Еске алу. Асан Сапарұлы (1935 - 2017)

«Тау алыстаған сайын биіктей береді.» Ол - жан жары мен ұрпақтарына қадірлі әке, берік тіреу еді. Ағайын-тумаларының қимасы, жора-жолдастарының сыйлысы-тұғын. Әлбетте, уақыт өткен сайын санамыз жаңарғанымен, жарқын бейнені жадымыздан өшіре алмасы хақ.
Аяулы азамат елі үшін ерінбей еңбек етті. Жалқаулық пен масылдықты кейінгіге ысырып, маңдай терін төге қарекет қылды. Адалдық атты қасиет жанына серік болатын. Саналы ғұмырында қамқорлықты да бір кісідей жасап бақты. Аузын ашса көмекейі көрінетін ақкөңіл еді.
Алайда, ардақты жан Асан Сапарұлы Сапаровтың өмірі сексеннің екісінде қайырылды. Пешенеге жазылған ғұмыры осы болыпты. Дегенмен, ол өнегелі әрекетімен, ғибратты қарекетімен әдемі қартайды. Парасатты педагог, саңлақ спортшы ретінде ұлықталды.
Иә, жаны жылулыққа, жүрегі мейірімге толы абзал азамат Асан аға Сапарұлының жарқын жүзді бейнесі ешқашан ұмытылмақ емес...