Ezagutu BasoAppen funtzionaltasunak

Euskadiko baso-egur sektorea hainbat proiektu bultzatzen ari da balio-katea digitalizatzeko, baso-jabetzatik hasita eta bai baso-lanetatik bai lehen eta bigarren eraldaketako industriatik igarota. Euskal mendien baso-kudeaketa iraunkorra errazteko Basoekin - Gipuzkoako, Bizkaiko eta Arabako basogintza elkarteek beren bazkideen mendien kudeaketa errazteko sortutako elkartea -, Baskegur - euskal basogintza eta zurgintza sektore osoa biltzen duen erakundea - eta Batura - digitalizazioan espezializatutako enpresa - BasoApp jarri dute abian. Gailu mugikorretarako aplikazio bat da, eta Androiderako eta IOSerako bertsioa izango du. Telefono edo tablet batean kudeaketa-planen eduki osoa ikusi ahal izango da, egin beharreko lanak denboran mugatuta, eta, gainera, mapan partzelak kokatu ahal izango dira GPS kokapenari esker.
Ezagutu aplikazioaren funtzionaltasunak bideo honetan.