EUSKARALDIA 2022 USURBIL - Zer lortu nahi duzu aurten Euskaraldian?

2022ko azaroaren 18tik abenduaren 2ra, Euskaraldiaren ariketa soziala egingo dugu Usurbilen. Ehundaka ahobizik eta belarriprestek hizkuntza-ohiturak aldatzeko saiakera egingo dute. Ez da erronka makala. Horregatik, ariketaren partaide izango den oro gonbidatu nahi dugu helburu egingarri bat zehaztera aurtengo ediziorako. Modu horretan, norberarentzako ariketa eraginkorragoa izango da Euskaraldia. Bideo honetan, herritar batzuen erronkak bildu dira.