'Euskara eta abertzaleak, bidegurutze berean? eztabaida saioa

#abertzaletasuna #euskara #elgoibar
Herritarrek hala erabakita, orain arteko abertzaleena izango da Eusko Legebiltzarra, jokoan zeuden 75 eserlekuetatik 54 eskuratu dituztelako indar abertzaleek. Hala ere, jendeaurrean egin dituzten agerraldietan oso gutxitan entzun ditugu euskararen arazoez berbetan. Euskara galga zaio abertzaletasunari?
Gai hori izan zuten, hain justu ere, eztabaidagai Elgoibarren apirilaren 23an, Elgoibarko Izarrak eta Udalak 'Zergatik eta zertarako euskaldun?' programaren baitan antolatu zuten 'Euskara eta abertzaleak, bidegurutze berean? izeneko saioan.
Eskutik al datoz euskara eta abertzaletasuna?. Abertzaletasunaren diskurtsoa pizgarri ala galga da euskararentzat? Euskarak ematen al du botorik? Zer harreman behar da euskararen eta estatugintzaren artean? Galdera horiei erantzun zieten Jose Manuel Odriozola soziolinguistak eta Julen Zabalo EHUko Soziologia eta Gizarte Langintzako irakasleak martitzenean. Ainhoa Larrañaga abokatu eta Mondragon Unibertsitateko irakasleak gidatu zuen saioa.
Informazio osoa: barren.eus/elgoibar/171431771...