Рет қаралды 176,261
Бүгін Алматылағы Түрксіб ауданының учаскелік полиция пунктіне бардық. Учаскелік полиция инспекторлары менің қорғауымдағы Тұрсынай есімді қызды “әкімшілік іс қозғалды” деген себеппен шақырған. Мәселенің мән-жайын білу үшін барсақ ешқандай әкімшілік іс қозғалмаған. О заманда, бұ заман: тергеушінің жұмысымен учаскелік полиция инспекторы айналысқанын алғаш рет көрдім.
Естеріңізге сала кетейік, бір топ апалардан құралған ансамбль мүшелері Алматының әкімі Ерболат Досаевқа өтініш білдіріп, яғни 20 адамға(ансамбль мүшелеріне) бірыңғай сахналық киім алуға қаржылай көмек сұраған. Қысқасы әкім Ерболат Досаев жомарттық танытып, 3 млн теңгені өз қалтасынан төлейді. Ал ансамбль құрамындағы бірнеше әжейлер тігінші Тұрсынайды табады, әрі қарай әкімдік қызметкерлері кәсіпкер Тұрсынайдың тігін цехын тексеріп, келісімшарт жасап, киімдерді тігуді тапсырады.
Сонымен, әкімдік Тұрсынайға 3 млн теңгені аударады, тігіншілер өз жұмысын бастап кетеді. Әжелер қалай айтты дәл сол дизайнда киімдер тігіле бастайды. Басталған жұмыстың жартысына келгенде, әжейлер келіп Тұсынайдың жұмысын тоқтатып қояды. Ондағы сылтауы топтың құрамы өзгеріп жатыр дейді. Біресе қайтадан бастауға мәжбүрлейді. Қысқасы әжейлердің кесірінен Тұрсынай материалдық шығынға батады. Соңында келіп әжелер Тұрсынайдан 3 млн теңгені ақшалай беруін сұрайды. Олардың мұндағы ойы: қымбат киімнің орнына арзан киім тауып алып, қалған ақшаны қалталарына баспақ ниетте болады. Тұрсынай ақшаны беруден бас тартады. Себебі қаншама керекті материалдар алып, шығындалды. Әжелер оның үстінен арыз жазады.
Міне, үлкен кісілер әкімді тонап, әрі кәсіпкер Тұрсынайдың жұмысының берекесін қашырып жатыр. Біз осы істі біржақты қылу мақсатында 22 ақпан күні Алматы қаласындағы Түрксіб аудандық прокуратурасына бардық. Өкінішке қарай содан бері полициялар да, прокуратура қызметкерлері де мүлде жұмыс істемеген.
Қысқасы қарттар арсыз іске барып, пайдакүнемдікпен айналысып жатыр.