EP7/ 不再為別人演戲 - 唐詩詠篇 《BAD ACTING》

SUCH/Drama 當一位演員開始想為自己而演出時，呢個將會係進入Good Acting階段嘅開始。
好多演員都誤會咗，以為演出只係為咗滿足他人，其實咁諗係大錯特錯。如果只為別人而演，演員好易會失去自己嘅獨特風格，甚至因為重重限制而無法真正表現出自己嘅潛力，令到佢哋無法真正地享受表演過程。
當一位演員開始為自己而演出時，佢先至會深深體會到何為真正嘅「入戲」，呢個可以話係Good Acting嘅奧義。為自己而演係一個自我發現同自我實現嘅過程，演員可以自由地表達自己喺演出中嘅意見同想法，並探索自己嘅潛力同可能性。
最後一集BAD ACTING主角唐詩詠亦開始踏入咗Good Acting階段，佢唔再介意別人點諗，享受為自己而演出嘅快樂。環顧咁多集BAD ACTING嘅主角們，我哋都唔難發現學員們都學識點樣去為自己而演出，佢哋學會點樣將自身經歷快速融入不同劇本同角色，喺表演中展現自己嘅風格同才華 ，將自己嘅表演經驗轉化為一種獨有嘅藝術。《BAD ACTING》全套七集已經全部上架，未睇晒又或者想重溫嘅朋友就唔好錯過喇，快啲睇下Olivia老師點樣引導學員去跟隨自己嘅意願演繹不同角色，當中嘅失敗與成功例子，或者可以帶俾觀眾一啲全新嘅啟發。
《Bad Acting》由著名舞台劇導演兼老師甄詠蓓Olivia擔任導師，首次將獨門教學經驗搬上大銀幕，早喺2020年經已喺各百老匯院線作慈善演出，扣除成本後籌得款項已撥予亞洲文化協會（ACC），旨在支持有志進修戲劇嘅年輕人學習表演藝術，勉勵大家共渡電影業艱難時期。
有鑑於先前疫情持續，艱難嘅又點只電影業，所以SUCH 團隊決定將《BAD ACTING》放上SUCH HK平台俾大家齊齊欣賞，為抗疫疲勞嘅香港人打打氣。
監製/導演：蔡美詩
不同學員將陸續登場，包括：林嘉欣、東方昇、李佳芯、蔡思貝、林德信、唐詩詠、蝦頭、田蕊妮、陳曉琪（KJ）、林天立、潘志健、盧詩韻、甄詠蓓。
#BadActing #唐詩詠 #甄詠蓓 #SUCH
記得喺Facebook, Instagram, KZbin密切留意SUCH HK：
Facebook: / such.hongkong
Instagram: / such.hk
KZbin: / suchhk