Рет қаралды 234,086
сөзі: Қайнар Алагөзов
әні: Халық әні
Тойың тойға ұлассын
Салған әнім қыр ассын
Әнін берген Еркеге
Бағын берсін Күләштің
2. Атым асып шалқайсам
Марапатқа мархайсам
Әнші Жамал апамдай
Әнімді айтып қартайсам
Еркем еркем еркем-ай
Еркем десе көркем-ай
Елдің еркелеткені
Ең ғажайып ертегі-ай
Ағалардай нұрлансам
Ізгілерден үлгі алсам
Жезтаңдайы қазақтың
Роза апамдай гүлі болсам
Мерейін ел асырған
Ақ баяным асылдан
Мәдина апама
Еліктедім жасымнан
Еркем еркем еркем-ай
Еркем десе көркем-ай
Елдің еркелеткені
Ең ғажайып ертегі-ай
Қызығардай қыр гүлі
Сүйсінердей күн нұры
Бейбігүлдей бағының
Болсам шіркін бұлбұлы
Ерке қыздың сенері
Қазақ деген ел еді
Мақпал апам секілді
Ерке болғым келеді
Еркем еркем еркем-ай
Еркем десе көркем-ай
Елдің еркелеткені
Ең ғажайып ертегі-ай
Жауһазындай жас күнім
Махаббатқа мас күнім
Қарақаттай қазақтың
Тұмар етсем дәстүрін
Шаршап белді таянбай
Ару қызы Баяндай
Өнер үшін ән үшін
Тер төгемін аянбай
Еркем еркем еркем-ай
Еркем десе көркем-ай
Елдің еркелеткені
Ең ғажайып ертегі-ай
Еркем еркем елім-ай
Кербезденген керім-ай
Еркелеген еркемді
Еркелетші елім-ай