ERROR NOW歐洲國家盃記者會訪問＿

ERROR擔任「講波佬」 出關保錡戒爆粗
「宇宙天團」ERROR將為歐國盃任「講波佬」，笑問會否講到爆粗？保錡說：「我唔爆粗㗎！戒咗啦！」自認是「保錡字典」的肥仔代為翻譯說：「保錡的意思是除了拍ERROR的節目，戒了在鏡頭前爆粗！」193即笑說：「我哋冇嗰啲足金x猴做吉祥物㗎，哈哈！」阿Dee亦謂有「全能強尼」傍實，不擔心有甩漏；193續說：「我哋負責輕鬆部分，例如讚吓C朗個波好大之類！」
談到《ERROR自肥企画》熱播，被「死亡恆星」射中下體的193，直認下體又紅又腫，加上痛到有點休克，一度想入醫院，「本來想即場檢查下體仲有冇反應，但又有攝影機影住，依家大咗呀，由金菇變猴頭菇，哈哈！ 」至於贏得一噸啤酒的阿Dee，笑認因通告太多僅飲了兩支；肥仔笑指阿Dee已開始酗酒；193則希望阿Dee不要酒後亂性狂生仔。
問到保錡是否「解凍」才有機會拍廣告？193笑說：「冇話過雪佢，佢自己想休息啫，人哋夾硬迫佢做嘢，幾勁呀！」保錡尷尬說：「係囉！之後嘅工作就係講波囉！」
對於網友熱捧ERROR做東京奧運主持，193最想旁述籃球；「Lady Killer」肥仔則想講女排；阿Dee想講體操，即被193取笑想睇男人著緊身褲，阿Dee續說：「美國嗰啲好大碌！」保錡則笑謂想旁述短跑：「講十幾秒就收工，呃騷錢一流呀！哈哈！」193再放笑彈說：「千祈唔好搵我哋講馬拉松！」
此外，193表示一年前與好友cover了吳業坤的歌曲，吸引坤哥留言，但二人工作忙碌，拖到現在才合作，「私下都認識嘅，今次純粹玩吓，cover歌應該6月才出。」並避談跟「Dee姐」Isabella的緋聞。
#ERROR #梁業 #何啟華 #ERROR193 #郭嘉駿 #吳保錡