901]

حمدلله مزال كاين قلوب حنينة

[@maitresselynda9686]

أنا ماتولي كلاويا في زوج ودرت كلية وخطيبي عرفني مريضة وقبل بيا والشهر الجاي عرسنا والله معاه حسيت بلي مانيش مريضة ربي يعطيه على حساب قلبو ويقدرني ربي ونرجعلو خيرو وإن شاء الله ربي يجازيه فالدنيا والاخرة

[@أيةأية-س2م]

ربي يشفيك

[@djameldjamel1159]

يخي سؤال تافه، يخي حتى اذا داها ماشي مريضة زعما متقدرش تمرض؟ الدنيا هاذي مواقف والصح فالقلب كي يكون مليح وصافي النية هي الصح

[@الحمدلله-ك9ث6ك]

صح

[@sonson2478]

فحولة ورجال ولاد بلادي تحية ولاد بلادي الجزائر الحبيبة

[@sdssds949]

🌹🇩🇿👍

[@hibateelrahmane4858]

بالعكس المرأة هي ألي دائما تضحي وترفد الراجل، لكن الراجل قليل وين يرفد زوجته المريضة للأسف

[@hanaaamani2935]

اللهم ارزقني الزوج الصالح الذي يعينني على أمور ديني و دنياي واجعله قرة عيني و سندي و قوتي في الحياة وارزقني معه ىالذرية الصالحة كي نذكرك كثيرا و نسبحك كثيرا انك بنا بصيرا لي و لكل من مر على تعليقي و قال امييييبن

[@hanaaamani2935]

@@Ghgh-ds6ul أمين انت بنت الحلال وانا ولد الحلال 🤭🤭

[@samaraloli9661]

اللهم امين يارب العالمين

[@rabahtikerdodar2751]

الحمد الله مزال الخير في بلادنا وولاد بلادي رجال الله يبارك

[@leperlador6335]

والله يهضرو برك صحبتي مسكينة والله كيما الوردة مريضة بالسكر لي يشوفها تعجبو يطمعوها يجيو لدار منبعد يسمعو بيها بلي مريضة مسكينة يشيخو بيها و يطيشوها مسكينة ربي يشفيها و يرزقها مع انها صغيرة ماشي كبيرة مي صراتلها مع شحال الخطيب الدنيا مكاتيب لان شعبنا بصراحة على قد حالو ميقدرش يزيد عليه المصروف ةدو تاني الرجل يكره المراة الممراضة و كل يوم في السبيطار

[@الحمدللهعلىكلحال-خ3ه1ج]

منين ختي تقدري توصلينا ليها والله أني جاد وآلله يشهد ما اقول

[@bentnnas1774]

هذاك اللي قال صحبتو ماهيش زينة كنت قادر ماتقولهاش تسمى كي تشوفك قلت هاد الهدرة كيفاه شعورها.

[@قطرةندى-ق9ض]

اها عادي المهم مقتنع بيها

[@nihadbch4455]

الشعب الجزائري بزاف حنين 💔❤🥺

[@أمتسنيم-خ6ث]

الحمد الله مرضت بالكورونا وانا في الشهر التاسع وهزني الى راجلي لقيتو في مرضي وفي شدتي ربي يحفضهولي

[@شمسالأمل-ت9ض]

الحمد الله راني صحيحة في صحتي عمري 35 مشكلتي هي أني كي كان عمري 19 روحت عند الطبيب قالي أنو رحم نتاعك توقف عن النمو يعني ميقدرش يرفد طفل من هذاك نهار وأنا نسوفري يعني عقيم برغم أنني عزباء الله يقدرني على هذي الحياة

[@fatimahanane897]

ماديرش على طبيب واحد لازم تراجعي الكثير اختي انا فان قالولي هكا بصح كي جيت لفرنسا كتاشفو العكس ما تيأسيش ربي حنين وكريم حبيبتي

[@dadoufatima7067]

زيدي شوفي اطباء والى كان هدرة صحيحة لاقدر الله ،ربي غادي يعوضك زوج صالح ،اطلبي ربي ودك سخرلك زوج صالح ان شاء الله

[@شمسالأمل-ت9ض]

@@fatimahanane897 ونعم بالله

[@شمسالأمل-ت9ض]

@@dadoufatima7067 إن شاء الله زوج صالح الله يحفضك

[@dadoufatima7067]

@@شمسالأمل-ت9ض امين ياربي

[@mimiaz6600]

انا راجلي توحمت وحم صمط قال محملتهاس و راني فطلاق ادعولي نرجع لزوجي وربي يهديه دعوة 40 غريب مستجابة

[@wezo_89]

لو ليس معدي فأنا موافق طالما طيبة القلب .. وانا لست جزائريا مع العلم

[@ninaesperansa2544]

الله يبارك حاجة مليحة هادي.

[@inesines1547]

ياعمري ولاد بلادي 😍🥺ربي يحفظهم

[@voyageauxpaysdemina8684]

اللهم ارزقنا الصحة والعافية والمعافاة الدائمة في الدين والدنيا والاخرة يا رب العالمين

[@yasm_bv8060]

اللهم امين

[@samaraloli9661]

اللهم امين يارب العالمين

[@taratiltaratil9517]

كلهم بيكذبوا عمره مالجزائري يقبل بمرض زوجته ممكن واحد بالمئة المراة ترفد الرجل لكن هو ياماشفنا يخلوهم وكاين تكون زوجته اول ماتمرض يطلقها

[@anisparisien]

مادمهم يشرطو دراهم ولمادة ويتكبرو نظن بلي كول واحد او رأيه واش يساعده ماكان لاجزاءري لا سوري لا تركيا خخخخخخ

[@kimokiki6382]

تجرحت ياسر بسبب مرض السكر والحمد لله هوا الذي ابتلاني وانا راضية بكل حاجة ته ربي

[@HichamHicham-cf1sn]

أقسم بالله العظيم أنا الجزائر تحمل أعظم الرجال

[@SaraSara-wt3jn]

الحمدلله لكاين ناس الخير انا عندي ثقب في القلب 😔💔 وللاسف ليتقدم لخطبتي نصارحو يروح ميوليش يقلي منقدرش نعيش معاك كليوم فسبيطار والحمدلله على كل حال وقل لايصيبنا الا ماكتبه الله لنا😞

[@ritajritaj4926]

ربي يشفيك 😢 وربي يصلح احوالك وامورك ويهدي سرك وبالك ان شاء الله

[@djameldjamel1159]

هدروا كامل رجال مع اللخر هدرت مرا وعماتلها جدها الحلوف هاذي كون تتزوج بواحد لاباس بيه فصحتو ويصرالو حادث ولا مرض تسمح فيه وتروح، بصح ربي مايظلمش وراح يعطي كل واحد على حساب قلبو

[@αια-ψ3ε]

Hhh

[@ALGERIENMAN]

صحيح تسمح فيه من اول محطة

[@αια-ψ3ε]

@@ALGERIENMAN rajale kifkike yassemahe fiha oui où non ?

[@ThePhoenixExo]

صح. للأسف و هي تقول شي عندها علم الغيب انها مراحش تمرض

[@AnasAnas-fq7uz]

راك تشوف حشمت بيها

[@siliasisi1236]

الشباب الجزائري اليوم يحوسو على قوريات و الفتاة الجزائرية تحوس على رجل غني أو يسكن في فرنسا او دولة أوروبية. مابقى زواج في البلاد هذه بسبب صعوبة المعيشة و صعوبة المعيشة من الاسباب الرئيسية لمشكل الطلاق.

[@sidahmed3113]

مزية ستعرفتو بلي نتوما تع مادة و مظاهر

[@bilbane8834]

نحب الناس ليهدرو الحقيقة المرة عوض الاكاذيب المفرحة

[@αια-ψ3ε]

@@fod9121 🙄

[@fadumosaeed7015]

I dont know what you mean about kouriyat but I dont ur I translate in ur comment english the main thing is as long he prayers 5 times a day , respect his parent and he loves that is most important in life , money it just enjoy for a moment and the love keep going why will they divorce money ? That is so stupid

[@anisparisien]

خخخخخ😂🤣😭😂 بدموع لي يهدر هكا اذا طارلو لمنتوج لوطني راه مليح🤦‍♂️🤦‍♂️😂🤣

[@nadouchbensma303]

صحيتو لي زازووم ربي يحفضكم ويفرحكم ببنات صالحات وفحلات اني عندي زوج امراض مزمنة مي ميش دونجي بزاف و حبيبي قابل عادي جدا وانا ثاني فحلة معاه و صابرة عليه ربي يحفضهوووولييي و يرزقنا بعضانا ان شا الله عاجلا غير ااجل يارب

[@hadilrima8971]

تحية لاولاد بلادي

[@anisparisien]

قولي ولله خخخخخخخ🤦‍♂️😂😭🤦‍♂️

[@safikhalem3622]

اقسم بالله الشعب الجزئري تاعنا شعب وحدو ربي يحفظ بلادنا جيشها وشعبها

[@metarfeffarid9119]

اللهم صلي وسلم على سيدنا محمد وعلى آله وصحبه أجمعين 🌹

[@nour534]

تكتب اللهم صل وليس صلي. اللهم صل وسلم وبارك على سيدنا محمد وعلى آله وصحبه وسلم تسليما كثيرا السلام عليك يا رسول الله ياحبيب الله ياشفيعنا ياقرة اعيننا يوم القيامة اللهم ارحمنا برحمتك الواسعة يارب العالمين

[@sihambenmensour4098]

Vraiment je suis fière de vous ❤️❤️❤️❤️❤️❤️❤️❤️❤️ les hommes ellah yahmikoum mel Ain 👍

[@omiomi8068]

يحياو ولاد بلادي الرجلة نتاع الصح الحمد لله لي انا جزائرية يلا مت نموت وانا هانية من جهة بنتي السكرية

[@djazairi7or]

يا ودي غير قدام الكاميرات إلا من رحم ربي جارتي مسكينة كان خاطبها واحد وكانت رايحة مع خوها باه تشري وتكمل جهازها صرالهم حادث مرور مساكن خوها فقد رجل وهي فقدت رجلين بعد الحادث بشهرين فسخ خطبته رانا قلنا إلا من رحم ربي ☝️

[@kenzakanza2509]

صدقت الصراحة سيدة الموقف

[@hosineziane6694]

صارت لي إنسان نعرفوا كان راح يتزوج مع واحدة دار أكسيدون قريب ماممات طبيب قالوا سلكت من موت بصح قادر ماتزيدش تمشي على رجليك نديرولك عملية بصح بنسبة كبيرة ماتنجحش نهار لي رايح دير عملية عيطتلوا لي كان خطبها قاتلوا مانقدرش نكمل معاك ونحبسوا الرجل تحطم معنويا مورها دار عملية جراحية وربي سبحانوا شفاه نهار لي وقف على رجليه ولا يبكي ورجع يخدم عادي وعاود شاف واحدة زوج معاها وربي رزقوا بالطفلة الخلاصة شي هذا قادر يصرا للمرأة والرجل مانحكموش غير على رجل أختي

[@soussoulabrune2788]

@@hosineziane6694 هذي لقصة شحال توشاتني 😩😩😩😵

[@Ssarsora]

@@soussoulabrune2788 شوف اسيدي

[@soussoulabrune2788]

@@Ssarsora علاه انا ماشي بنادم وما عنديش قلب.....؟؟

[@حبيلله-ظ5ذ]

راجل مايمرضش هو صوليد و مايدير لا أخطاء في حياتو مايدير والو هو ملاك ربي يحاسب غير المرأة مايحاسبش راجل و غير المرأة لي تمرض و فيها و فيها ياو كامل عباد ربي يمرضو و كامل فينا عيوب كي المرأة كي راجل و هاذي تاع ماتديش وحدة مريضة بمرض مزمن و تضحك عليها تأكد بلي دنيا دوارة كما تدين تدان كيما رفضت بنت الناس على جال مريضة راح يجي نهار و تمرض و تحس واش كانت تحس و واش نجرحت في حياتها تقولو نحوسو عليها بنت فاميليا و نتوما تشرطو ندي وحدة شابة و ندي وحدة صحيحة ماهيش مريضة هاذا عندي انا مانسميهش راجل صفة رجلية ماتسعاش فيه راجل تاع صح مايتشرطش على بنت فاميليا و يتقبلها كيما راهي تأكدوا من حاجة وحدة برك لي هي كما تدين تدان كيما دير يدلك ربي

[@mehamedkadhi5161]

المشكل رجل كي يدي وحدة صحيحة كي تمرض ميداويهاش مشي حتى لي مريضة يقبل بيها

[@hadil8422]

يسلم فمك، هدرتي لي في راسي

[@حبيلله-ظ5ذ]

@@mehamedkadhi5161 والله صح عندك الحق ربي يهديهم و يهدينا آجمعين

[@حبيلله-ظ5ذ]

@@hadil8422 الله يسلمك تعيشي ربي يحفظك و يخليك

[@hadil8422]

@@حبيلله-ظ5ذ عندك حق و الله، الذكور هاذو بالنسبة ليهم وشيه، انا ما فهمتش هوما عايشين بقاعدة الراجل ما يعيبه والو علابيهاحنا البنات كارهين حياتنا بسبة الافكار التافهة هاذي

[@nabilamohamed3836]

اذا تلاقو قلب صادق يحبكم حافظوا عليه مهما كانت وضعيتو

[@hennichewissal4131]

صحبتي تزوجت مع واحد مقعد و ربي يكمللها بلخير عندها طفل و الثاني فطريق

[@charihanezaza7725]

والله طلعولي مورالي وعرفت صح كاين رجال تاع الصح انا ثاني معاقة بسبب حادث ونتمنى نلقى ولد حلال لي يقبل بحالتي

[@nawalnour6697]

انا كنت لاباس عليا وفي سن 17طحت وصرالي كسر في لحوض ووليت عرجاء ماسمحش فيا وتزوجنا وجبت زوج ولاد وجرا بيا ودرت عمليات جراحية ودرت ورك اصطناعي في الايمن والايسر وليوم راني نتمشى نورمال ونخدم ولدي لكبير يقرأ ثالثة ابتدائي وصغير تحضيري ربي يلاقيك بولد الحلال أن شاء الله

[@monsouur1955]

@@nawalnour6697 قصتك تليق فليم....بالاك الرجال لي قلبهم حجر يحن شوية على نساهم . ربي يخليكم لبعض...و يهنيكم.

[@monsouur1955]

اكثري الاستغفار والصلاة على النبي . ربي يرزقك راجل بأتم معنى الكلمة.

[@nawalnour6697]

@@monsouur1955 امين شكرا ربي يهنيك

[@charihanezaza7725]

@@nawalnour6697 امين يارب ربي يحفظك ويشفينا كامل

[@sonamomo5572]

ربي يخليك حب قلبي روحي و حياتي انشاء الله نوقف معاه لاخر دقيقة في حياتي نطيح معاه و نوقف معاه و ربي يجمعنا قريب عرسنا ادعولنا و لكم بالمثل اخوتي و اخواتي وربي يجمع كل متحابين و مغلطش لي قال المهم نية صافية مع ربي سبحانو و حمد الله

[@nour534]

تكتب ان شاء الله يارب العالمين وليس إنشاء. ربي يجمع شملكم عاجلا غير آجل يارب العالمين اللهم ارحمنا برحمتك الواسعة يارب العالمين

[@mecasma9856]

خرطي عندي صحبتي عندها السكر برك وهي مشاء الله من كلشي لي يقولولي شوفيلنا طفلة للزواج نشوفهالهم نقللهم برك مريضة بسكر يقولي لالا

[@larbi25]

ربي يشافي منين الأخت نقدر تتواصل معاها ممكن يكون المكتوب لعلا وعسا

[@hazalzoula1122]

كاين لي يهدروا برك و في الواقع والله ما يدوهم .

[@feryaloubdk9755]

ربي يبارك فيكم ما شاء الله عليكم ولاد بلادي

[@dadadado8742]

مايقبلش انا مريضة وعندي اعاقة 50 %وجزت عليها ماكاش الي يحبها ونساو بلي ربي هو الي يمد اامرض

[@عبداللهمساهل-ش1و]

أختي الله معك أي إعاقة قولي لي

[@nadjonadjet5225]

انا راجلي كي عرفتو معندو والو لا خدمة لا سكنةلا طونوبيل ..وراح حراق لفرنسا عشر سنين حتى دار كوارطو وحبط وخطبني وتزوجنا ودك عندنا زوج بنات ومقدرش يطلعني يجي عندي كل ربعة شهور ومزال معندنا دار وكي جات الكوروونا ولدت بنتي وحدي خاطر مقدرش يحبط وللدك مزال مشافها راهي عام ونص قي عمرها يشوفها غير في التلفون ...وزاد طاح مريض شدو سرطان وراهو وحدو راني محروقة عليه راني نجري مع الكوارط بلاك يطلعوني عندو ادعولي خاوتي يسهلولي الاجراءات ..والحمدالله نحبو ويحبني وقف معايا راجل كي كان بصحتو ولازم نوقف معاه مرا فحلة في محنتو ...ادعولو ربي يشفيه ويجمعنا عاجلا غير اجلا يااااارب

[@madinamakkah4794]

ربي يفرج عليك اختي وربي يشفيه ويجمعكم في ساعة خير وفي ظروف زينة ان شاء الله.

[@وسيلةوسيلة-و8ض]

ربي يشفيه ويعافيه

[@raw2813]

وصيه بكثرة الصلاة على نبي بصيغة الابراهمية شفاء من أمراض حتي سرطان اتفرجي قصص الناس على اليوتيوب

[@nadjonadjet5225]

@@وسيلةوسيلة-و8ض امييين ياارب الله يحفظكم ختي

[@nadjonadjet5225]

@@raw2813 شكرا لكم ساعمل بها باذن الله بارك الله فيكم وجعلها في ميزان حسناتكم

[@faidaboutaleb6026]

انا مريضة وزوجى رفدنى الله يعطيه الخير والفردوس الاعلى عندنا طفلين ولحد الان ما نكرنيش ومعاوني بزاف مع العلم مرضي صعيب فشل كلوي واغسل ثلاث مرات فى الاسبوع اتعبنا نفسيا لكن ربى قوانا على المرض وضرك نو مال متقسمين كلشي مع بعض ردني اسعد انسانة روح للمستشفى وانا فرحانة ونجي وانافرحانة رغم التعب ومقسرش معايا ربى يحفظه من كل سوإ

[@fatimahanane897]

ربي يحفضولك ويشافيك اختي مزالو كاين رجال وولاد الفميلا انا كنت نخدم الميناج في فرع الدياليز واكثريتهم نساء مطلقات. وطلقوهم على خاطر المرض ولكن فان كاين نساء كيفك الحمد لله ربي سخرلك راجل هكا نتيا فان تهلاي فيه حبببتي

[@faidaboutaleb6026]

@@fatimahanane897 شكرا حبيبتي انا رانى دايراته فى عينية وربى يفرحك

[@faidaboutaleb6026]

@@fatimahanane897 شكرا حبيبتي انا رانى دايراته فى عينية وربى يفرحك

[@fatimahanane897]

@@faidaboutaleb6026 ندعيلك من قلبي اختي ربي يشافيك نعرف حتى مرضا كانو عندنا لي راحو لفرنسا ودارو كلوة سي زهرك حبيبتي حجا ما هيش بعيدة على ربي

[@afnanemohammed5733]

الله يشفيك شفاء لا يغادر سقما

[@nabilakermad4970]

هذا هم ولادى بلادي ربي يحفظكم ويسعدكم يارب العالمين لكم من كل تحية

[@home1431]

المرض ابتلاء من الله يصيب اي انسان وقد يصيبك اخي ولم تجد غير زوجتك تساعدك ان كانت صالحة

[@IkramIkram-ef9th]

مكاش منها في الواقع انا ليخطبني نقولوا مريضة يقولي كلشي بالمكتوب ربي يشفيني ويشفي جميع المرضى يارب

[@larbi9086]

وش عندك مرض طهور ان شاءالله

[@BaBa-pr4ed]

أنا كنت بصحتي قبل زواج كي ولدت وليدي أول مرضت تبدل زوجي خاني مع مرةفي عمرها خمسين وأنا فلعشرين داري فيها منكر ياخوتي أعولي ربي يفرج عليا

[@عيسىمعزوزي-ب3ف]

ربي يفرج عليك اختي ويفرحك

[@BaBa-pr4ed]

شكرا

[@sousousousou8535]

انا تان مرضت بعد الولادة واش مرضتي اختي و الله يهدي راجلك انا كي نقولو راني نتألم ديرلي حاجة ينوض و يخرج و لا يرقد ربي معانا

[@fairouzlaib9121]

ربي يرزقنا بالزوج الصالح الذي لا يمل ولا يميل يا رب

[@abdouredmi3194]

إنشاء الله يارب العالمين 🤲♥️

[@samaraloli9661]

امين يارب

[@samaraloli9661]

امين

[@Adj-if9in]

أكثرهم كذابين والله لوكان تكون برك ماشي شابة يروح ما يوليش ولو كان تمرضي عندو يداويك ويعايرك وماشي قاع الناس كيف كيف والله المستعان

[@hakimmezache3168]

Bravo alikom w lad bladi vrai les hommes ♥️

[@bouzianelojayn3687]

ربي يخليك ليا ياراجلي انا مرضت وليت شغل مهبولة و كل سمانة فطبيب بصح جامي راجلي خلاني ولى طيشني واليوم الحمد لله راني شفيت والحمد لله

[@Yasminehoyam35]

ماشاءالله هادو وجه الجزائر ورجالها

[@miraamira5853]

المرض إبتلاء من الله عز وجل. ربي يشفي كل مؤمن ان شاء الله

[@thebeautiful7517]

انا عندي مرض السيلياك .... ..ولي كنت نحبو نهار عرفت بلي مريضه بسيلياك ....خبرتو خلاني وراح .😞😞....ربي يشفيني ويشفي جميع المؤمنين ......يارب 💝 المرض مهوش عيب ولا حرام ...المرض إبتلاء من عند الله سبحانو. ....

[@nabilanabila8365]

ربي يشفينا صح سلياك لي يسمع بيه يروح معدنا حتي ذنب فيه يخي ربي لي ابتلانا بيه

[@dadoudouda2882]

شفاء عاجل ان شاء الله

[@samaraloli9661]

الله يشافيك ويعافيك ويطيل عمرك ويحفظك ويرزقك الزوج الصالح ويجعله قرة عينك ويجعلك قرة عينه ويخليكم لبعض ويسعدكم ويهنيكم ويطيل عمركم ويرزقكم الذرية الصالحة اللهم امين يارب العالمين

[@yassinezane6528]

ربي يشفي جميع مرضى المسلمين

[@ayoubelboudali8034]

الحمد لله باقين القلوب الرحيمة المؤمنة المسلمة تحية من أخوكم من كازا بلانكا المغرب...

[@kholoudkholoud6878]

انا بعدما تخطبت مرضت طحت على ضهري راهو معوج ولعروق تاعو معقدين وعندي لاغتخوز فالباسان ويسطر عليا بزاف بمجرد نخدم شوية شغلي وزدت اكتشفت بلي عندي سوفل فقلبي ولازم مستقبلا عملية... والحمدلله كي صارحتو كمل معايا ماخلانيش ودوك رانا متزوجين وماعندناش دراري ادعولي بالشفاء والذرية الصالحة ربي يجازيكم..

[@lolaluna2387]

Allah yarezkek nchallah y'a rebi redoi ljam3a y'a rebi

[@kholoudkholoud6878]

@@lolaluna2387 تعيشي حبيبتي مرسي عليك ومام نتي ربي يعطيك واش تتمناي

[@samaraloli9661]

الله يشافيك ويعافيك ويطيل عمرك ويحفظك ويخليكم لبعض ويسعدكم ويهنيكم ويطيل عمركم ويرزقكم الذرية الصالحة اللهم امين يارب العالمين