Ерен ерлікке барған ұлтжанды режиссер Рубикжан Яхин

Ширек ғасырлық шежіресі бар арнамызда есімі ерекше аталатын майталман мамандардың ізі жатыр. Соның бірі -белгілі режиссер Рубикжан Яхин. Оның елге азаттық әкелген 1986 жылғы желтоқсан оқиғасын айна қалпында таспалап алған ерлігі ел арасында көп айтыла бермейді. Шын мәнінде қызыл өкіметтің қанды көзі анталап тұрған сындарлы сәтте мұндай ерлікке бару екінің бірінің қолынан келе бермес еді.