Рет қаралды 970
ESHAARA YOKUSHABA ENDURIGYENSIA
NAKUHA OMUTIMA GWANG
Nomubiri gwangye, nebitekateeko byangye, nebigambo byangye, nebikorwa byangye byerizooba, nakukwatsa enaku zangye ninzikwatanisiza omu za Yesu Kristo Mukama waitu, mbone kukuhimbisa nokukugwisiriza ahabwebibi byangye, erizooba tindikwenda kukugomera, mbwenu ompwere ahabwokuba tindikubaasa kukorakantu karungi waaba otambangiire Amiina
TATEITWE
Tateitwe ori omwiguru, eiziina ryawe ritinwe, obukama bwawe bwije, ebyokunda bikorwa omunsi nkoku bikorwa omwiguru, otuhe erizooba egabo yaitu yobutoosha, otusaasire ebibi byaitu nkoku tusaasira abatushagiza, otatutureka tukohibwa kureeka otujune omubi Amiina .
KASINGYE MARIA
Kasingye Maria oijweire eneema Mukama ari niwe, okahebwa omugisha okukira abakazi boona na Yesu omwana wenda yaawe akahebwa omugisha, Maria omuhikiriire Nyina Ruhanga Otushabire itwe abasiisi, mbwenu nomubunaku bwokufa kwaitu Amiina
Ekitinwa kibe ahari Patri...
NINYIKIRIZA RUHANGA PATRI
Ninyikiriza Ruhanga Patri omushoboorozi wa byoona, omuhangi weiguru nensi, na Yesu Kristo omwana omwe wenka Mukama waitu, owabakirwe omunda ahabwa Mutima Orikwera, akazaarwa Bikira Maria, yarebesibwe enaku ahabwa Ponsio pilaato, yabambwa ahamusharaba, yaafa yaziikwa, yashuma okuzimu, aheizooba rya kashatu akazooka omubafiire, yatemba omwiguru, ashutami ahaburyo bwa Ruhanga ishe omushoboorozi wa byoona, eyariruga naija kushoboorora abahurire nabafiire, ninyikiriza Mutima Orikwera, Eklezia ya boona ehikirire, okweteraana hamwe kwabahikiriire, okusaasirwa ebibi, okuzooka kwemibiri namagara agatarihwaho Amiina
ESHAARA YOKWIKIRIZA
Ruhanga wangye ninkwikiririza kimwe, nebyamazima byoona ebyeklezia katolika etwegyesa, ahabwokuba niwe wabigigambire, Kandi tobaasa kuhuga nakubeiha Amiina
ESHAARA YOKWESIGA
Ruhanga wangye ninkwesigira kimwe Kandi ahabwa Yesu Kristo, ninyesiga ku origuma nompwera omunsi kukuratira ebiragiro byawe, okampa namagara agatarihwaho omwiguru. Manya ebyo niwe wabituraganise, kandi ori murungi munonga omushoboorozi wa byoona, nohikiririza kimwe endagaano zaawe Amiina
ESHAARA YOKUKUNDA
Ruhanga wangye ninkukundira kimwe, nomutima gwangye gwona, namagara gangye goona, nobwengye bwangye bwoona, kandi ninkunda bataahi bangye nkoku Yesu yatukunzire Amiina
ESHAARA YOKWETEISA
Ruhanga wangye ebibi byangye ebinakozire, nabyangira kimwe, ahabwokuba ori murungi munonga omukundwa buzima, kandi noyanga ebibi nanye nabirekyeraho, mbwenu ombangire ntagaruka kukugomera Amiina
BIKIRA MARIA OMUHIKIRIIRE
Bikira Maria omuhikiriire, niwe Malaika omurinzi wangye, nabahikiriire mweena abomwiguru mundinde omwizooba eri Amiina
BIKIRA MARIA OWEMBABAZI
Bikira Maria owembabazi, oijukye kubatakahuriraga ira ryoona kuwanagirire nakuhungireho, nayeshabira Ku omujuna, nakutaagita Ku omutonganirira, mbwenu nanye ninkwesiga ntyo ninyija ahori, niwe Bikira okira ababikira niwe maama, ninkuhungiraho nyowe omusiisi ninkukwata amaguru, nindira ahabwebibi byangye, nkweshengyereize iwe Nyina Yesu, otagaya okushaba kwangye, kureka ompurikize nembabazi Kandi ompe ekindikukushaba Amiina
Ai Bikira Maria owahangirwe ataine kibi kyobukomoko, Otushabire itwe abarikukuhungiraho.
ESHAARA YOKUSHABA OBURIKWERA
Yosefu omuhikiriire, eishe ababikira, niwe murinzi waabo kandi omwesigwa ou Ruhanga yakwatsize Yesu Kristo enzira kabi na Maria okira ababikira boona, ahabwembikirwa ezo zombi ezokunda munonga Yesu na Maria, nakushaba ninkweshengereza onjune oburofa bwoona, mbe nobwengye obutaine kabi, nyere omumutima nomumubiri, ngume mpereeze Yesu na Maria ebiro byoona, ntagira ebyobufu nakakye. Amiina
ESHAARA EI BIKIRA MARIA ATAYANGA
Ai Maria Mukama wangye niwe maama, nakweha nyena kandi okukumanyisa kunabera kimwe owaawe, reeba nakuha amaisho gangye, namatu gangye, nakanwa kangye, nomutima gwangye nyena buzima, ai maawe omurungi, nabire owaawe ondinde, ondwaneho nkomwiru waawe nyabwawe Amiina
Eisakramentu eririkwera munonga erihanukire kimwe omwiguru, barihaise obutitsya, barisimasime Amiina
Yesu Maria Yosefu nabaha omutima gwangye, nobwengye bwangye namagara gangye.
Yesu, Maria, Yosefu, mumpe emikono omubunaku bwa nyima obwokufa kwangye.
Yesu, Maria, Yosefu, nkabe mpora mundihihi okunshemereza.
Yesu omworobi Kandi omucureezi omumutima, orindegye omutima gwangye gube nkogwawe.
ESHAARA YOKUSHABA OMUGISHA GWOKUFAGYE
Ruhanga wangye ninyikiriza okuruga hati, orugyero rwona orwokufa, orworinkundira kunfeeramu nindwikiriza, hamwe nokubabirwa, nobuhuruzi, nobusaasi bwarwo bwoona, ebyo nimbikiriza ntarikwanga, Kandi ninshemererwa okuba nibiruga omumukono gwawe Amiina
Ruhanga wangye niwe byoona Amiina
MALAIKA WA MUKAMA AKAGAMBIRA MARIYA....
TUSHABE
Ai Mukama twakweshengyereza, otwongyere amagara gaawe omumitima yaitu, kandi nkoku twamanyisibwe Malaika okuba omuntu Kwa Kristo omwana waawe, tutyo ahabwobusaasi bwe nahabwokutufeera ahamusharaba, tuhikye omukitinwa kyokuzooka. Eki twakishabira omuri Kristo Mukama waitu Amiina